MARKA 9:3 - Ngawm Bible

³ A puansilhte cu iti bang mihing hei i thiantik zawh tuk ngawl tianin, khap susulin de mahtak hi.

MARKA 9:3 Iomraidhean Croise

SAAM LABU 51:7

Ka sualnak cu vawksak inna, mithiang hi tung hi. Som inna, vuk sangin ngo saw tung hi.

SAAM LABU 68:14

Cungnungbel Pathian in Zalmon Mual humah Kumpite a khenkhek khawng ten mahlaiah vuktatik hi.

ISAIAH 1:18

Topa in, “Hung unna, son khawm nung. Na sualnak uh cu sandang bangin a san hei in, vuk bangin ciangtik tung; Sandup bangin a dup vangin tuu mul bangin ngotik tung.

DANIEL 7:9

Mahtibang ka zoh lih laihin kumpi khunnakte na koih haw hi. Kumkhua a nungmi cu khunnak pa khat humah khung hi. A puan cu vuk bangin ngo in, a sam cu tuumul bangin thiangtho hi. A khunnak cu mei alh leng humah umin alh dudum hi;

MATTHAI 28:3

A mel cu khuaphelep bang hi in, a puante cu vuk bangin ngo hi.

MARKA 9:4

Mahten Elijah le Moses vang Jesuh tuah thuson ngel li in mu haw hi.

LUKA 9:29

A thunget lih laih takin Jesuh cu a melthekin, a puan silh de susulin ngo hi.

NUNGZUITU 10:30

Kornelias in, “Ni thum zo hi, ka innah zanlam nazi pa thum ten thungen ing a, thakhat thu in, a de zetmi puan silhin, mi pa khat ka mai ah ding a,

MANGMUHNAK 19:18

Hung unna, kumpi bawite, ngal bawite, ngalkapte, cipuh le cipuh uktute, mi hempoh, sal hei hihen, miluat hei hihen, mingeng le mineu hei hihen, himi hempoh tei cik ei un,” tin ti hi.

MANGMUHNAK 7:14

“Thei ma sing, Topa, nangmah in thei saw tuk ci,” tin donleh ing. Amah in, “Hi mite cu bawlsiatnak nasezet sung pen a himno in, a suakmite haw hi. A puan haw cu Tuuno thisan sungah sawpin, ngotik zo haw hi.

MANGMUHNAK 7:9

Mahceng ten ka zo le mipi tamzet mu ing. Kuamah i sialcelh ngawl mipi hi. Amuhte cu mi phunkim, hinnamkim le awn phunkim pen hung mite hi haw in, kumpi khunnak le Tuuno mai ah ding haw; puan ngo silh haw in, a khut hawah suhsau kang cawi tek haw hi.