MARKA 7:9 - Ngawm Bible

⁹ Jesuh in pehlehin, “Nangmuh tei thuzilhmi khotikin, Pathian piakmi thukham nial cu thiam mahtak uh ci!

MARKA 7:9 Iomraidhean Croise

SAAM LABU 119:126

Topa aw, na nadeh hun zo. Mihing ten na daan cu palcat pepel haw!

ISAIAH 24:5

Mihingin Pathian dan pahbalin, kumkhua ca bawlmi a thukham cu siatsuahin leipi cu nawngkaitik haw hi.

ISAIAH 29:13

Topa in, “Himi ten bia haw naven a ot haw cu sullam nei ngawlin, a lungmu haw cu ilai lamah hum vakvai thong. Amu ca in biaknak tihmi cu mihing tei bawlcopmi dan noinang thial le thil tihdan thongpohte hi, zo ngawlin a sial haw mite hi.

DANIEL 11:36

“Siria kumpi in, ama nuam bangin bawl tuk hi. Iti bang pathian sangin ngeng saw ing, tin tuangkhawng li tuk a, Cungnungbel Pathian sang hei in, nase saw ing tin, tuangkhawng tuk hi. Pathian bawlsiatnak a tawk laihngawl sung cu mahti bangin ti pepel tuk laih hi. Mahnaven Pathian in, a tumtah bangkekin bawlsuak tuk hi.

DANIEL 7:25

Cungnungbel Pathian sonsia tuk a, Pathian mihingte bawlsia tuk hi. A biaknak daante le puaite thek tum tuk hi; Pathian mihingte cu kum thum le a lang sung a khutnuai ah koih tuk hi.

MARKA 7:13

Hi bangin thu na hilhnak uhin Pathian awnkam cu kaltan khawng uh ci, mahtih bangin na bawl uhmi tampi um hi,” ti hi.

MARKA 7:3

Farasi mite pepan Judah mi hempoh ten tanglaih pu le pa tei daan zui in, khutsom masa ngawlin an ei awng haw ma hi.

MARKA 7:5

Mah hangin Farasi le Daan zilhtu ten, “Ita tanglaih pupa tei thukhamte na nungzuitu ten zui ngawlin an ei haw kaw?” tin dong haw hi.

ROM Khua Khristian Tei Lakah Paul i Laikuat (Paul’s Letter to the Romans) 3:31

Mah ahi tale hi upnak hangin Daan cu vawkta hung tihnak hi tuk maw? Mahtin kha ma hi, Daan khotik saw hi.

2 KORIN 11:4

Itahim titale keimuh tei phuanmi hi ngawlin, a dang Jesuh thu a phuangtu a hung haw tale lungdam zetin sang paih uh ci a, kohtei hilhmi Hawvang Thiangtho le lungdamnak Thuthangpha tuah bangve ngawlmi, hawvang dang le lungdamnak thuhilh a um haw ten sang paih uh ci.

GALATI 1:14

Judah biaknak zui lamah ka khuk pih lak pen a manbel ing. Ka pu le pa tei daan zui lamah vang a cuangin muantak mi ing hi.

GALATI 2:21

Pathian i hehpihnak cu zamsan thei mang. Mihingte cu Daan zuinak hangin thiancotik ahi tale Khrih thihnak cu man nei ngawl thawnthongin cang tuk hi!

2 THESALON 2:4

Mi ngilo pa in midang tei Pathian a ngaihsut haw mi le biak tukin a ngaihsut haw mi hempoh do in, mah hempoh tei humah amah le mah koih cop tuk hi. Pathian Biakinn sung hei ah khung tumin, keimah hi Pathian toh ing, tin tituk hi.