MARKA 7:21 - Ngawm Bible

²¹ A sung pen le a lungmu sung pen ngaihsutnak pha ngawl tul hi.

MARKA 7:21 Iomraidhean Croise

PIANPATNAK 6:5

Pathian in, leihummi hempoh cu mipha ngawl ngeh haw in, a lungmu sung hawah ngaihsutnak sesuak bek dim hi tih cu a theih ten,

PIANPATNAK 8:21

Noah i piakmi namtui cu Topa in, a theih ten a lungmu sungno in, “Mihing tei bawlmi na hangin leihum cu tamsia tukma toh ing. Mihing cu a neu laih haw pepanin phatngawlnak bebek ngaisung haw tih cu thei ing. Mahnaven tutum bangin ituk hei ten a nungmi siatsuahleh tukma toh ing.

JOB Laibu (The Book of Job) 14:4

A thiang ngawlmi mihing sung pen, a thiangmi tul thei ni maw? Tul thei awng tukma.

JOB Laibu (The Book of Job) 25:4

Pathian mitmuhah, numei hinmi mihing lak pen midik um haw ni maw? A thiangmi akua bek um haw ni maw?

SAAM LABU 119:36

Hauhnak sangin na thupiakmi a zui nuamtu hi sawtikin hi.

SAAM LABU 14:1

Misil ten a lungmu sungah, “Pathian umma,” ti hi. Mihingte cu sia khawng haw hi; Ningdelhhuai thil tampi bawl haw hi. Thilpha bawltu pa khatno hei um haw ma hi.

SAAM LABU 14:3

Mahnaven lampial khawng haw hi. A lungmu sung haw tianin uih khawng hi, Kuamah thilpha bawltu um haw ma, Pa khatno hei um haw ma hi.

SAAM LABU 53:1

Misil ten a lungmuno haw in, “Pathian umma,” ti haw hi. Mihingte hi itih zahin kaw a siat haw? Mullinghah thil tampi a bawl haw hi. Thil pha bawltu pa khat hei um haw ma hi.

SAAM LABU 53:3

Mahnaven a venghawng haw in lam khial khawng haw hi. A lungmu sung haw tianin sia khawng zo hi. Kuamah thilpha a bawltu um haw ma, pa khatno hei um haw ma.

THUPAUCAP 15:25

Topa in uangkho tei inn cu siatsuah tuk hi, mahnaven meivong tei thil cu cingkhawi tuk hi.

THUPAUCAP 4:23

Ngalling zetin thu ngaisungin, itahim titale na ngaihsut mi thu in, na nunnak puahto tuk hi.

ISAIAH 59:13

Nangmah do in, kik ung. Zui nap ma ung. Midangte bawlsia in, na humah langpang ung. Ka ngaihsutnak uh camcawi thei ma, ka ot uhmi vang zolthu ngeh.

ISAIAH 59:7

A pha ngawlmi tuptahnak lungmu nei leleng uh ci a, mahmi dek suak tukin napzet uh ci! Sualnak nei ngawlte thahnak tukin zuancum awng ma uh ci. Na hawhnak hempoh uhah siatsuahnak le phat ngawlnak bek hengtik uh ci.

JEREMIAH 16:12

Mah i humah nohte cu na pu le pa uhte sangin, luai saw lalaih uh ci. Na venghawng uhin mi lungkhoh le mi suaksual hi uh ci a, ka thu ngai nuam viang ma uh ci.

JEREMIAH 17:9

Mihing tei lungmu cu akua kaw a thei zo tuk? Thildang sangin mizol mangbel hi; Damtik tukin haksa zetin, a natnak na sia leita.

JEREMIAH 4:14

Jerusalem, thil sual na bawl mite cu na lungmu sung pen som ciang khawng inna, himnak ngah tuk ci. Itik can tian kaw thil sual cu na lungmu in, na ngaihsut hih tuk laih?

EZEKIEL 38:10

Cungnungbel Topa in Gog lakah, “Mah hun a hen ten thupha ngawlte ngaisungin um tuk ci.

MATTHAI 15:19

Itahim titale mi a thattiktu nupa sualnak a bawltiktu, a dang thil sual a bawltiktu le mi a ngucatiktu zolthu sontiktu misiatiktu, a sonsiatiktu ngaihsut sesuak hempoh cu a lungmu sung pen tul mite hi.

MATTHAI 9:4

Mahtin a ngaihsut haw cu Jesuh in thei in, “Itakaw hitih bang thilpha ngawl na ngaihsut lih uh?

MARKA 7:20

Mihing a nintiktu cu a sung pen a tulmi saw khi hi.

MARKA 7:22

Ngukcaknak, mi thahnak, mi zi hum a sualnak, duhhawpnak, ngitlohnak, mizolnak, a siasuak deihnak, mi ennak, mi iknak, ultunnak, imah khenkhuai ngawlin nun pawpoh nunnak;

LUKA 16:15

Jesuh in amuh tei lakah, “Mipi mai ah midikbel bangin langdun cawmtik hi uh ci. Mahnaven Pathian in, na lungmu uhte thei khawng hi. Itahim titale mihingin man neizet a ngaihsutmi cu Pathian muhnak pen imah ma hi.

NUNGZUITU 5:4

Na van cu na zuak laih ngawlin nangmata hi; na zuak ceng hei ten na ngahmi tangka cu nangmata leleng hi. Mahnaven ita hi tih bangin bawl tukin na lungmu hihimin, na ngaihsut? Mihing zol ma vecin, Pathian zol ci,” ti hi.

NUNGZUITU 8:22

Hitih bang thilpha ngawl na ngaihsut sualnak pen sikkik inna, a ngaihthiam theihnak tukin Topa i lakah thungenin hi.

ROM Khua Khristian Tei Lakah Paul i Laikuat (Paul’s Letter to the Romans) 7:5

Itahim titale mihing nundan in, a nunlaih uhin, a taksa uh i sualnuamnak cu Daan in, a taksa sung uhah na dektikin, a ngah a muh uhmi cu thihnak hi.

ROM Khua Khristian Tei Lakah Paul i Laikuat (Paul’s Letter to the Romans) 7:8

Mahnaven sualnakin mah thukham cu mangin ka pumpi sungah deihnak le nuamnak a phunkim suaktik hi. Daan um ngawlnakah sualnak cu a thi hi.

KOLOSE 3:5

Nangmu sung a nadektu leihum pumpi deihnak, nupa sualnak le zohmawi ngawlmi ngamtatnak, tisa nopnak le hampumnakte cu nungtik toh pahsuh un hi. Hampumnak cu milim biaknak pa khat hi.

TITUS 3:3

Itahim titale eimuh hei nidang laihin misilzet le thu ngai ngawlmi hi hung a, khialzet hung hi. Tisa deihnak le nopnak a phunkim i sal hi hung hi. Mi nautatnak le mi cinnakin, a hun le can uhte mang hung hi. Miten hua in, eimuhte vangin hua bok hung hi.

JAMES 2:4

nangmu lakah deidat dunnak nei uh ci. Mahtibang lungmu sehuainak hangin thukhennak bawl uh ci.