MARKA 6:6 - Ngawm Bible

⁶ Jesuh in mipi ten amah a up haw ngawl hangin lamdangsazet hi. Mahceng ten Jesuh cu a elkim khua dangah Pathian thu hilhin vak kawkawi hi.

MARKA 6:6 Iomraidhean Croise

ISAIAH 59:16

Nuainep mite bawmtu tukin kuamah um haw ngawl amuh ten amzet hi, mah hangin ama cahnak huham cu mang tuk a, nehtu hi tuk hi.

JEREMIAH 2:11

Miphun dang kuamah in, pathian ngai ahi ngawl hei in, a pathian thek haw tih za awng mang! Mahnaven ka mihing ten a Pathian haw kei cu thek haw hi. A hum haw a, sunloihnak a hentu Pathian cu, amu ca imah a nemcuam kha ngawl, khawhuai tuah thek thong haw hi.

MATTHAI 4:23

Jesuh cu Galilee ngam a khua hempoh ah hawhin, pumkhawm inn hempoh ah thuzilh ngut hi. Vancung Uknak Thuthangpha hilh pepelin, natnak phunkim a thuakmite damtik pepel hi.

MATTHAI 8:10

Mahmi cu Jesuh in, a zak ten lamdangsa zetin amah zuitu mipi tei lakah, “Thungai in hilh ing, Israel tei sung hei pen hi pa i upnak bang hi mu awng ma laih ing.

MATTHAI 9:35

Jesuh cu khualzinin khuapi le khua neu ah pal pepel hi. A pumkhawm inn hawah thuzilhin, Vancung Uknak Thuthangpha hilhin natnak a phunkim a neite damtik pepel hi.

MARKA 1:39

Mah hangin Jesuh cu Galilee ngamsung hempoh ah hawh a, pumkhawm inn sungah thuzilhin, khawhuai hawlvawk pepel hi.

MARKA 10:1

Jesuh cu Kapernaum pen thawnin, Jordan ngun ngalkhat a, Judah ngam lamah hawh hi. Mihonpi cu Jesuh nelah khawm leleu haw ten thuhilhnak nei hi.

LUKA 13:22

Jesuh cu Jerusalem lam zuanin, a hawh laihin, khua pa khat nung pa khat pal pepel a, thuhilh thah pepel hi.

LUKA 4:31

Jesuh cu Galilee peng Kapernaum khua ah hawh a, Sabbath ni-in thuzilhnak nei hi.

LUKA 4:44

Mah hangin Judea ngamsung hempoh a, Pumkhawm innah thuhilh pepel hi.

JOHAN 9:30

Mahpa in, “Izahta in lamdang him! Ka mit khua mulehtik thei leng napi in, ilai pen hung him tih na theih uh ngawl cu lamdangzet ngai si! tin don hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.