MARKA 6:11 - Ngawm Bible

¹¹ Munkhat pawpohah na thuhilh uhte ngai nuam ngawlin a kik haw tale na tul uhten amuh tei humah phat ngawlnak thusia um tahen tihnak tukin na ke uh a, leivul thiingta in zam un. Mahmi cu amuh tei ca ngallin piaknak hi tuk hi,” tin thupia hi.

MARKA 6:11 Iomraidhean Croise

NEHEMIAH 5:13

Ka taihet puan dukin, a mai haw pen thing ing hi, “Na thutep uh bangin na bawl uh ma tale Pathian in hi taikennak puan bangin nohte cu thing tuk hi. Pathian in, na inn uhte le na neihmi hempoh uhte laksak khawng tuk a, thacangin zam tuk hi,” tin ti ing. Mahlai a, um hempoh ten “Amen” ti haw in, Topa cu thangphat haw hi. A thutep haw mi cu zui haw hi.

MATTHAI 12:36

“Thungai in hilh ing hi; kua hei hihen ngalling ngawlin a otmi cu Thukhen Ni ten ita mahti bangin awn kaw, tin a hilhciangleh kul tuk hi.

MARKA 6:10

A khua sung haw pen mun dangah na thawn uh tianin, na tum masanak tei innah um leng un.

LUKA 9:5

Nangmuh a kik tei khua cu zamsan unna, mahlai khua ngallin piaknakin, na ke uh a, leivul khi na thiingta un,” ti hi.

NUNGZUITU 18:6

Amuh ten Paul i thu cu elin awnkam sia tuah a don haw hangin Paul in, a lungkim ngawlnak a laknakin a puan hum a leivul thiingta zamin, “Na phathong uh tale cu nangmu sual hi tuk hi. Kei mawhsiat pahsuh un! Tu pepan Gentail mitei lakah hawh tung,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 2:16

Mah hangin Pathian in Jesuh Khrih tawnin, mi hempoh tei lungmu sungah a ngaihsut kuh haw mi cu thu a khen ni ten, ka phuanmi Thuthangpha bangin thukhen hi tuk hi.

ROM Khua Khristian Tei Lakah Paul i Laikuat (Paul’s Letter to the Romans) 2:5

Mahnaven nang cu thinlian le lungmu ngeng zetin um ci. Mah hangin Pathian in, a thinuknak le thudik thuman tuah thu a khen ni ten na tawh tukmi dantat cu a ngeng dedeuh tukin nangmah le nangmah bawl cop ci.

2 PETER 2:6

Pathian in Sodom le Gomorah khuapi cu zamsanin, mei tuah siatsuah hi. Mahmi cu Pathian kihcaknak a nei ngawltu tei ca in cin leleng tukin a bawlmi hi.

2 PETER 2:9

Mahten Topa cu amah a kihcatu tei haksat a thuak haw ten panin mipha ngawlte cu Thukhennak Ni tian bawlsiatnak thuaktik tukin koih hih hi.

2 PETER 3:7

Mahnaven atu a ummi van le lei pi hi mei tuah siatsuah tukin, Pathian i thupiaknak lelengin, a khawih hihmi haw hi. Pathian a zawnsaktute cu thu a khen ni le siatnak a tawh haw tuk ni ca in khawih hihmi hi haw hi.

1 JOHAN 4:17

Thukhennak Ni ten ngalhannak a neihnak tukin itnak cu eimu sungah cangkimtik zo hi. Mahten leihum a nunnak uh cu Khrih nunnak bang a hih hangin mah ngalhannak cu nei loli tuk hung hi.

JUDE 1:7

Mah vancungmite bangbok lengin, Sodom le Gomorah khua le a elkim khua ten nupa sualnak bawlin, zoh mawi ngawlin ngamta haw tih khi phawkngil pahsuh un; amuhte kumkhua mei ah dantatnak a thuakmi haw khi mi hempoh tei ca in ngallinnakin, a piakmi hi tih langciang hi.