Israel mite cu milim tuah pehdunnak neileh haw tukma toh hi. A thungetnak haw ngai in, cingkhawi leleng tung hi. A ceh a hing lelengmi thingkung pi bangin ka lim nuai ah koih tung hi. Keimah cu a muicu ngahnak bulpibel ing hi tin,” ti hi.
Mahnaven Jesuh cu mengleng hi. Thiampi Sang in awn lehleu in, “A nungmi Pathian min salin, thukamin hilhin hi. Pathian Capa Khrih hi maw hi ma nge cim hilh hemin,” ti hi.
“Nazareth khua mi Jesuh aw, kohtei lakah i bawl tuk nei nge cim? Keimuh siatsuah tukin hung cim maw? Akua nge cim tih thei leng ung hi; Nang cu a Pathian i mi Thiangtho hi ci,” tin ngingzet auto hi.
Mahti bang kha ma hi! Na ngalte it unna, amu humah phatnak bawl un, ngahleh tung tin ngaihsutnak tuah sum leicawi pahsun hi. Mahti bang na bawl uh tale laksawng tampi ngahin, Cungnungbel Pathian i ca hi tuk uh ci. Itahim titale amah cu misual le lungdamnak thei ngawl tei humah hei in pha hi.
Jesuh amuh haw ten nging zetin au hi. Jesuh ke bulah bokin, “Jesuh, Cungnungbel Pathian Capa! Kei nelah na bawl tuk i nei cim?” “Kei hi bawlsia pahsun tin kun ing,” ti hi.
Mahnaven hi zong hi ngan ing a, ka ngatnak sullam cu noh ten Jesuh cu Khrih, Pathian Capa hi tih umin amah na muannak uh i hangin nunnak na neihnak tukin hi.
Mun tihkimah vakin hawvang sia hawlvawktu Judah mi khenkhat ten Paul bangin Topa Jesuh i minin bawlbok tum haw hi. Amuh ten hawvang sia tei lakah, “Paul i tihnak bangin Jesuh min tuah hawlvawk ing,” tin ti bok haw hi.
Eimuh tei lemdaihnak bulpi Pathian in nangmu ke nuai ah Satan cu tanpekin, ngawikeh bilhbelh tuk hi. Topa Jesuh Khrih i hehpihnak cu nangmuh tei nelah um tahen.
Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,
Melkhizedek cu Salem khua kumpipa hi a, Cungnungbel Pathian i thiampi hi. Abraham cu ngaldo in kumpi pa li a nehnak mun pen a pinleh ten Melkhizedek in muak a, thupha pia hi.
Pathian pa khat bek um tih sang uh cim maw? Mahtin na san uh cu phazet hi. Mahnaven khawhuaite hei in Pathian pa khat bek um tih khi sang bok haw a, lau in can tawtok bok haw hi.
Kua hei hihen sualnak a bawl lelengtu cu Satan ta hi. Itahim titale Satan cu a pat pepan sualnak a bawltu hi. Pathian Capa a hunnak cu Satan nadehnak siatsuah khawng tukin hi.
A thuneih theihnak haw sungah um nuam ngawlin a umnak mun a zamsantu vancungmite khi thei leleng un hi. Amuhte cu leihum khuathim sungah kumkhua thik taicin tuah khih comi hi haw in, thukhen Ni ten Pathian in siatsuahleh tuk hi.
Mah hangin van le a sung a um hempoh ten na lung uh dam un. Mahnaven lei le tuipi ca in izah lauhuai him! Itahim titale khawhuai cu nohtei lakah hengsuk zo in, hun tam a neih ngawllam a theih hangin a thinuk mahtak hi.”