MARKA 4:7 - Ngawm Bible

⁷ A khenkhat cu ling lakah cu a, lingkung ten depin, a cang nei thei haw ma hi.

MARKA 4:7 Iomraidhean Croise

JEREMIAH 4:3

Topa in, Judah mi le Jerusalem khua mitei lakah, “Lo na bun uh laih ngawlmi cu bung toh un, na anci uh cu ling lakah cing pahsuh un.

MATTHAI 13:22

Lingcam lakah a cakmi anci cu Vancung Uknak thu thei naven hi leihum nunnak thu le la ah lungmu tamin, a ummite haw hi. Sum le pai a deihnak haw in mah thu cu khuh cihin, ngah nei ma hi.

MATTHAI 13:7

Anci khenkhatte cu lingcam lakah cu in poto bok haw naven lingin depin khangto thei haw ma hi.

MATTHAI 13:8

Mahnaven anci khenkhatte cu lei ngam pha ah cu in, khangto haw hi. A khenkhatte cu a let za khat, a let sawm luk, a let sawm thumin suak hi,” tin hilh hi.

MARKA 4:6

a zung mutnak tuk lei a um ngawl hangin nisuakin, ni a sat ten thiimin, thileh khawng hawta hi.

MARKA 4:8

Anci khenkhatte cu lei ngampha munah cu a, phazetno khangto in, a let sawm thum, a let sawm luk; a let za khat tianin ngah hi.

LUKA 12:15

Mahten mipi lakah, “Hampumnak namkim lak pen ngalling unna, cingcai zetin um un hi. Itahim titale mi pa khat i nunnak tatak cu izahta in mihau hei hihen, a nunnak cu a thil neihmi humah umma,” ti hi.

LUKA 21:34

Jesuh in, “Ngallingin um un! Puai bawlin zu inthah le sa ei hei in hihen, nun khuasaknak helhkamin, na umta pahsuh un hi; na um sual uh tale na phawhkhak uh ngawlin mah Ni cu heng tuk hi.

LUKA 8:14

Ling lakah a cuu mi anci i sullam cu Pathian thu cu za bok haw naven leihum thinkhamnak, hauhsaknak le tisa nopnakin khuhleh khawngin, ituk mahten a ngah haw a min awng ngawlte khi hi.

LUKA 8:7

Anci khenkhat cu ling sungah cuu in, ling tuah khangto kawm haw naven lingin, dep khawngta hi.