MARKA 4:41 - Ngawm Bible

⁴¹ A nungzuitu ten lau em haw in, “Hi pa hi iti bang mihing hi tuk hum? Huihpi le tuihualpi pohcawmin, a thu mang thei haw cu!” tin pa khat le pa khat tidun li haw hi.

MARKA 4:41 Iomraidhean Croise

JOB Laibu (The Book of Job) 38:11

“Hilai tian bek hung inna, hilai tian sial ngawl hawh thei ma ci; A ngil zetmi na tuicawkte hilai ah cawl haw tuk hi!” tin tuipi cu ti ing.

SAAM LABU 89:7

Mi thiangtho ten pumkhawmnak ah nangmah cu upat haw in, Na elkim a ummi ten nangmah kihca haw hi.

MALAKHI 2:5

“Ka thutiamnak sungah keimah na upatnak tukin nunnak le damnak pia tukin ka tiam bangin ka piak ten keimah maizahin, kihca uh ci.

MATTHAI 14:32

A pa nih haw in hawmkuang sungah tum haw a, huih cu dai hi.

MATTHAI 8:27

Mi hempoh ten lamdangsa in, “Hi pa hi iti bang mihing him? Huihpi le tuihualpi cawmin, a thu ngai haw si!” tin ti haw hi.

MARKA 4:40

Mahlai takin Jesuh in, “Ita lau uh cim? Ita upnak nei ngawl uh cim?” tin ti hi.

MARKA 5:1

Jesuh le a nungzuitute cu Galilee tuipi ngal a, Gerasa mitei ngamah heng haw hi.

MARKA 5:33

Numei nu in ka humah i thu piang hum tih thei cawmin, lauzet le a can tawtok thahin Jesuh mai ah bokin, a thu hempoh hilh khawng hi.

MARKA 7:37

Mi hempoh ten lamdang sazet haw in, “Zo in! Hi pa in tihtheih ngawl imah nei ma hi. Bengbulte thu za lehtik thei in, awn thei ngawlte awn lehtik thei!” tin ti li haw hi.

LUKA 4:36

Mipite cu lamdangsa in pa khat le khat “Hi pa i awnkam hi lamdang mahtak si. Thuneizet le huham nei zetin dawi ngilo thu a piak ten taitul thong haw hi,” tin son li haw hi.

LUKA 8:25

Jesuh in, a nungzuitute lakah, “Na muannak uh ilai ah him?” tin dong hi. Mahnaven lamdangsa in lauzet haw a, pa khat le pa khat, “Hi pa hi akua him?” Huihsia le tuihualpi thupia in, a thu na ngai haw hi,” tin tidun li haw hi.

HEBRU 12:28

Mahti bang a hih hangin lungdam thatui in um nung. Itahim titale hin theih ngawlmi uknak co hung hi. Pathian nelah a lungdamnak uh langtik nung inna, a lungdamtu zongin, amah cu upatnak tuah bia tuk hung.

MANGMUHNAK 15:4

Topa nangmah kihca ngawltu kua heng a um tuk? Na thawmngeng dan phuang tuk a, eltu akua um tuk him? Nangmah bek a thiangthomi hi ci. Minam hempoh na lakah hungin bia haw tuk hi. Itahim titale a dikmi na thil bawlmi cu mi hempohin mu zo haw hi,” tin sa haw hi.

1 SAMUEL 12:24

Topa cu kihca unna, muantak zetin, na lungmu venghawng uh tuah ama nadek un. Nohtei ca in thasiahhuai na a bawl mite ituk mah ten phawkngil pahsuh un.