MARKA 3:10 - Ngawm Bible

¹⁰ Itahim titale, Jesuh in mi tampi a damtik hangin, natnak a vei hempoh ten amah zen nuamin neek tutuh haw hi.

MARKA 3:10 Iomraidhean Croise

PIANPATNAK 12:17

Mahti bangin kumpipa in, Sarai cu a laksak hangin, Topa in kumpi le a innsung ummi hempoh humah natnak lauhuaizet hengtik hi.

MIPUM SIALNAK 11:33

Mah vaniim cik a bo laih ngawlin le eih tuk tampi a neih haw laihin, mipi humah Topa cu a thinukin, a lak hawah pulhnat hengtik hi.

MATTHAI 12:15

Jesuh in, a sual zei nuam haw tih a zak ten mahlai pen tul hi. Mihonpi ten zui pepel haw a, tina hempoh damtikin,

MATTHAI 14:14

Jesuh cu hawmkuang sung pen tulin mipite amuh ten a lungmu sungah hehpihnak tuah dimin, mahlai ah tina tampi damtik hi.

MATTHAI 14:36

Damngawl ten a puancepno pohcawm zen theihnak tukin ngen haw bangin a puan lek zentu hempoh cu dam khawng haw hi.

MATTHAI 4:23

Jesuh cu Galilee ngam a khua hempoh ah hawhin, pumkhawm inn hempoh ah thuzilh ngut hi. Vancung Uknak Thuthangpha hilh pepelin, natnak phunkim a thuakmite damtik pepel hi.

MARKA 5:34

Jesuh in, “Ka canu aw, na upnakin nangmah damtik zo hi. Thinnop zetin pin inna, na tidam tahen,” ti hi.

MARKA 6:56

Khuapi, khuano hampa lak tih um ngawlin natnak a neite hunpih khawng haw in, a puancep a zentik tuk pohcawmin kuun li haw hi. A puancep a tawngkha hempoh ten damnak ngah haw hi.

MARKA 8:22

A nungten Bethsaida khua ah heng haw in, mitcawpa pa khat cu Jesuh lakah hunpih haw a, “Zen pohin,” tin kuun li haw hi.

LUKA 5:3

Jesuh cu hawmkuang pa khat sungah tumin, mah hawmkuang cu Simon ta hi. Tuimawk pen a laizangah, thawntikin mah hawmkuang sungah Jesuh cu khungin, mi honpi cu thu hilh hi.

LUKA 6:19

A sung pen huham tulin a damtik khawng hangin, mi hempoh ten amah zen nuam tek haw hi.

LUKA 7:2

Mahlai ah Rom ngalbawi pa khat um a, mah ngalbawi in, innceng pa khat nei in, it mahtak hi. Mah a innceng pa cu a tina in, thi awndiak toh hi.

LUKA 7:21

Mahlai takin Jesuh in, mi tampi tei natnak a phunkim le dawi ngilo i khalhsiat vang damtikin, mitcaw tampi vang khua mu lehtik hi.

NUNGZUITU 5:15

Nungzuitu tei thil bawlmi amuh haw ten tina tampi cu khua sung lampi ah zawngin, Peter i hawh ten pa nih, pa thum bek a limno pohin, a lip khak tukin tin zaunak le lawhdei phahin, sial pepel haw hi.

HEBRU 12:6

Itahim titale Topa in, a ih mite nun hilhin, ca tatakin a lakmite cu dantat mek hi.”