MARKA 10:21 - Ngawm Bible

²¹ Mahmi pa cu Jesuh in itnak tuah zo cangcianin, “Thil pa khat sam laih ci. Hawhin, na neihmi hempoh zuak inna, na ngahmi cu mi ca-ngahte pia in hi. Mahti bangin na bawl tale vancungah mihau pa hi tuk ci, mahceng ten keimah zui in,” ti hi.

MARKA 10:21 Iomraidhean Croise

PIANPATNAK 34:19

Shekhem in, a ngei um ngawlin a thuhilh haw bangin bawl khawng hi. Itahim titale Jakob i canu cu a deih ngangai hang hi. Shekhem cu a innkua sung haw pen mitei maisonbelmi hi.

THUPAUCAP 23:23

Thudik cu lei inna, zuak toh pahsun, Cihnak, nunhilhnak le theihnakte cu lei inna, zuak toh pahsun.

MATTHAI 16:24

Jesuh in, a nungzuitu tei lakah, “Kua hei hihen keimah a zui nuamtu cu ama deihnak zamin, ama haksatnak thinglamteh pua in zui hen.

MATTHAI 19:21

Jesuh in, “Mi cangkim na nuam ngangai tale hawh inna, na neihmi hempoh zuakin, na ngahmi tangka cu mi ca-ngahte pia in hi; mahten vancungah sum le pai nei tuk ci. Mahceng ten keimah zui in,” ti hi.

MARKA 10:22

Mah thu a zak ten mi hauzet a hih hangin a thasia in tulta hi.

MARKA 8:34

Jesuh in mi honpi le a nungzuitute samin, “Mihing pa khat pawpohin ka nung a zui nuam tale, ama deihnak zamsanin, ama haksatnak thinglamteh pua in zui hen.

LUKA 10:42

Mahnaven a kul ngangai mi cu pa khat bek um hi. Mary in thil dik teng ngah zo tohin, kuamah in lonsakleh thei haw tukma toh,” ti hi.

LUKA 12:33

Na neih uhmi thil hempoh zuak khawng unna, na ngah uhmi tangka cu mi ca-ngah sem khawngta un. A sia thei ngawlmi tangka bawm noh tei ca in ngaisung unna, vancungah na tangka uhte khawl un hi. Mahlai munah nguca ten tok kha thei haw tukma hi. Sal ek hei kai thei tuk ngawl a hih hangin ituk mahten paithong tukma hi.

LUKA 16:9

Jesuh in, “Mahtibang a hih hangin hi tih hin hilh ing. Leihum thil tuah ngualcam na bawl un, itahim titale leihum thil a bo ten kumkhua a kho mi inn nopah tum tuk uh ci.

LUKA 18:22

Jesuh in, a zak ten, “Thil pa khat na bawl tuk sam laih hi. Na neihmi hempoh zuakin, na ngahmi sum le pai cu mi ca-ngahte sem inna, vanhumah sum le pai nei tuk ci. Mahceng ten hung inna, ka nungzui in,” ti hi.

LUKA 19:41

Jerusalem cu neek dedeuh haw in, khuapi cu amuh ten Jesuh kap hi.

LUKA 9:23

A venghawng haw i lakah, “Akua nabang hei hihen kei a zui nuamtu ten kei ing tihnak khi zamsanin, a nisialin ama haksatnak thinglamteh pua in zui haw tahen.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

NUNGZUITU 2:45

Thil a neih haw mi le a neih le lam haw zuakin a ngah haw mi tangka cu amu kulnak bangin semdun khawm haw hi.

2 KORIN 12:15

Nangmuh ka bopnakah ka neihmi hempoh le ka pumpi hi mang khawng nuam ing. Hitih bangin ka ihzet hangin lem ngawlin um saw lam nave ni uh cim maw?

2 TIMOTE 3:12

A kuakua hei hihen Khrih tuah a pehdunnak hangin Pathian deihzawngin nun a tumtu cu bawlsiatnak tawk haw tuk hi.

HEBRU 10:34

Thawngtate a haksatnak haw thuakpih uh ci. Na neih uhmi van hempoh a lonsak khawng haw ten, na sunnak uhte cu lungdamin umpih thei uh ci; itahim titale hi vante sangin a pha saw mi le kumkhua a kho leleng tukmi nei leng hung tih khi thei uh ci.

JAMES 2:10

Mahten a kuakua hei hihen thukham pa khat a pahbal tale thukham venghawng pahbaltu hi.

MANGMUHNAK 2:14

Mahnaven na humah lungkim ngawlnak dawm nei ing; nangmu sung pen Balaam i zilhnak zuitu khenkhat um haw hi. Milim biaknak an eihnak le nupa sualnak bawlin sualnak lamah lamhuai tukin Balak zilhtik hi.

MANGMUHNAK 2:20

Mahnaven ka mawhsiatnak pa khat um hi. Mahmi cu Pathian i kamtai ing hi tin amahno a tidun cawmtu numei Jezebel na hahzau thongmi khi hi. Jezebelin ka mihingte lampui sualin, nupa sualnak bawlin milim biaknak ante ei haw hi.

MANGMUHNAK 2:4

Mahnaven mawhsiat tuk pa khat na humah nei ing; a masa a na neihmi itnak cu atu-in nei lehma toh ci.