LUKA 5:8 - Ngawm Bible

⁸ Hi thute amuh ten Simon cu a khukdinin Jesuh lakah, “Ka nel pen tai in, Topa! Kei cu misualpa ing hi,” tin ti hi.

LUKA 5:8 Iomraidhean Croise

2 Samuel 6:9

David in Topa cu lau in, “Itin in kaw Thutiam Kuang cu atu-in ka hawhpih ngam tuk?” tin ti hi.

1 KUMPI 17:18

A nu in Elijah lakah, “Pathian i mihing pa, ita ka humah hi tibang cu hengtik cim? Ka sualnakte Pathian theitikin, ka capa thitik tukin maw hilai ah na hun?” tin ti hi.

SUAHTULNAK 20:19

Moses lakah, “Nangmah in keimu lakah awn inna, ngai tuk ung hi; Pathian keimu lakah a awn ahi tale thi ngangai tuk ung hi,” tin ti haw hi.

ISAIAH 6:5

Keimah in, “Bothal ing ei! Ka muansan tuk umleh ma toh. Ka muk pen a tulmi awnkam hempoh cu a sualmi awnkam ngeh hi; misual lakah umin, awnkam thiang ngawl lakah ngamta ing. Atu cu ka mitin kumpi, Cungnungbel Topa mu ngah zo ing.”

MATTHAI 17:6

Mahmi aw cu nungzuitu ten a zak haw ten lau leita in, lei ah bok haw hi.

MATTHAI 2:11

Inn sungah tumin, nauno cu a nu Mary tuah amuh haw ten khukdinin bia haw hi; laksawng a puak haw mite sui, frankinsens le mura cu laksawngin pia haw hi.

MATTHAI 8:8

Ngalbawi pa in, “Topa aw,” nangmah loli ka inn tian na hennak tukin tak viang ma sing. Damnak tuk kam khatno thupia inna, dam tuk poh hi.

LUKA 5:7

A ngualcam tei hawmkuang khi a khut cu zaapin, “Bawm un,” tin sam haw hi. Hung haw a, ngasa cu hawmkuang pa nih dimin koih haw hi. A ngit leita hangin a hawmkuang haw cu nim awn hi.

LUKA 5:9

Amah le a ngualcam ten ngasa tampi a awh haw hangin lamdangsa mahtak haw hi.

JOHAN 11:32

Jesuh i umnak a hen ten Mary cu a kebulah bokin, Topa, hilai ah na umta ahin ka ningpa thi tukma naven,” ti hi.

1 KORIN 13:12

Atu-in, amuhdan uhte hi limlang sung a, ciang ngawlin a lim bek amuh uh bang hi. Mahnaven mah hun ten, maitonin mu tuk hung hi. Tu a ka theihnakte hi cangkim ma hi, mahnaven mah hun ten cangkim tuk hi. Pathian in kei a theihnak a cangkim bangin ka theihnak vang cangkimzet tuk laih hi.

MANGMUHNAK 1:17

Mahtin ka muh ten mithi bangin a kebulah lum ing. A taklam khut cu ka humah nga in, “Lau pahsun, Keimah cu a bulpatnak le a tawpnak ing hi;

THUKHENTUTE 13:22

Manoah in, “Pathian amuh uh hangin thi loli tuk hung hi,” tin, a zi lakah ti hi.

1 SAMUEL 6:20

Mah hangin Beth Shemesh khua miten, “Hi Topa, a thiangtho Pathian mai ah kua kaw a ding thei tuk? A lak uhah um tuk ngawlin ilai ah kuat tuk kam hung?” tin ti haw hi.