LUKA 5:5 - Ngawm Bible

⁵ Simon in, “Topa, zankhua vawk li heng nave ung, imah awk ma si ung. Mahnaven vawkin hi, na ti tale na tihnak bangin vawk tuk ung,” tin ti hi.

LUKA 5:5 Iomraidhean Croise

EZEKIEL 47:10

Engedi Ciktui pen Eneglaim Ciktui tian tuipi mawkah ngasa mantute um pepel haw tuk a, mahlai ah a sukte pho haw tuk hi. Mediterranean Tuipi ah ngasa namkim a um haw bangin mahlai hei ah ngasa namkim um bok tuk hi.

LUKA 17:13

“Jesuh! Topa! Keimuh hehpihin,” tin au haw hi.

LUKA 8:24

Nungzui ten Jesuh cu phongin, “Topa thi khawng awn toh ung!” tin ti haw hi. Jesuh cu tho in, huihsia le tuicawkpi cu thupia hi. Huihsia cu cawlin, thawmvang umleh ngawlin dai diudeu hi.

LUKA 8:45

Jesuh in, “Akua him kei zen kha tu?” tin dong hi. Kuamah in zen ma ung, tin don haw hi. Peter in, “Na elkimah mi honpi ten kimkotin neek tutuh haw si,” tin don hi.

LUKA 9:33

Mahpa nihte cu Jesuh lak pen a tul kuan haw ten Peter in, “Topa hilai ah um tuk hi thilpha hi. Buk pa thum sa nung inna, nangma ca tukin pa khat, Moses ca tuk pa khat le Elijah ca tuk pa khat,” ti hi. Amah in ikaw ka ot tih hei theiciang ngangai ma hi.

LUKA 9:49

Johan in, “Mi pa khat cu nangma minin dawih ngilote hawlvawk li ka mu uhten kham ung. Itahim titale eimu lakah a telmi hi kha ma,” ti hi.

JOHAN 15:14

Mahten ka thupiak bangin na bawl uh tale ka ngualcam hi uh ci.

JOHAN 2:5

A nu in, umlawh tei lakah, “A hilh hempoh bawl un,” ti hi.

JOHAN 21:3

Simon Peter in, “Kei cu suuk vawk tung,” ti hi. Midangte vangin, “Kei telbok tung,” tin ti tek haw hi. Mahten hawmkuang pa khat tuah hawh haw naven mah ni tak cu imah man ngah haw ma hi.