LUKA 4:2 - Ngawm Bible

² Mahlai munah ni sawm li sung Satan in khingkhai hi. Hi sung hempoh imah ei ngawlin a um hangin a ngilkial mahtak hi.

LUKA 4:2 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

1 KUMPI 19:8

Elijah cu tho in, a eih le a in nungten, a tha umlehin, Pathian i mual thiangtho, Sinai Mualhumah sun sawm li le zan sawm li sung hawh hi.

Esther 4:16

“Hawh inna, Susa khuapi a, Judah mi hempoh samkhawmin hi, ancang unna, keima ca in thungen un. A sun a zan ti ngawlin, ni thum sung imah ei ngawl le in ngawlin, thungen un. Keimah le ka umlawh numeite vang mahti bangin um bok tuk ung. Mahnung ten a daan kha ma naven kumpipa i lakah hawh tung. Hi bangin ka thi ahi tale thi poh nang,” ti hi.

SUAHTULNAK 24:18

Moses cu mualhum meingo sungah sun sawm li le zan sawm li um hi.

SUAHTULNAK 34:28

Mah hangin Moses cu sun sawm li le zan sawm li an ei ngawl le tui in ngawlin Topa i lakah um hi. Thutepnak awnkam Thukham sawm khat sung a, ummi Pathian awnkam cu suangpeek humah Moses in ngan khawng hi.

JONAH 3:7

Nineveh kumpi le bawi upa tei thuthatmi cu hi tin hi: “Mihing hihen, ngamsa hihen, khui hihen, tuu hihen, imah ei pahsuh un; an ei ngawlin, tui hei in pahsuh un.

MATTHAI 21:18

A zing, zingtungno in Jerusalem khuapi lamah a hawhleh ten a ngilkialzet hi.

MATTHAI 4:2

Ni sawm li le zan sawm li, an ei ngawlin a um hangin a ngilkial mahtak hi.

LUKA 4:3

Satan in Jesuh lakah, “Pathian Capa na hi ngangai tale hi suang hi cangho suaktikin,” ti hi.

JOHAN 4:6

Mahlai ah Jakob tuikhuk um a, Jesuh cu a khualzinnak a cawl leita hangin mah tuikhuk elah khung hi. A hun cu sun hawng khi hi.

DAAN PIAKLEHNAK 9:18

Mahnung ten Topa i mai ah sun sawm li le zan sawm li sung leihumah bokleh ing; Topa i humah na sual uh hangin le a thin na uktikleh uh hangin mahtin um ing a, an hei ei mang, tui vangin mang hi.

DAAN PIAKLEHNAK 9:25

Mahti bangin nangmuh siatsuah khawng a tum hangin Topa i mai ah sun sawm li le zan sawm li sung ka mai lei tawngkha tian bok ing.

DAAN PIAKLEHNAK 9:9

Topa in nangmuhte tuah thutepnak a bawlmi ngatnak suangpeekte la tukin mualhumah hawh ing. Mahlaiah sun sawm li le zan sawm li sung imah ei le in ngawlin um ing.

HEBRU 2:18

Amah loli in sualsohnak le haksatnak thuak zo a hih hangin atu-in, sualsoh a thuakmite bawm thei hi.

HEBRU 4:15

Ohtei Thiampi Sang cu a nawmtamnak uh theihpih ngawltu Thiampi Sang kha ma hi, Eimuh bangin sualsohnak a phunkim a tawkmi pa bok hi. Mahnaven amah cu sual ma hi.

1 SAMUEL 17:16

Israel mite cu Goliath in do un tukin zing le taksialin, ni sawm li sung thuumin zuam hi.