LUKA 3:9 - Ngawm Bible

⁹ Thingkungte a bulah heipi koih ham zo hi. Ngah pha a ngah ngawl thingkungte cu phukin, mei alh pi sungah vawkin um tuk hi,” tin ti hi.

LUKA 3:9 Iomraidhean Croise

EZEKIEL 31:18

“Hi thingkung cu Izipt kumpi le a mihingte hi. Eden huan a, thingkungte hei amah bangin a sangmi le mi mit la thei um haw ma hi. Mahnaven Eden huan a, thingkung dang bang bokin mithi khua ah hawh haw tuk a, ngaldonakah a thi mi le Pathian thei ngawlmi tei lakah khawmcih tuk hi. Keimah in hilh zo ing,” tin Cungnungbel Topa in ti hi.

DANIEL 4:14

Aw ngingzet tuah thuthanin, ‘Thingkung hi phuk unna, a kakte talh khawng un. A cehte heuh khawng unna, a ngahte khenkhek khawng un. A lak pen ngamsate le a kak pen vanote hawlvawk khawng un.

DANIEL 4:23

Kumpipa, na zoh laih takin, van pen vancungmi tolhsukin, ‘Thingkung cu phuk unna, cek keh khawng un; mahnaven a zung cu lei ah zam un. Thik le daal taicin tuah khih unna, hampate tuah zamcih khawng un: a humah daita henna, kum salih sung ngamsate tuah um langkhat haw hen,’ ti hi.

MATTHAI 3:10

Thingkungte phuhnak tukin a bulah heipi koihin um zo hi. Ngah pha a ngah ngawlmi thingkung hempoh cu phuh hi haw tuk a, mei sungah vawk hi tuk hi.

MATTHAI 7:19

Ngah pha a ngah ngawlmi thingkung cu phukin, mei sungah haal mek haw hi.

LUKA 13:6

Jesuh in amuh tei lakah tehkip thu hi bangin hilh hi. “Nidang laihin mi pa khatin, a huan sungah theipi kung pa khat phut hi. A ngah le ngah ngawl veh lehcet naven mu awng ma hi.

LUKA 13:7

Mah hangin huan cingtu pa i lakah, ‘Zo in, kum thum sung pikpekin, hi theikung a ngah le ngah ngawl veh leleng naveng a ngah mu awng mang hi. A kung hi phukin! Ita leingam pha eilal li tuk him?’ tin ti hi.

LUKA 13:9

Mai kumah a ngah tale lungdamhuai hi tuk a, a ngah ma tale phuk lehtik pohin,’ tin hilh hi.”

JOHAN 15:6

Keima sungah a umngawltu cu sabit kung vawkin, a ko mi bang haw hi. Mahtibang a kangkote cawm khawmin, meipualah vawk haw a, kangtum khawng hi.

HEBRU 10:28

Moses Daan thu a zui ngawltu cu tetti pa nih pa thum ten sual hi tin, a soncat haw tale hehpihnak um ngawlin thah co haw hi.

HEBRU 12:29

Itahim titale a Pathian uh cu mi a kangtum theitu mei tuah bangve hi.