LUKA 3:3 - Ngawm Bible

³ Mah hangin Johan cu Jordan ngun elkim hempoh ah zin kawkawi in, “Na sualnak uh sikkikin, tuiphumnak na lak uh tale Pathian in, na sualnak uh ngaithiam tuk hi,” tin phuang pepel hi.

LUKA 3:3 Iomraidhean Croise

MATTHAI 3:11

Sualnak pen sikleh uh ci tih theihnakin, kei in tui tuah tuiphumnak pia ing. Mahnaven keima nung pen a hung tukmi pa in, Hawvang Thiangtho le mei tuah hinthaknak pia tuk hi. Amah cu kei sangin a thawm ngeng saw hi; kei cu a kedam cawitu tuk hei in tak mang.

LUKA 1:16

Topa a Pathian haw i lakah Israel mi tampi a pui kikleh tuk hi.

LUKA 1:77

A mihing tei lakah a sualnak haw a ngaihthiamnak hangin nunpatmi hi haw tuk tih thu hilhtu tukin hi.

LUKA 4:1

Jesuh cu Hawvang Thiangtho tuah dimin, Jordan ngun pen a kihleh ten Hawvangin phillawnah pui hi.

JOHAN 1:28

Hiti bangin a dotdunnak haw mun cu Johan i a tuiphum a piaknak Jordan ngun pen ni suahnak lam a ummi Bethani khua ah hi.

JOHAN 3:26

Mah hangin Johan lakah hawh haw in, “Sazapa Jordan ngun pen nisuahnak lam a, nangmah tuah a ummi pa khi thei laih cim? A thu na son mek lih pa khi? Atu-in tuiphumnak pia li bokin mi tampi a lakah hawh haw hi,” tin ti haw hi.

NUNGZUITU 13:24

Jesuh i nadeh pat laih ngawlin, Johan in Israel mi hempoh tei lakah, a sualnak haw sikkik tukin le tuiphum tukin thuhilh hi.

NUNGZUITU 19:4

Mahten Paul in, “Johan i tuiphumnak cu sualnak pen a sikleh mitei ca hi. Johan in ka nung pen a hung tukmi pa khi Israel miten a up haw tukmi pa hi. Mahmi cu Jesuh,” ti hi.

NUNGZUITU 22:16

Mahti bang a hih hangin ngeipi ngak pahsun! Tho in, tuiphum inna ama lak a, na thungetnak hangin na sualnak cu thiantik hi tuk ci,’ tin ti hi.