LUKA 2:4 - Ngawm Bible

⁴ Josef cu Galilee ngam a, Nazareth khua pen David kumpipa i suahnak Judea ngam Bethlehem ah hawh hi. Josef cu David casuan a hih hangin mahlai khua cu zuan hi.

LUKA 2:4 Iomraidhean Croise

PIANPATNAK 35:19

Rachel cu thi in, Efrath lampi, atu a, Bethlehem tihmi ah vui haw hi.

PIANPATNAK 48:7

Hiti bangin ka tihnak cu ihim titale Mesopotamia ngam pen kikin, Kanaan ngamsung ka hen nung, Efrath khua ka hen kuanno ten ka lung a siatiktubel cu na nu Rachel in thihsanin, Efrath lampiah vuita ing,” tin ti hi. Efrath cu atu-in Bethlehem tin sam haw hi.

MIKAH 5:2

Topa in, “Bethlehem Efrathat, nang cu Judah peng sung pen khua neubel pa khat hi navecin na sung pen Israel uktu suaktik tung hi. A pianpatnak cu tanglaih cawng pepan zo tin,” ti hi.

MATTHAI 1:20

Mahnaven hi bangin a ngaihsut laihtakin, Topa i vancungmi pa khat cu a mangah langin hitih hin hilh hi. “David casuan Josef aw, Mary sung a ummi nau cu Hawvang Thiangtho i neihtikmi a hih hangin zi tukin lau pahsun.

MATTHAI 2:23

Nazareth tihmi khua ah um haw hi. Mahti bangin profet tei hilh hamsa bangin, “Amah cu Nazareth mi hi tuk hi,” tihmi cu kim hi.

LUKA 2:3

Mah hangin akua abang mipum sialnakah mipumsial tukin amu suahnak mun tekah zuan haw hi.

LUKA 2:5

Mipum sialnakah minkhum bok tukin a hammi Mary tuah hawh ngel haw hi. Mary cu naupai in,

LUKA 4:16

Jesuh cu a tuallennak Nazareth khua ah hawhin, a dan bangin Sabbath ni-in, pumkhawm innah hawh a, Lai Thiangtho sial tukin ding a,

JOHAN 1:46

Nathanel in, “Nazareth khua pen thilpha tul thei a ni maw?” tin ti hi. Filip in, “Zo inna!” tin ti hi.

JOHAN 7:42

Lai Thiangtho in, ‘Khrih cu David casuante hi tuk a, David khua Bethlehem ah hing tuk hi,’ tin ti si,” tin ti haw hi.

RUTH 1:19

Bethlehem tian hawh haw hi. A hen haw ten khua hek kawi haw a, lungdam zetin mah mun a um numei ten, “Hi nu hi Naomi ngangai maw?” ti haw hi.

RUTH 2:4

Khuanu deuh ten Boaz cu Bethlehem pen lo ah hengin, “Topa cu na lakah um tahen,” tin nadektute thupha pia hi. Nadektute vangin, “Topa in thupha pia tahen” tin donleh haw hi.

RUTH 4:11

Upate le midangte cu, “Hi zuh hi, kohte cu theihpihtu hi ung. Jakob ca tamzet a hinsaktu Rachel le Leah bangin Topa in, na zi cu bawl tahen. Ephrath hinnam sung pen mi neinung hi zal inna, Bethlehem ah na minthang tahen.

RUTH 4:17

A innnel numei ten nau cu Obed tin, a minsa haw hi. Mi hempoh tei lakah Naomi in capa pa khat nei zo hi, ti in hilh haw hi. Obed cu Jesse i pa hi. Jesse cu David i pa hi.

1 SAMUEL 16:1

Topa in Samuel lakah, “Itik can tian Saul hangin na lungsia tuk him? Israel kumpi a hihnak pen vawk zo ing. Mah hangin olif situi dawmno la inna, hunpihin hi. Bethlehem khua ah Jesse a tih haw pa i lakah hah tung. Itahim titale a capa tei lak pen pa khat cu kumpi tukin teng zo ing.”

1 SAMUEL 16:4

Topa i tihnak bangin Samuel in bawlin, Bethlehem ah hawh hi. Bethlehem khua sung um upa ten muak haw a, can thathahin, “Thupha tuah zin cim, sazapa?” tin dong haw hi.

1 SAMUEL 17:12

David cu Judah ngam Bethlehem khua Efrath mi Jesse i capa hi. Jesse in capa liat nei in, Saul in kumpi a deh ten Jesse cu tek zo hi.

1 SAMUEL 17:58

Goliath i lu cu pua leleng hi. Saul in, “Tangvalpa, akua kam?” tin dong hi. David in, “Bethlehem khua mi na salpa Jesse i capa ing,” ti hi.

1 SAMUEL 20:6

An eih hunin, ka um ngawl ten na pa in, a dong tale Bethlehem a innah manlang zetin pinta hi; itahim titale a innkua haw in, kum sial a bawl haw mi biakpiaknak bawl hun hi, mah hangin keimah hilhta hi, tin ti in hi.