LUKA 2:10 - Ngawm Bible

¹⁰ Mahnaven vancungmi ten, “Lau pahsuh un! Nohtei ca tukin lungdamnak Thuthangpha puak ing hi, mah Thuthangpha cu mi hempoh ca in lungdamnak ngengbel hi.

LUKA 2:10 Iomraidhean Croise

PIANPATNAK 12:3

Nangmah muicu a piatu cu a humah muicu pia bok tung. Mahnaven nangmah a tamsetu cu tamsia bok tung hi. Nangmah muicu ka piak bangin, leihummi hempoh ten ka lakah muicu ngen haw tuk hi,” tin ti hi.

ISAIAH 40:9

Maw Jerusalem, mualsang humah kai inna, Thuthangpha cu aupihin hi. Maw Zion, nging zetin au inna, thuthangpha cu hilhin hi! Phuang tul inna, lau him pahsun. Judah ngam khuapi tei lakah, na Pathian uh hung li zo tin hilhin ti hi.’

ISAIAH 41:27

Keimah Topa cu Zion lakah hi thuthang a phuang masabeltu ing. Jerusalem ah palai hah ing a, ‘Na mihingte hung li haw! Innah pinleh haw tuk hi,’ tin ti ing.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

ISAIAH 52:10

Topa in, a huham thiangtho suahin, a mite pan tuk a, lei buppi in mu khawng haw tuk hi.

ISAIAH 52:7

Mualhum pen hungin, suahcaknak le lemdaihnak thuthangpha a phuangtu i ke cu itih zahin kaw a mawi? Zion lakah nehnak thuthanin, “Na Pathian uh cu kumpipa hi,” tin ti hi.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

DANIEL 10:19

Amah in ka lakah, “Pathian in nangmah it hi. Mah hangin imah lau pahsun, imah in lautik pahsuh hen,” ti hi. Mahtin a tih ten tha nei deuhin, theidun ing a, ama lakah, “Bawipa, na hilh tukmi cu hilhin hi. Tha nei deuhtik zo ci,” tin ti ing.

ZEKHARIAH 9:9

Lungdam un, Zion mite, na lung uh dam un! Jerusalem mite aw, lungdamin au leilui un! Na kumpipa uh a hun laihin, zo un! Ngalnehtu a hih uh hangin nehnak tuah hung hi, mahnaven mi niamkhiatnak tuah laak dawnno, laak cano hum khungin hung hi.

MATTHAI 14:27

Jesuh in, “Lau pahsuh un! Keimah ing hi! Imah lau tuk umma,” ti hi.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

MATTHAI 28:5

Vancungmi in numei tei lakah, “Lau pahsuh un; Thinglamteh humah a thah haw, Jesuh zei uh ci tih thei ing.

MARKA 1:15

“Hun pha heng zo hi,” ti in, “Pathian Uknak nai zo! Na sualnak uhte siklehin, lungdamnak Thuthangpha um un,” tin hilh hi.

MARKA 16:15

Jesuh in, “Leihum khua le ngam hempoh ah hawhta unna, mi hempoh tei lakah lungdamnak Thuthangpha hilhta un.

LUKA 1:13

Mahnaven vancungmi in, “Zekhariah aw, lau pahsun! Pathian in, na thungetnak za zo toh hi. Na zi Elizabeth in capa hing tuk hi. A min cu Johan tin sa tuk ci.

LUKA 1:19

Vancungmi in, “Kei cu Gabriel, Pathian mai a ding lelengtu ing a, Pathian in hi lungdamnak Thuthangpha nangmah hilhtik hi.

LUKA 1:30

Vancungmi in, “Mary, lau pahsun hi! Pathian in, na humah hehpihnak nei hi.

LUKA 2:11

Tuzan loli in, David khua sungah nangmuh nunpantu tuk Khrih Topa hing zo toh hi.

LUKA 24:47

Mahten Jerusalem pepanin miphun hempoh lakah ama minin sual ngaihthiamnak thu le sihkiknak thu cu tangau in um tuk hi.

LUKA 8:1

Mah nungten Jesuh cu Pathian uknak Thuthangpha hilhin khuapi le khuano ah zin kawkawi hi. Mah a zin kawkawinakah nungzui sawm le pa nihte vang tel bok haw hi.

NUNGZUITU 13:32

Mah Thuthangpha cu atu-in nangmuh tei lakah pua ung hi. A pu le pa tei lakah Pathian in thutiam a, atu-in, a casuan haw keimuh tei lakah Pathian in Jesuh cu thihnak pen tholehtikin, mah a thutepmi cu kimtik hi. Mahmi cu Saam pa nihnak sungah: ‘Nangmah cu ka Capa ci, tuni in, na Pa hi zo ing hi;’ tin um hi.

ROM Khua Khristian Tei Lakah Paul i Laikuat (Paul’s Letter to the Romans) 10:15

Kamtai hahmi a umma tale itin kaw a phuan theih haw tuk? Lai Thiangtho in, “Thuthangpha a phuangtu tei ke khi itih zahin mawi him?” tin ti hi.

EFESA 3:8

Kei cu Pathian i mihing tei lakah mi nautabel sangin nauta saw laih ing. Mahnaven son theih ngawl tianin, a ngengmi Khrih Thuthangpha cu Gentail mitei lakah henpih tukin le,

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.