LUKA 16:2 - Ngawm Bible

² Mah hangin a lakah samin, ‘Na thu ka zakmi hi iti bang him? Ka tangka na kepnak cazin kimno in pia in hi. Itahim titale ka tangka kemtu hi theileh tukma toh ci,’ tin ti hi.

LUKA 16:2 Iomraidhean Croise

THUHILHTU 12:14

Pathian in ihempoh a bawl uhmi humah thukhen tuk hi; a pha hihen, a sia hihen, a kuhno in, a bawl uhmi hum tianin thukhen tuk hi.

MATTHAI 12:36

“Thungai in hilh ing hi; kua hei hihen ngalling ngawlin a otmi cu Thukhen Ni ten ita mahti bangin awn kaw, tin a hilhciangleh kul tuk hi.

MATTHAI 20:8

“Taklam nadeh tawp hun a hen ten huan neitu pa in huan uktu pa cu, ‘Huan nadektute sam inna, a dawlbel nadektute pepanin, a masabel na a dektute tian, a thaman haw pia in hi,’ tin ti hi.

LUKA 12:20

Mahnaven Pathian in, a lakah, ‘Misil pa! Tuni tak loli in, na nunnak bo tuk a, nangma ca in, na khawl sami hempoh hi akua in co tuk him?’ ti hi,” tin hilh hi.

LUKA 12:42

Topa in, “Muantak le a cipmi innceng pa cu akua him? Muantak le a cipmi innceng pa cu a bawipa in, a innpi cingtu tukin le a dang nadektu a hun le can bangno in amu co tuk an eih tui in semtu tukin a koih tukmi khi hi.

LUKA 16:1

Jesuh in, a nungzuitu tei lakah, “Mihau pa khat umin, mah mihau pa in, a sumkemtu tukin nadektu pa khat nei hi. Hi nadek pa in tangka cu a deih bangin theh khek hi tin, a bawipa i lakah hilh haw hi.

LUKA 16:3

A nadektu pa in, ‘Ka bawipa ka nadehnak pen kei hawlvawk nuam hei! I ka bawl tuk heng? Leicek tuk ti ahin, nap lehma toh ing a, mi thil ngenin, um nang ti ahin ka zakca sih hi.

ROM Khua Khristian Tei Lakah Paul i Laikuat (Paul’s Letter to the Romans) 14:12

Mah hangin kuakua hei hihen a venghawng uhin, a nunnak uh le a dehnak uh cu Pathian mai ah a hilhciangleh ten tuk hung hi.

1 KORIN 1:11

Ka u le naute aw, nangmu sung pen hauhdunnak um leleng hi tih cu Chloes i unaupih ten ciang zetin hilh haw hi.

1 KORIN 4:2

Mahti bang thu-ip kemtu le dektu tei ca in, a thupibel pa khat cu a bawipa i lakah muantakmi a hih tuk uh khi hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

2 KORIN 5:10

Itahim titale thukhen tukin a venghawng uhin Khrih mai ah dingleh tuk hung hi. Kuakua hei a pha hihen a sia hihen a nun sung a bawlmi bangkekin ngahleh tuk hi.

1 TIMOTE 4:14

Profet ten thuhilhin, upa ten na lu humah khutsuan haw laih a, na ngahmi Hawvang laksawng khi hahsuah pahsun hi.

1 TIMOTE 5:24

Mi khenkhatte cu a sualnak haw ciangzet langin, thukhennakah heng paih haw hi. Mi khenkhat tei sualnakte cu dawllam cawng ten lang laih hi.

1 PETER 4:10

Pathian laksawng dadang kemtu pha na hih uh bangin ama lak pen na ngah uhmi laksawng cu midang tei phatnak tukin mang bok un.

1 PETER 4:5

Mahnaven amuhte cu a nungmi hihen, a thi mi hihen thukhentu Pathian mai ah a nundan haw phuang copleh haw tuk hi.

MANGMUHNAK 20:12

Mahceng ten a thi sate a neu a ngengin, kumpi khunnak mai ah a din haw mu ing. Laibu kau haw in; mahceng ten a dang laibu pa khat, nunnak laibu tihmi kau lehleu haw hi. Mithi sate cu mah laibu sungah khum sa mi a nadehnak haw bangin a thu haw khenin um hi.