LUKA 12:4 - Ngawm Bible

⁴ Jesuh in, “Ka ngualcamte aw, noh tei lakah hilh ing: Taksa pumpi bek that thei amah sangin a nase saw dang a bawl theih ngawl cu laukha viang pahsuh un hi.

LUKA 12:4 Iomraidhean Croise

THUPAUCAP 29:25

Midang tei ngaihsut saknak ngaisang zetin um cu a lauhuaibel hi. Mahnaven Pathian na muansan tale lau tuk umma hi.

SOLOMON LA 5:1

Cang tepsa ka ngaihno aw, ka dum sungah hawh zo veng! Mura le namtui khawm ing; khuaiphang le a hum ei ing, Sabit le khuinawi in ing. Ei un, in un, thin thino in, khanpihno camlualte aw.

SOLOMON LA 5:16

A awn hum zuzungno cu, zaknop cuang hi ti ing. Jerusalem zozaamte aw, ka ngaihno deih awh cuang vei.

ISAIAH 41:8

Mahnaven nang Israel ka sila, nang cu ka ten zo tohmi hi ci. Ka ngual Abraham i casuante hi uh ci.

JEREMIAH 1:17

Jeremiah, na tuangtim inna, hawhin; hilh tukin ka thupiakmi hempoh hilh khawng limlemin hi. Lau hihim pahsun, mahma tale, a mai haw na hen ten lau sesemtik tung.

JEREMIAH 1:8

Lau pahsun, na lakah um tung a, nangmah humhim tung. Keimah, Topa in hilh zo ing hi!” ti hi.

EZEKIEL 2:6

“Mihing pa, Ezekiel aw, amuhte hihen, a ot haw mi cu lau pahsun. Nangmah langpang haw tuk a, ling le so le micik thei aikam tei lakah um bang tuk ci. Mahnaven hi ngalthote cu lau pahsun; a otmi haw hei lau pahsun.

MATTHAI 10:28

Taksa pumpi that thei in, hawvang a that thei ngawltu cu lau pahsuh un. Taksa pumpi le hawvang a pa nihin hell sungah a that theitu Pathian lau saw un hi.

JOHAN 15:13

Mi pa khatin, a ngualcam tei ca a ihnak ngengbel a langtik theihnak cu amuh tei ca a nunnak piak ngamnak khi hi.

NUNGZUITU 20:24

Mahnaven ka ca in ka nunnak hi imah in sial mang hi; Topa Jesuh in deh tukin a piakmi Pathian i hehpihnak Thuthangpha son tuk hi cangkim zetin son tuk bek hi ka thuduhsammi hi.

NUNGZUITU 4:13

Khonsil upa ten Peter le Johan cu cihnak nei ngawl mi thawthong hi haw naven itih zahin ngalpha haw him tih amuh haw ten lamdangsa mahtak haw hi. Mahten amuhte cu Jesuh i ngualcam a hihlam theileh haw hi.

FILIPI 1:28

Na ngal uhte khi lau ngawlin ngalpha zetin um unna, amuh cu sung haw tuk a, nohte cu nehtu hi tuk uh ci tih khi langtik tuk hi; itahim titale nehnak a piatu cu Pathian hi.

JAMES 2:23

Mahten Lai Thiangtho in, “Abraham cu Pathian umin, mah a upnak hangin Pathian in midikin sang hi,” a tihmi kim hi. Mah hangin Abraham cu, “Pathian i ngualcam,” tin sammi hi.

1 PETER 3:14

Thilpha na bawlnak hangin haksatnak na tawk ahi tale itizah takin mi lungdam hi tuk cim? Mah hangin i mamah lau pahsun na, na lungkham pahsun hi.

MANGMUHNAK 2:10

Na thuak tukmi haksatnak cu lau pahsun, Satan in mi khenkhat thawngah khiak tianin teh tuk hi. Ni sawm sung haksat thuak tuk ci. Thihnak tian thuak tuk ahi hei in, muantakin um unna, na neh man uh nunnak sui lukhuh pia tung hi.