LUKA 10:3 - Ngawm Bible

³ Hawh unna, cingne honpi lak a, tuno hah bangin nohte hah ing.

LUKA 10:3 Iomraidhean Croise

SAAM LABU 22:21

Hi kiosa tei kam sung pen kei hu suahin; a hang zetmi khuicang tei ki pen, pan tul zo ci.

ZEFANIAH 3:3

A bawite cu a hawk limi kiosa bang haw hi; a thusontu bawite cu cingne ngilkial bang haw in; a longaak leita haw hangin a zingleh tian hei ah sa nguh pa khat hei koih thei ngawlte hi.

MATTHAI 10:16

“Ngai un! Cingne hang hon lakah tuu bangin nohte hah ing. Mah hangin ngul bangin cip unna, khulo bangin nunnem un.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

MATTHAI 7:15

“Profet manngawlte na ngalling un: a pualam haw cu tuu bangin um haw naven a sunglam haw cu cingne hangsan bang haw hi.

LUKA 10:4

Na hawh uhten tangka bawm, tawngphu, kedamte hei keng pahsuh un. Lampi ah na hawh uhten mi otpih tuk hei in ding hih pahsuh un hi.

JOHAN 10:12

Cialcop tuucing pa cu tuucing ngangai a hih ngawl hangin le a neitu ngai a hih ngawl hangin cingnete hung li amuh ten tuute zamsanin tai masabel hi. Mah hangin cingne ten tuu cu manin hilkek khawng haw hi.

JOHAN 15:20

‘Sila cu a bawipa sangin ngeng saw awng ma hi,’ tih thu ka hilhmi khi cing leleng un hi. Keimah a bawlsia haw tale nohte vang bawlsia bok haw tuk hi. Ka thuzilhmi a ngai haw tale nangmu zilhmi vang ngaibok haw tuk hi.

JOHAN 16:2

A pumkhawm inn haw pen nangmuh hawlvawk haw tuk a, mahbek sial ngawlin nangmuh a thah tuk khi Pathian nadeh pa khat hi tin a ngaihsut hun heng tuk hi.

NUNGZUITU 20:29

Keima hawh nungten a lauhuai cingne hang hengin tuuhonte hi zo thong haw tukma hi, tih thei ing.

NUNGZUITU 9:16

Mahten keima ca in, a thuak tuk mite cu lak tung,” ti hi.

NUNGZUITU 9:2

Damaskas khua a, pumkhawm inn uktu ten amah khi a theihnak haw tukin laiken tukin ngen hi. A tuptahmi cu mahlai ah Topa i lampi zuitu a um haw tale numei pano ti ngawl man khawngin, Jerusalem ah pui tung, tin ti hi.