LUKA 10:2 - Ngawm Bible

² Amuh tei lakah, “An cop tuk tampi naven a cawmtu tukmi demno bek um hi. Mah hangin an cawmtu mihing tam sesem a hah theihnak tukin lo neitu lakah thungen un hi.

LUKA 10:2 Iomraidhean Croise

1 KUMPI 18:22

Elijah in, “Topa i profet cu keimah bek tang toh ing. Mahnaven Baal profet cu za li le sawm nga um haw laih hi.

SAAM LABU 68:11

Topa in thukham pia in, numei tampi ten thuthang cu hawhpih haw;

JEREMIAH 3:15

Ka thu a zuitu hotute pia tung a, cihnak le theih theihnak tuah uk haw tuk hi.

ZEKHARIAH 11:17

Mahtibang tuucingpa cu a lampi bingin, a bo hi toh hi. A tuute zamsan zo hi. A huham hempoh ngal ten siatsuah khawng haw tuk hi. A baan zawng tuk a, a taklam mit caw tuk hi.”

ZEKHARIAH 11:5

A neitu ten tuu cu ngo li haw naven kuamah in dantat haw ma hi. Tuu cik zuak thahin, ‘Topa cu thangphatin um tahen! Hauzet zo hung ngei!’ Tuu neitute hei in, a tuu tei humah hehpihnak nei haw ma ti hi.”

MIPUM SIALNAK 11:17

Hung tung a, nangmah tuah otpihdunin, ka piaksa mi Hawvang cu na lak pen a khenkhat la tung a, amu lakah pia tung hi. Hi mipi cinkhawinak vanngit cu dawn haw tuk a, nangmah bekin pua tukma toh ci.

MIPUM SIALNAK 11:29

Moses in, “Keimah hawza a cim? Aw, Topa in, a mihing tei humah a hawvang cu hengtikin, profet bangin a venghawng haw in, a awn khawng haw ahin awi sing!” tin ti hi.

MATTHAI 20:1

Jesuh in, “Vancung Uknak cu hi bangin hi. Mi pa khat cu a sabit huan sungah nadektu zei tukin zingtungno in tul hi.

MARKA 13:34

Ituah bangve hum ti ahin, mi pa khat cu khualzintuk tulin a umlawhte khi a nadeh haw tuk celzet le kim zetin thupia in, kongka cingtupa vang hihbu sung ngawlin, kongka cingtiktu inn neitu pa bang hi.

MARKA 16:15

Jesuh in, “Leihum khua le ngam hempoh ah hawhta unna, mi hempoh tei lakah lungdamnak Thuthangpha hilhta un.

MARKA 16:20

Nungzuitute cu hawhin, ngam hempoh ah thuhilh haw hi. Topa cu amu lakah nadekin, nalamdang tampi a bawlmi in, a thuhilh mite man loli hi, tih langtik hi.

LUKA 9:1

Jesuh in nungzuitu sawm le pa nih cu munkhatah samin, dawi ngilo hawlvawk theihnak le natnak a dadang damtik theihnak huham pia hi.

NUNGZUITU 11:19

Stefen a thah nung siah bawlsiatnak a um hangin thu umtu khenkhat cu khua hempoh ah khendun khawng haw hi. Mi tampi cu Fonisia, Saipras le Antiok tianah hengin Judah mi lakah Thuthangpha cu hilh haw hi.

NUNGZUITU 13:2

Amuh cu an cangin Pathian a biak haw laihin, Hawvang Thiangtho in, “Barnabas le Saul cu ka tiikmi na bek dek tukin, a dangno umtik un,” ti hi.

NUNGZUITU 13:4

Hawvang Thiangtho in, a hah bangin Barnabas le Saul cu Sileusia ah hawh haw a, mahlai pen Saipras tuikulhah heng haw hi.

NUNGZUITU 20:28

Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!

NUNGZUITU 22:21

Topa in, ‘Hawhta poh inna, Gentail mitei umnak ngam khua ah tiik tung hi,’ tin ti hi.”

NUNGZUITU 8:4

A khenkhek mi thu umtute cu khua tihkimah hengin, a hennak muntihkim pen Thuthangpha phuang haw hi.

1 KORIN 12:28

Mah hangin Pathian in pawlpi sungah mihingte cu eimu hihnak zawn tenah koih hi. Masabelin tiikmi koih hi. A pa nihnakah profet, a pa thumnakah zilhtute, mahten thasiahhuai nalamdang bawltute, mahten damtik theihnak a piakmite, ahimata midang bop theihnak a piakmite, ahimata mipui thiamnak a piakmite, ahimata theih ngawl awn ot theihnak a piakmite haw hi.

1 KORIN 15:10

Mahnaven Pathian hehpihnak hangin tu bangin ka hih theihnak hi. Ka humah a itnak le hehpihnak a neihmi cu a thawnthong hi ma hi. Tiikmi dangte sangin nase saw in, nadek ing. Mahnaven mahmi cu keima dehmi tih tuk hi ma hi. Ka nel a, um Pathian hehpihnak i dehmi hi saw hi.

2 KORIN 6:1

Pathian tuah na a dek langkhatmi ka hih uh hangin Pathian hehpihnak a cotu noh ten mah hehpihnak cu a thawnthongin cangtik pahsuh un tin ngen ung hi.

FILIPI 2:21

Midangte cu amu ca tek ngaisungin, Jesuh Khrih ca imah ngaisung kha sap haw ma hi.

FILIPI 2:25

Mahten a nau uh Epafroditas hi nangmu lakah hawhtik kul tin ngaisung ing. Amah cu keimah tuah nadek langkhat le ngaldo langkhatmi ung a,

FILIPI 2:30

Amah bang mihing cu maizahnak pia un. Itahim titale Khrih i ca in nadehnak le nangmuh tei piak theih ngawlmi bopnak khi pia tukin a nunnak hei ngaisung ngawlin nadekin nunnak tian bo awndiak hi.

KOLOSE 1:29

Ahi cu deksuak tukin amah Khrih i piakmi cahnak, ka sung a, nadektu mangin nase zetin thuaklo in, nadek li ing.

KOLOSE 4:12

Epafras in nuksat bok hi, amah cu nangmu pawlah sungtel hi a, Khrih Jesuh i nadektu hi. A lungmu tatak tuah nangmu ca thungen lelengin, kho zetin, na din theihnak tukin, Khristian lamah piting na hih theihnak tukin le na upnak uh thu na theihciang theihnak tukin Pathian nelah ngen mek hi.

1 THESALON 2:9

Ka ihzet uhmi hi zo uh ci. U le naute aw, cawl le haksa zetin, na ka deh uh cu thei leng poh uh ci. Pathian Thuthangpha nangmuh tei lakah ka phuan uhten nangmu ca in vanngit a hih ngawlnak tukin sun le zan na ka dehnak uh hi.

1 THESALON 5:12

U le nau Khristian mite nisial na nunnak uhah a hotu le a zilhtu, nangmu lakah na a dektute khi upat maizahnak pia un tin sosuah ing.

2 THESALON 3:1

Dawlbelnakin, u le naute aw, Topa i Thuthangpha cu nangmuh tei lakah a pungzai bang bokin manlang zetin, a pungzai pepel theihnak tuk le sunloihnak tuah a co ngah theihnak haw tukin thunget sak un hi.

1 TIMOTE 4:10

Cim le kham zetin nadek hung; itahim titale kumkhua in, a nungmi Pathian humah a muansannak uh bulh hung hi. Mah Pathian cu mi hempoh Nunpantu hi a, amah a umtu tei ca in, a cuangcung hi.

2 TIMOTE 4:5

Mahnaven nang cu ilai banglai munah hei hihen, ihun bang hunah hei hihen, thu saupi ngaisungin, mahleh mah ukdun thei tukin zuamin; haksatnakte thuak thei tukin zuam inna, Thuthangpha phuangtu tei nadeh khi dekin hi. Mahten Pathian nadektu na hih bang bokin, na nadeh ten a cangkimno in dekin hi.

FILEMON 1:1

Khrih Jesuh hangin thawngta mi keimah Paul le a unau uh Timote ten a ngualcam uh le ka nadehpih uh Filemon le,

HEBRU 3:6

Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.

MANGMUHNAK 2:1

“Efesa Pawlpi i vancungmi lakah hi bangin nganin hi. A taklam khutah aksi salih cawi in, sui meivaknak salih lak a, a vak kawkawi litu i thucahmi cu hi bangin hi.