LUKA 1:6 - Ngawm Bible

⁶ A pa nih haw in, Pathian mai ah nuncan pha in, a nungmi haw hi. Topa i piakmi daan le thupiak hempoh cu phano in zui haw hi.

LUKA 1:6 Iomraidhean Croise

PIANPATNAK 17:1

Abram cu kum sawm kuah le kum kuah a kim ten, Topa cu a lakah langin, “Keimah cu Cungnungbel Pathian ing. Ka thu zui inna, sonbang tuk ngawlin thuman zetin umin hi.

PIANPATNAK 6:9

Noah i cate cu hite haw hi; capa pa thum nei in, Shem, Ham le Jafet hi. Noah cu miphazet hi in, ama khan sungah amah pa khat bek Pathian tuah pawlkomdun haw hi.

PIANPATNAK 7:1

Noah lakah Topa in, “Na innkua hawng uhin timbaw sungah tum un; leihummi hempoh lak pen nangmah pa khat bek hi thumanmi hi ci.

1 KUMPI 15:5

Hit mi Uriah i thu bekah David humah Topa i lungkim ngawlnak um hi; thudangah David in Topa cu a lungdamtikin, a thupiakmi pa khat hei a el ngawl hangin hi bangin Abijah humah Topa i a nadehnak hi.

1 KUMPI 9:4

Na pa David in thumanzet le kom zetin ka na a deh bangin nang vang ka nadekin, ka thupiakmi le ka daan piakmi hempoh na zui tale,

2 KUMPI 20:3

“Maw, Topa, nangma muantakin le lungmu ka neihmi venghawng tuah na nadek ing a, na mai ah a pha mi bebek bawl ing tih cu thei khawng poh ci,” tin nasezet kap hi.

2 KHANGSIALNAK 17:4

Jehoshafat in, a pa i biakmi Pathian nadekin, a thupiakmi bangin zui in, Israel kumpi dangte bangin a pha ngawl imah bawl ma hi.

JOB Laibu (The Book of Job) 1:1

Uz a tih haw ngamah mi pa khat na umin, a min cu Job hi. Job cu Pathian biatu le a muangzettu hi. Amah cu mi phazet hi in, na pha ngawl imah bawl nuam ma hi.

JOB Laibu (The Book of Job) 1:8

Topa in, “Ka sila Job thei kha cim? Leihum buppi ah amah bang mipha le muantak kuamah um haw ma ven. Keimah bia in, a pha ngawl imah bawl ma hi,” ti hi.

SAAM LABU 119:6

Na thukhamte zui tukin ka zuamzet tale zakca in um tuk mang!

LUKA 1:7

Elizabeth cu micing a hihnak hangin nau nei thei ngawlin a nupa haw in tekzet zo haw hi.

LUKA 16:15

Jesuh in amuh tei lakah, “Mipi mai ah midikbel bangin langdun cawmtik hi uh ci. Mahnaven Pathian in, na lungmu uhte thei khawng hi. Itahim titale mihingin man neizet a ngaihsutmi cu Pathian muhnak pen imah ma hi.

LUKA 2:25

Mah hunin Simeon a tih haw pa cu Jerusalem ah um hi. Amah in Israel tei nunpatnak a ngah haw tuk khi ngak leng hi. Hawvang Thiangtho cu a lakah umin,

NUNGZUITU 2:25

David in ama thu le la cu hi bangin hilh hi. “Topa cu ka mai ah mu leleng ing a; ka elno ah um lengin lungkham mang hi.

NUNGZUITU 23:1

Paul in Khonsil upa tei maicang zo in, “Ka phunpih Israel mite tuni tian Pathian mai a ka nunzia ah lungmu thiang ngawlnak demno hei nei mang,” ti hi.

NUNGZUITU 24:16

Mahten Pathian mai le mihing tei mai ah lungmu thiang nei tukin ka zuam theihzahin zuam leleng ing.

NUNGZUITU 8:21

Pathian i muhnakah na lungmu manngawl hangin keimu nadehnak sungah tel ma ci, covo vang nei ma ci.

ROM Khua Khristian Tei Lakah Paul i Laikuat (Paul’s Letter to the Romans) 8:4

Hitih bangin Pathian in, na a dehnak cu mihing nundanin nung ngawlin Hawvang i deihnakin, a nungmi ohtei sungah daan i deihnak kimtik a hihnak tukin hi.

1 KORIN 11:2

Nohte ka zilhmi thuzilhnakte cing lelengin keimah vang na phawhngilh uh ngawl hangin pakzet ing.

2 KORIN 1:12

Ka tuangkhawn pihzet uhmi pa khat um; mahmi cu ikaw titale: hi leihum a nundan uh le a cuangin, nangmuh tuah a pehzop dunnak uh hi, mihing cihnak i ukmi hi ngawlin Pathian hehpihnak huhamin uk hi. Amah Pathian i piakmi awn taituang le lungmu ngai tuah a nunzia uh cu a lungmu uh sia le pha deidan thiamnakin, a theihpihmi hi.

DAAN PIAKLEHNAK 5:33

Na luah tuk uhmi ngamsung a, na um leleng theihnak tukin Topa i thu piak mite cu zui khawng unna, leihumah na khan uh sau in le ihempoh ah na lam uh tuang tuk hi.”

FILIPI 2:15

Mahtin na hi uh tale, hi leihum a mipha ngawl le misual tei lakah a ummi nohte cu a cangkimmi Pathian cate sual nei ngawl le mithiangin cang tuk uh ci. Van a, aksi vak bangin leihum mitei lakah vak un hi.

KOLOSE 1:22

Mahnaven atu-in, a Capa i taksa pum loli in thihnak a thuaknak i hangin, Pathian in, a ngualcamin bawl hi. Mahtin a bawlnak cu a mai ah mi thiangtho, sualnak nei ngawlin le sonbang ngawlin hentik a nuamnak hangin hi.

1 THESALON 3:13

Mahti bangin amah in, na thazaang uh khohtik hen na, Topa Jesuh Khrih cu a mihingte tuah a hunleh ten a Pathian uh i mai ah mi cangkim le mi thiangtho hi tuk uh ci.

2 PETER 3:14

Mah hangin ka ih mite mah Ni na ngak lih uh laihin, Pathian mai ah sualnak nei ngawl le a thiangmi hi tukin zuam unna, amah tuah a lemdunmi hi un.

1 JOHAN 2:29

Khrih cu dikcang hi tih thei leng uh ci. Mah hangin akua hei hihen a dikmi a bawltu cu Pathian cate hi tih thei tuk uh ci.

1 JOHAN 2:3

Pathian i thupiakmi a zui uh tale amah a theitute hung tih ciang hi.

1 JOHAN 3:7

Ka cate aw, kuamah in zol haw pahsuh hen, Khrih cu a dikcangmi a hih bang bokin, kua hei hihen diknak a bawltu hempoh cu midikcang hi bok haw hi.