LUKA 1:51 - Ngawm Bible

⁵¹ A baantha ngil cu zakin, mi pualthau tei a ngaihsut tuptah haw, hempoh cu lengkektik khawng hi.

LUKA 1:51 Iomraidhean Croise

PIANPATNAK 11:8

Mah hangin, Topa in mihingte cu leihum khua le ngam hempoh ah khenkhek khawngin, khuapi cu sa suak haw ma hi.

PIANPATNAK 6:5

Pathian in, leihummi hempoh cu mipha ngawl ngeh haw in, a lungmu sung hawah ngaihsutnak sesuak bek dim hi tih cu a theih ten,

PIANPATNAK 8:21

Noah i piakmi namtui cu Topa in, a theih ten a lungmu sungno in, “Mihing tei bawlmi na hangin leihum cu tamsia tukma toh ing. Mihing cu a neu laih haw pepanin phatngawlnak bebek ngaisung haw tih cu thei ing. Mahnaven tutum bangin ituk hei ten a nungmi siatsuahleh tukma toh ing.

SAAM LABU 118:15

Topa i mihingte a puanbuk haw pen nehnak, lungdamin, a au lih haw cu ngai hem un; “Topa i huhamin neh zo hi.

SAAM LABU 33:10

Topa in leihum miphun tei tuptahmi cu pelhsolhtik hi. A vaikup haw mite bawlsuak tuk ngawlin kham hi.

SAAM LABU 52:9

Maw Pathian aw, na thil bawlsa hangin pahcawi leleng tung. Na mihing tei mai ah na phat daan cu aupih leleng tung.

SAAM LABU 63:5

Ka hawvang cu an uk ei bangin taizet tuk hi. Lungdamin nangmah thangphatnak lasa tung hi.

SAAM LABU 89:10

A lauhuai ngamsa Rahab cu that ci. Na ngal cu na ngilnak tuah neh khawng ci.

SAAM LABU 89:13

Huham na neihzia hi! Na zaangtha ngil daan hi!

SAAM LABU 98:1

Topa i lakah la thak sa un! A lamdang nate bawl zo hi. A huham le a zaangtha ngilnak thiangtho in ngalte neh khawng zo hi.

SUAHTULNAK 18:11

Atu-in Topa cu pathian dang hempoh sangin ngeng saw tih thei ing; itahim titale hi hempoh hi, Izipt ten Israel tei humah huatnak tuah na a deh haw laihin bawl,” ti hi.

ISAIAH 40:10

Ihempoh tithei Topa cu, a thawm ngengnak huham tuah mi uk tukin hung li zo, a patsuah mite pui tuk hi.

ISAIAH 51:9

Topa aw, tho inna, bawmin hi! Na ngilnak suah inna, panin! Tanglaihin, na suah awng bang bokin suah lehin hi. Tuipi thuanthum a ngulpi Rahab a thattu le a satzantu cu nangmah ci.

ISAIAH 52:10

Topa in, a huham thiangtho suahin, a mite pan tuk a, lei buppi in mu khawng haw tuk hi.

ISAIAH 63:12

Ilai ah kaw kumkhua in, a min a thannak a nase zetmi thil bawlin, a mihing tei mai ah tuipi a khentiktu Topa cu a um?” tin dong haw hi.

JEREMIAH 49:15

Topa in nohte cu nawmtamtik tuk a, kuamah in upat haw tukma.

DANIEL 4:37

“Atu-in, keimah Nebuchadnezzar in vancung kumpi upat, pahcawi in, sunloih ing. A bawlmi hempoh cu a manmi le a dikmi hi, pualthauzet nadektu cu khiaksuk hi,” tin kumpi in ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:21

Pathian cu thei leng haw hi; mahnaven maizahnak le upatnak pia haw ma hi; a humah lungdam thu hei hilh haw ma hi. A ngaihsutnak haw cu imah ngawl cang khawngin, a lungmu hawmhol pi haw cu khuathimnak tuah dim hi.

2 KORIN 10:5

Pathian theih theihnak tuk cihnak a khamtu pualthaunak cu phialet khawng hung hi. Mihing tei ngaihsutnakte cu sila bangin man a, Khrih thu ngaitu in cangtik hung hi.

DAAN PIAKLEHNAK 4:34

Topa na Pathian uhin, Izipt ngam a, a bawl bangin miphun pa khat cu ngam pa khat pen tulpihin, ama hinnamin, a bawl ngamtu Pathian dang ilai mun bekah um awng maw? Na mitmuh cikcek uhin a ngilnak le a huham cu langtikin, natsia le ngaldonak hengtik a, na lamdang le thasiahhuai tampi bawlin, a lauhuai na tampi hengtik hi.

1 PETER 5:5

Mahtibang bokin noh khangnote nangmuh sangin kum upa saw tei thu khi ngai tuk uh ci. Na venghawng uhin niamkhiatnak tuah thuam unna, pa khat le pa khat bawmdun un. Itahim titale Lai Thiangtho in, “Mi tuangkhawngte cu Pathian in do in, mi niamkhiatte cu mitmai pha pia,” ti hi.

MANGMUHNAK 18:8

Hitih bang a hih hangin, ni khat sungin a humah pulhnat tung tuk a, natnak, khaw-ngaihnak le paamnak le mei tuah halnak tawk tuk hi. Itahim titale a thu a khentu Topa Pathian cu Cungnungbel hi,” ti hi.