KOLOSE 3:9 - Ngawm Bible

⁹ Na nunlun uh cu duk zo na hih uh hangin pa khat le pa khat zoldun toh pahsuh unna,

KOLOSE 3:9 Iomraidhean Croise

THUPAUCAP 13:5

Midik ten thuman ngawl hua haw hi. Mahnaven mipha ngawl tei awnkam cu zahcakhuai le ningdelhhuai mi hi.

ISAIAH 63:8

Topa in, “Amuh cu ka mihingte haw hi; Ituk mahten zol thong awng haw tukma,” ti hi. Mah hangin a thuaknak haw pepan hi.

THIAMPI NADEHNAK 19:11

“Nguca pahsun; mizol pahsun, zol thu son pahsun.

ZEFANIAH 3:13

Israel mi a tang calam ten kuamah i lakah thil sual bawl ngawltohin, zolthu hei son haw tukma toh, mizol hei tum haw tukma toh hi. Mi neinung zetin cang haw tuk hi, himdamzet haw tuk a, kuamah lau haw tukma,” ti hi.

ZEKHARIAH 8:16

Hi bangin dek saw un: Pa khat le pa khat na otpihdun uhten thuman son un. Thukhennak mun pen thudik suaktik unna; lemdaihnak le dikcangnak suaktik saw un hi.

JOHAN 8:44

Nohte cu na pa uh Satan i ca hi uh ci. Na pa uh i deihnak bangin nungca nuam uh ci. Amah cu a pattung himpo in laithat hi. Thutak khi ituk mahin len awng ma hi. Itahim titale a sungah thutak umma hi. Zolthu a son ten a bawl lih sa mek bawlleh sal cu poh hi. Itahim titale amah cu zolthu son theimi hi a, zolthu hempoh i pa hi.

ROM Khua Khristian Tei Lakah Paul i Laikuat (Paul’s Letter to the Romans) 6:6

Mahmi cu sualnak tuah a dimmi a nun lun uh i cahnak huham cu bo khawng tuk tihnak hi. Sualnak i sila hi lehma toh hung hi.

EFESA 4:22

Ni dang a na nundan uh bang lengin, a nungtiktu na nunlun uh cu vawk toh un, mahmi na nunlun uh cu mizoltu tisa deihnak i thih susuktik lihmi khi hi.

EFESA 4:25

Zolthu son toh pahsuh un. Pathian umtu pa khat le pa khat thutak hilhdun leleng tuk hung: itahim titale Khrih pumpi sungah a venghawng uhin sungtel khawng hung hi.

KOLOSE 3:8

Mahnaven atu-in mahtih bang tisa deihnak cu na vawk khawng uh kul hi: thinuknak, thin pulhangnak le mi mitkemnak cu zam toh un. Mi zotsaknak awnkam le awnkam sia hihim na kam sung uh pen tultik pahsuh un hi.

1 TIMOTE 1:10

numei le numei sualnak a bawltute, pano le pano sualnak a bawltute, mihing a ngutute, zolthu sonte, thuman ngawl tei lamah a tangte, ahimata a manmi thupom a kalh zawngin, a nungtu tei ca in bawlmi hi.

MANGMUHNAK 21:27

Mahnaven mah khuapi sungah a thiangtho ngawlmi imah tum tukma hi. Zahcakhuai thil a bawltute le zolthu sontute vang tum haw tukma hi. Tuuno i nunnak laibu sung a minngat mite bek tum haw tuk hi.

MANGMUHNAK 21:8

Mahnaven, ngalnawm mite, ngalnawmte, ningdelhhuai khawhuai biatute, laithatte, nupa sualnak bawltute, mitzial thiamte, milim biatute le zolthu sontu tei umnak tuk cu tuitingpi bangin meipi le kaat mei sungah na hi tuk a, mahmi cu vei nih thihnak hi,” ti hi.

MANGMUHNAK 22:15

Mahnaven uicote, mitzial thiamte, nupa sualnak bawltute, laithatte, milim biatute le zolthu sontute cu khua pualamah um haw tuk hi.