KOLOSE 3:4 - Ngawm Bible

⁴ Mahmi na nunnak tatak uh cu Khrih hi a, amah a langleh ten nohte vang amah tuah langkhatin, a sunloihnak co kawm bok tuk uh ci.

KOLOSE 3:4 Iomraidhean Croise

SAAM LABU 17:15

Mahnaven kei in diknak tuah na maimu tung hi. Ka khatlawh ten na maimu in, ka lungdamnak kim tuk hi.

SAAM LABU 73:24

Na ngaihsut phatnak tuah kei pui ci. A tawpnakah upat minthannak tuah nangmah in kei pom ci.

MATTHAI 13:43

Pathian i mite cu a Pa Pathian haw i Uknak sungah ni bangin vak haw tuk hi. Mah hangin beng a neitu ten zata un,” ti hi.

LUKA 17:30

Mihing Capa a langleh ni ten mahtih bangin hi bok tuk hi.

JOHAN 11:25

Jesuh in Martha lakah, “Kei cu thawhlehnak le nunnak ing hi. Keimah a umtu cu a thi hei in, nungleh tuk hi.

JOHAN 14:3

Hawh tung a, nohtei umnak tuk mun ka bawl celh ten hungkikleh tung hi. Nohte cu keima lakah pui tung a, ka umnakah umbok tuk uh ci.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

JOHAN 20:31

Mahnaven hi zong hi ngan ing a, ka ngatnak sullam cu noh ten Jesuh cu Khrih, Pathian Capa hi tih umin amah na muannak uh i hangin nunnak na neihnak tukin hi.

NUNGZUITU 3:15

Noh ten nunnakah mi a puitu pa khi that uh ci, mahnaven Pathian in thihnak pen tholehtikin, keimuh hi mah a theihpihtu ung hi.

ROM Khua Khristian Tei Lakah Paul i Laikuat (Paul’s Letter to the Romans) 8:18

Atu hun a haksatnak a thuak uhmi hi eimu lakah a langleh tuk laihmi sunlawinak tuah tehkip takin ngaisung hihim mang hi.

ROM Khua Khristian Tei Lakah Paul i Laikuat (Paul’s Letter to the Romans) 8:19

Siammi hempohin Pathian i a cate a langtik tuk khi ngakhel mahtak haw hi.

1 KORIN 1:7

Jesuh Khrih a Topa uh a lang tukmi na ngah uh laihin, na co ngawl uhmi hawvang lam laksawng pa khat hei umma hi.

1 KORIN 15:43

Phum a hih ten a mawi ngawlmi le thanemmi hi. Thawhlehtik a hih ten a mawi zetmi le a cak zetmi hi tuk hi.

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

GALATI 2:20

Mah hangin a nungmi cu kei hi lehma toh ing. Ka sung a nungmi cu Khrih saw na hi. Atu nung ing ka tihmi cu keimah it in, keima ca nun a piatu Pathian Capa upnak tuah nung ing.

FILIPI 3:21

Amah in imah ngawl a thi thong theimi a taksa pumpi uh hi a sunglawi mi ama pumpi bangin thek tuk hi; mahmi bawlnakin ihempoh ama uknak nuai ah koih theihnak huham mang tuk hi.

1 THESALON 4:17

Mahten oh a nunglaih mite cu vanahTopa tawk tukin a tho masate tuah meingo humah cawi toh khawng hi tuk hung. Mahten Topa tuah kumkhua in um langkhat tuk hung.

1 TIMOTE 6:14

A Topa uh Khrih Jesuh a henleh Ni tian, hi ka thupiakmite hi cangkim le ngeikhei zetin zui in hi.

2 TIMOTE 1:1

Khrih Jesuh tuah a pehzom uhnak hangin a tepsami nunnak thu phuang tukin, Pathian lungkimnak tuah Khrih Jesuh i tiikmi keimah Paul in;

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

TITUS 2:13

Mahten a thawmngengmi a Pathian uh le Pantu Jesuh Khrih i sunloihnak lang tuk hi tin, a muansan uhmi Ni sunglawi cu ngak hung hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 5:4

Mahten Tuucing Bawibel a lang ten a vaknak a kiam thei awng ngawlmi sunloihnak lukhu sunglawi cu ngah tuk uh ci.

1 JOHAN 2:28

Mahzuh hi, ka cate aw amah tuah na pehzomdunnak uhah kho leleng un hi. Amah a hun ten ngalhannak tuah dim tuk hung a, a hen Ni ten zakca in ngelh lih kul tukma hi.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

1 JOHAN 5:12

Kua hei hihen Capa a neitu cu nunnak nei hi. Pathian Capa a nei ngawltu cu nunnak nei ma hi.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,

MANGMUHNAK 2:7

Beng nei na hi uh tale hawvang i pawlpi tei lak a hilhmi cu ngai un hi. Nehtu tei lakah Pathian huan sung a po mi nunnak thingngah eih theihnak thupia tung hi,” ti hi.

MANGMUHNAK 22:1

Mahten mahmi vancungmi in, thalang bangin a de mi nunnak luitui cu lak hi. Mah lui cu Pathian le Tuuno i kumpi khunnak pen puttulin,

MANGMUHNAK 22:14

A vansilh haw mi thianglim zetin, a sawpciangtute le nunnak thingkung le a ngah eih theihnak thu le khuapi kongka pi pen tum theihnak thu a neitute cu mi lungdam mi haw hi.