KOLOSE 2:8 - Ngawm Bible

⁸ Ngalling un! Mihing cihnak nemcuamnak a nei ngawl, pa khat le pa khat zoldunnak le cihnakte mangin kuamah in sila in bawl haw pahsuh hen. Mahti bang cihnak cu Khrih lak pen a hungmi kha haw ma hi; mihing le van le lei laklawh uktu hawvangsia tei thu le la zilnak pen a hungmi hi.

KOLOSE 2:8 Iomraidhean Croise

SOLOMON LA 2:15

Cingnete vang man unna, a note vang man un; Huan sung sabit paknote, a siattik laih ngawlin hi.

JEREMIAH 29:8

Keimah, Topa Israel i Pathian in ngallinnak pia ing. Nangmu lak ummi profet ten hihen, mailam thu thei ing, a titu midang hei in hihen, zol ngah haw pahsuh hen. Mang a mat haw mite vang ngai kha him pahsuh un.

MATTHAI 10:17

Ngalling un; itahim titale nangmuhte a mantu tukin mite tul haw tuk hi; zungah hawhpih haw tuk a, pumkhawminnte pen vat haw tuk hi.

MATTHAI 16:6

Jesuh in amuh tei lakah, “Farasi le Sadusi mitei naman khi komzetno in ngalling un,” ti hi.

MATTHAI 7:15

“Profet manngawlte na ngalling un: a pualam haw cu tuu bangin um haw naven a sunglam haw cu cingne hangsan bang haw hi.

NUNGZUITU 17:18

Epikurian thuzilhtu khenkhat le Stoik thuzilhtu khenkhatte tuah thu eldun haw hi. Mi khenkhat ten, “Hi pa hi imah le thei sih ngawl, mi mai ah langtuk nuamzet pa hi, ikaw a otlih bok?” tin ti haw hi. Mi khenkhat ten, “Ngamdang tei pathian thu son li bang um,” tin ti haw hi. Ita mahtin ti haw hum titale Paul in Jesuh le a thawhlehnak thu a hilh hangin hi.

NUNGZUITU 17:32

Thihnak pen tholeh zo tihmi Paul i hilhnak a zak haw ten, mi khenkhat ten nuihsan haw; mahnaven midang ten, “Na thuhilh za nuam laih ung,” tin ti haw hi.

ROM Khua Khristian Tei Lakah Paul i Laikuat (Paul’s Letter to the Romans) 16:17

U le naute aw, lengkek dunnak a suaktiktu, mi upnak a susiatiktu le na cosan sa uhmi zilhnak a dodaltute khi ngallingta un tin, sosuah ing. Amuhte cu phial pahsuh un.

1 KORIN 10:12

Mi pa khatin, kho zetin ding ing hi tin, a ngaisung tale, a lup ngawlnak tukin ngalling cawm hen.

1 KORIN 8:9

Mahnaven ngalling un: mi suakca na hihnak uh cu upnak lamah a zawngkhalte khi sualnak sungah a bahnak haw tukin suaktik pahsuh un.

2 KORIN 10:5

Pathian theih theihnak tuk cihnak a khamtu pualthaunak cu phialet khawng hung hi. Mihing tei ngaihsutnakte cu sila bangin man a, Khrih thu ngaitu in cangtik hung hi.

GALATI 1:14

Judah biaknak zui lamah ka khuk pih lak pen a manbel ing. Ka pu le pa tei daan zui lamah vang a cuangin muantak mi ing hi.

GALATI 4:3

Mahti bangin eimuhte vang cu hawvang lam pen a piting uh laih ngawl sungin lei le van laklawh a thuneitu hawvang tei sal hung hi.

GALATI 4:9

Mahnaven atu-in Pathian thei ngah zo uh ci. Mah ahimata Pathian in nohte thei ngah zo hi, mah nungten itin kaw mahtih bang hawvang nawmtam le nemcuamnak nei ngawl tei lakah na kihleh nuam lih uh? A sila haw hileh tukin itin kaw na nuamleh uh?

GALATI 5:15

Mahnaven hampa lak a ngamsate bang nungca in, pa khat le khat khuatdun le sikdunin, na um uh tale ngalling un, bolal thongleh khawng tuk uh ci.

EFESA 2:2

Mah hun laihin leihum daan pha ngawl zui uh ci; Van le lei laklawh a hawvang huham neitu, Pathian thu a zui nuam ngawlte uktu i thu khi zui uh ci.

EFESA 4:20

Khrih i thu na theih uhmi cu mahtih bang kha ma hi. Khrih thu cu thei ngah zo uh ci;

EFESA 5:6

Kuamah in thuman ngawl le pomtak ngawlmi thu tuah zol haw ma hen. Mahti bang a hih hangin, Pathian thinuknak cu a thu a ngai ngawltu tei humah heng tuk hi.

DAAN PIAKLEHNAK 6:12

sal na tannak Izipt ngam pen nohte a suahtultu Topa cu na phawhngilh ngawlnak tukin cingcai zetin nung un hi.

FILIPI 3:2

Thil pha ngawl a bawltu uico bang mihingte khi ngalling un hi; vunceptalhnak lam a tangtute a hih haw khi!

KOLOSE 2:18

Muhnak a cuangin nei ing tin midang sangin dangsa cuangin, a ngaisung duntu tei muhnak bekah niamkhiat cuang ing, a tiduntute le vancungmi a biatu ten hihen, kuamah in sual nawn haw pahsuh hen, Mahti bang mite cu sullam imah nei ngawlin mihing ngaihsutnak thongah tuangkhawng haw hi.

KOLOSE 2:20

Khrih a thih ten nohte vang cu thi bok uh ci; mah hangin van le leihum uktu hawvang i khut sung pen nohte luat zo uh ci. Mahti bang hi na pi in, itakaw leihummi bangin na nun uh laih? Daan noinang ten,

KOLOSE 2:22

Hi daan noinangte hi cu, vei khat man ngah ten a nemcuamleh ngawl tohmi, mihing tei bawlcopmi dan le zilhnak bek hi.

KOLOSE 2:23

Vancung mite bia un hi, tih a sodunlo hawnak le mitei muhnak bekah niamkhiatnak nei cuang bangin a umnak hawah le amu pumpi lala a bawlsiatnak haw humah hi daan neunote hi cu micip daan bangin za tuk uh hi. Mahnaven tisa nuamnak nehnak tatak tukin nemcuamnak imah nei haw ma hi.

1 TIMOTE 6:20

Timote, na cinkhawi tukin apmi hempoh hi komzetno in cingkhawi in hi. Pathian kihcaknak um ngawlmi awnkam le sullam a um ngawlmi thu eldunnakte le mi khenkhat ten “Cihthiamnak,” a tih haw mite cu pialin hi.

2 TIMOTE 3:13

Mahnaven mipha ngawl le mi siasuak cu sualnak lamah zuan pepel saw tuk hi: mizol pepelin amuh vang zol co pepel bok haw tuk hi.

HEBRU 13:9

Zilhnak phun dadang ten a dikmi lampi pen pui sual haw pahsuh hen. A lungmu, thazaang cahnak uh cu an eih cungcangah eih tuk le eih tuk ngawl tihmi daan zuinak pen ngahmi hi ngawlin Pathian i hehpihnak sung pen ngahmi hi saw hi. Daan a zuitute cu a zui haw mi daan in bawm cuang ma hi.

HEBRU 3:12

Thu umtu u le naute, a nungmi Pathian zamsan a nuamtu, lungmu pha ngawl le umngawltu na hih ngawlnak tukin ngalling un hi.

1 PETER 1:18

Na pu le pa tei lo le lam a zap haw mi le nemcuamnak a um ngawlmi na nundan uh sung pen a suakcatiktu cu ihim tih thei leng uh ci. A sia theimi sui le ngun bang kha ma hi.

2 PETER 3:17

Mahnaven ka ih mite aw, nangmu ca in hi mi hi na theihsa uhmi hi. Mah hangin ngalling zetin um un, nohte daan nei ngawl tei pui sual ngawlnak tukin le himno in nangmu umnak mun pen na cak khak ngawlnak tuk uhin cingcai zetin um un.

2 JOHAN 1:8

Mah hangin muansannak tuah na nadeh lih uhmi na paihtik thong ngawlnak tukin le na laksawng tek uh kimno in, na ngah theihnak tukin ngalling zetin um un.