KOLOSE 1:6 - Ngawm Bible

⁶ Pathian i hehpihnak na theih masakbel ni uh pepan atu tian, Thuthangpha in muicu cu nohtei lakah henpihin leihum khua hempoh ah zaitik hi.

KOLOSE 1:6 Iomraidhean Croise

SAAM LABU 110:3

Na ngalte na do ni-in, na mihingte tho tawtok haw tuk! Zingtungno daita bangin, mual thiangtho ah na khangnote cu na lakah hung haw tuk hi.

SAAM LABU 98:3

Topa cu ama itnak le a muantaknak hangin Israel tei lak a thutepmi kimtik hi. Vanhaang nuai mihing hempohin, ohtei Pathian i ngal nehnak cu mu khawng haw hi.

MATTHAI 24:14

Mahten miphun hempoh tei theih khawng tukin vancung Uknak Thuthangpha hi leihum khua hempoh ah phuan hi tuk hi. Mah nungten a tawpnak cu heng tuk hi.

MATTHAI 28:19

Mah hangin miphun hempoh tei lakah hawh unna, keima nungzuitute suaktikta un. Pa, Capa le Hawvang Thiangtho minin tuiphumnak pia un hi.

MARKA 16:15

Jesuh in, “Leihum khua le ngam hempoh ah hawhta unna, mi hempoh tei lakah lungdamnak Thuthangpha hilhta un.

MARKA 4:8

Anci khenkhatte cu lei ngampha munah cu a, phazetno khangto in, a let sawm thum, a let sawm luk; a let za khat tianin ngah hi.

JOHAN 15:16

Noh ten keimah teng kha ma uh ci. Keimah in nangmuhte teng saw ing hi. Mah hangin ka minin, na nget uhmi hempoh pa in pia tuk hi.

JOHAN 17:19

Amuhte vang thutakin, a thiangtik theihnak tukin keimah vang thiangtik cop zo ing.

JOHAN 4:23

Mahnaven Pathian i Hawvang ngilnak hangin Pathian a bia tatak ten Pa cu Hawvang le thutak tuah a biak haw hun heng tuk hi; mah hun cu atu-in hung zo hi. Mahti bangin biak tuk cu Pathian in, a deihmi hi.

NUNGZUITU 11:18

Mahmi a zak haw ten a sonsiatnak haw cu cawl haw a, Pathian thangphatin, “Pathian in Gentail mitei lakah vangin sualsikin le nung tukin hun pia bok hi,” tin ti haw hi.

NUNGZUITU 12:24

Pathian thu cu pungin, khang tawto hi.

NUNGZUITU 16:14

Amu lak pen ka thu uh a ngaitu pa khat cu Thiatira khua mi, puan sandup zuaktu Lidia hi. Pathian biatu a hih hangin Paul i thuhilhmi cu phano ngai tukin Topa in, a lungmu kongka hong hi.

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:13

U le naute hihi cing leleng un, vei tampi nangmu lakah zin tukin hantiam li zo naveng zin suak thei tuk ngawlin a khaktu um leleng hi. Gentail mitei lakah thinthekmi ka umtik theih bangin nangmu lakah vangin thinthekmi a um thei ahin tih deihzet ing.

ROM Khua Khristian Tei Lakah Paul i Laikuat (Paul’s Letter to the Romans) 15:19

Hitih bang a dehmi hi awnkam le dehnakin hihen, thasiahhuai nalamdang dehnak le a lamdang cahnak huhamin hihen, Pathian Hawvang i cahnakin, a bawlmi hi. Jerusalem pepanin Illirikum tian ka khualzinnakah Khrih i Thuthangpha cu cangkim zetin phuang ing.

ROM Khua Khristian Tei Lakah Paul i Laikuat (Paul’s Letter to the Romans) 15:28

Hi nadeh cengin, amu ca piakmi sumpi kimno in amu khut sungah ka ap celh ten Spain ngam hawh tukin tul tung a, nangmu lakah leng vawk thah tung hi.

ROM Khua Khristian Tei Lakah Paul i Laikuat (Paul’s Letter to the Romans) 16:26

Atu-in mah thudik cu profet tei laingatnak hangin mi hempoh tei mai ah langtik zo hi; kumkhua a nungmi Pathian i thupiakmi thawmin, mah thu cu akua na bangin umin, a zuinak haw tukin miphun hempoh lakah phuan hi zo hi.

2 KORIN 10:14

Mahten nohte cu mahmi ngituah sungah a um na hih uh hangin Khrih Thuthangpha phuangin, nangmu lak ka hen uhten ngituah pualeu lam a hawhmi hi ma ung hi.

2 KORIN 6:1

Pathian tuah na a dek langkhatmi ka hih uh hangin Pathian hehpihnak a cotu noh ten mah hehpihnak cu a thawnthongin cangtik pahsuh un tin ngen ung hi.

EFESA 3:2

Pathian in nangmu phatnak tukin hi nadeh hi a hehpihnakin pia zo tih cu thei khawng zo tuktoh uh ci.

EFESA 4:21

Amah zuitu na hih uh bangin Jesuh sungah thutak cu zilh zo tohmi hi uh ci.

EFESA 4:23

Na thin sung uh le na ngaihsutnak uh a venghawngin siamthakmi hi khawng tukmi hi.

EFESA 5:9

Itahim titale phatnak phunkim, dikcangnak le thutak a piangtiktu cu vaknak hi.

FILIPI 1:11

Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

FILIPI 4:17

Ka deihmi cu na laksawng uh ngah tuk bek hi kha ma hi; nangmu cazin sungah a met um bok hen tih hi lak nuam ing.

KOLOSE 1:10

Mahten Topa i deihnak bangin nung thei tuk uh ci, amah lungdamtik leleng thei tuk uh ci. Mahten na nunnak uhin ngah pha a phunkim ngah tuk a, Pathian na theihnak uhah khangto pepel tuk uh ci.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

1 THESALON 1:5

Itahim titale Thuthangpha nangmu lakah ka hen pih uhten awnkam men thongin hi ngawlin, huham le Hawvang Thiangtho, thutak a hihnak theihcelnak tuah henpih ung hi. Nangmuh tei lakah ka um sung uh khin iti bangin um langkhat kam hung tih cu thei uh ci, nangmuh tei phatnak tukin hi.

1 THESALON 2:13

Mahten Pathian nelah lungdamnak ka piak nuam uhmi thudang umlaih hi. Pathian i thu nangmu lakah ka henpih uhten mihing thu hi ngawlin Pathian i thu hi tih cu thei uh ci; mahtin na theih uhmi cu Pathian i thu tatak hi a, pom ngah zo uh ci. Itahim titale a sangtu nangmu sungah Pathian in nadek hi.

2 THESALON 2:13

Topa i ihmi u le naute aw, nangmuhte hangin Pathian thangphat leleng tuk ung hi. Itahim titale Hawvang huham thawm tuah Pathian i mi thiangtho a cangtik tukin le thutak na muannak uh hangin nunpatnak ngah tukin Pathian i ten masabelmi hi uh ci.

1 PETER 5:12

Hi laikuat comno hi muantak Khristian unau tin ka ngaihsutmi Silas i bopnak tuah nangmu lakah ka ngatmi hi. Ka sosuah nuammi cu hi laikuat sung a ka ngatmi hi. Pathian i hehpihnak tatak hi tin, a thei ciangtu hi ing a, mah hehpihnak sungah kho zetin ding un hi.