KOLOSE 1:5 - Ngawm Bible

⁵ A manmi Thuthangpha na nel uhah a hen tungin, iti bang muansannak pia him tih cu nangmuh ten thei uh ci. Mah hangin upnak le itnak na neih uhmi cu vancungah nangmu ca in cangkim zetin koihsami muansannak humah bulphuh haw hi.

KOLOSE 1:5 Iomraidhean Croise

SAAM LABU 31:19

Nangmah a kihcatu tei ca in, Na khawlsa mi thilpha a tam daan cu! Nangmah a muangtute na hupnak thu, Mi hempoh mitmuhah a mawidan cu!

LUKA 12:33

Na neih uhmi thil hempoh zuak khawng unna, na ngah uhmi tangka cu mi ca-ngah sem khawngta un. A sia thei ngawlmi tangka bawm noh tei ca in ngaisung unna, vancungah na tangka uhte khawl un hi. Mahlai munah nguca ten tok kha thei haw tukma hi. Sal ek hei kai thei tuk ngawl a hih hangin ituk mahten paithong tukma hi.

NUNGZUITU 10:36

Mi hempoh tei a Topa uh Jesuh Khrih sung pen lemdaihnak Thuthangpha cu Pathian in Israel tei lakah pia hi, tih cu thei uh ci.

NUNGZUITU 13:26

Ka phunpih Israel mite, Abraham i casuante le hilai a Pathian a biatu Gentail mite, hi nunpatnak thuthang hi, a venghawng uh ca in piakmi hi.

NUNGZUITU 23:6

Paul in, a heng mitei lak pen a khen cu Sadusi hi haw in, a khen cu Farasi haw hi tih amuh ten khonsil upa tei mai ah au in, “Ka miphun pih Israel mite aw, kei hi Farasi tei capa ing. A thi mite nungleh haw tuk tih muansannak ka neih hangin atu hilai ah sualnak thuson tawk ing hi,” tin ti hi.

NUNGZUITU 24:15

Amuh bang bokin keimah vang cu Pathian nelah muansannak nei bok ing. Mah muansannak cu mi hempoh ten mipha hihen, pha ngawl hihen, thihnak pen tholeh haw tuk tihmi hi.

ROM Khua Khristian Tei Lakah Paul i Laikuat (Paul’s Letter to the Romans) 10:8

A hilhmi ngangai cu, “Pathian i phuanmi thu cu na elah um, na mukah umin, na lungmu ah vangin um,” ti hi. Mahmi cu ka phuan uhmi upnak i thu hi.

1 KORIN 13:13

A bo thei ngawlmi na pa thum um hi. Mahte cu upnak, muansannak le itnakte haw hi, hi tei lak pen a ngengbel cu itnak hi.

1 KORIN 15:19

Khrih sungah muansannak a neih uhmi hi imah lai heng ngawlin, hi leihum a nunnak uh ca bek ahi tale mihing lak pen a hehpihhuaibel hi tuk hung hi.

2 KORIN 5:19

Ka phuan uhmi thu cu; Khrih i hangin leihummi hempoh cu Pathian in, a lemdun lehnak bawl zo toh tihmi hi. Pathian in, a sual haw khumnak cazin koih lehma toh hi; mah ten a ngualcamin, a cannak haw thuthang hilhtu tukin keimuh nadeh tuk pia hi.

2 KORIN 6:7

thutak ka phuan uhmi le Pathian huham a langmi in Pathian i nadektu ka hihnak uh langtik bok ung hi. Diknak cu ka ngal uhte nawtvawknakin le keimuh hupdunnakin ka man uhmi hiamnam hi.

GALATI 2:14

Thuthangpha i lamcam a lakmi bangin zui haw ma tih ka muhten Peter cu mipi tei mai pen, “Nang cu Judah mi hi navecin, Judah nundanin nung ngawlin, Gentail mi bangin nung ci. Mah ahi tale itin kaw Gentail mite cu, Judah mite bangin nung tukin, na tih lo theih tuk?” tin ti ing.

GALATI 2:5

Mahnaven nangmu ca in Thuthangpha humhim ka nuam uh tak mah mitei lakah dawm hei nungkik ma ung hi.

GALATI 5:5

Mahnaven ohtei a muansan uhmi cu Pathian amah in thiancotik tuk tihmi hi. Mahmi cu eimu upnak i hangin Pathian i Hawvangin bawlsuak tuk hi tih a ngahhelhzet uhmi hi.

EFESA 1:13

Nangmu lakah nunpatnak a hentu Thuthangpha a manmi thuthang cu na zak uhten nangmuh vang Pathian i mihing bok uh ci. Khrih sungah um uh ci a, Pathian in amata na hihnak uh langtiknakin nangmu humah melciknak pia hi; mahmi melciknak cu pia tukin a tepsami Hawvang Thiangtho khi hi.

EFESA 4:21

Amah zuitu na hih uh bangin Jesuh sungah thutak cu zilh zo tohmi hi uh ci.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

KOLOSE 3:16

Khrih i thu cu na lungmu sung uhah cangkimno in cam leleng hen. Cihnak namkim tuah pa khat le pa khat zilhdunin thapiadun un. Saam labu sung a la, apdunnak la le la thiangte sa un. Na lungdamnak uh cu la tuah Pathian thangphat un.

1 THESALON 2:13

Mahten Pathian nelah lungdamnak ka piak nuam uhmi thudang umlaih hi. Pathian i thu nangmu lakah ka henpih uhten mihing thu hi ngawlin Pathian i thu hi tih cu thei uh ci; mahtin na theih uhmi cu Pathian i thu tatak hi a, pom ngah zo uh ci. Itahim titale a sangtu nangmu sungah Pathian in nadek hi.

2 THESALON 2:16

Kohte it in, a hehpihnak i hangin catngawlin ngilnak le muankhonak a piatu Topa Jesuh Khrih le Pa Pathian in,

1 TIMOTE 1:15

Khrih Jesuh cu misual tei nunpan tukin leihumah tolh hi tihmi cu a manmi awn hi a, cangkim zetin pomtak le santak hi, mah misual tei lak pen kei cu misualbel ing.

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

TITUS 1:2

Mah a biaknak uh cu kumkhua nunnak muansannakah bulphuh pha mi hi. Zolthu son awng ngawl Pathian in hi nunnak cu leipi a bawl laih ngawlin a tepsami hi in,

HEBRU 7:19

Itahim titale Moses Daan in cangkimin imah a bawl theihmi umma hi; mahnaven atu-in Pathian a nek theihnak tukin a pha sesem mi muansannak pia zo hi.

1 PETER 2:2

Nau hinsemno bang un; hawvang nawitui cu duhzet un; mah nawitui na in uh hangin khangin, nunpatnak ngah tuk uh ci.

1 PETER 3:15

Na lungmu uhin Khrih cu kihca unna, Topa hi tin upat un, nangmu lungmu sung a na pom uh mite thu a dongtu pa kha khat a um haw tale, a dotmi donleh paih thei tukin ngallingsa in um leleng un.

2 PETER 1:12

Hi thu le la hi na theihsa uhmi le thutak na theih uhmi sungah khohkhah zetin, a dingsami hi nave uhcin theilehtik leleng ing.

1 JOHAN 3:3

Kua hei hihen Khrih sungah hitih bang muansannak a neitu cu Khrih a thianthoh bangin amah le mah cu thiangthono in, a cingkhawi cop hi.