KOLOSE 1:12 - Ngawm Bible

¹² Vaknak ngam sungah Pathian in, a mitei ca tukin a koihmi cu a cotu hi bok tukin a semsuahtu Pathian cu lungdamin thangphat un.

KOLOSE 1:12 Iomraidhean Croise

NUNGZUITU 20:32

Atu-in Pathian i cinkhawinak le hehpihnak thu sungah ap zo ing. Amah in khangtotik tuk a, mihing tei ca in, a koihsami thupha cu pia tuk hi.

EFESA 1:11

Ihempoh hi Pathian ama tuptahsa le soncat sa bangin kim khawng hi. Khrih tuah a pehzop dunnak uh thawmin a mihing hi tukin Pathian in teng zo hi, Mahmi cu ama tuptahmi, a pattungin khau a khihsami hi.

EFESA 1:18

Iti bang muansannak nei tukin kaw nohte samin, a mihing tei ca in, a tepsami cu iti bang nalamdang him!

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

EFESA 3:6

Mah a thu-ip cu hitih bangin hi. Thuthangpha a umnak hangin Gentail mite vang Judah mite tuah Pathian thupha cotu hileh bok haw zo hi; Pumkhat sungah a telmi hileh bok zo haw toh a, Khrih Jesuh i thawmin Pathian i thutiamnak sungah covo nei bok haw hi.

2 KORIN 5:5

Hitih bang thekdunnak tuk ca tuangtim saktu cu Pathian hi. Mahten eimu ca khawlsa in, a koihmi, hempoh amahkhannak in ama Hawvang pia hi.

ROM Khua Khristian Tei Lakah Paul i Laikuat (Paul’s Letter to the Romans) 8:17

Ca a hih uh hangin Pathian in, a mihing tei ca in, a koihsami thupha a cotu tukte hung hi; mahten Pathian in Khrih ca tukin a koihsami vang Khrih tuah co langkhat tuk hung hi. Itahim titale Khrih thuaknak a thuak boktu ahi uh tale, a thawm ngengnak vang co bok tuk hung hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

MANGMUHNAK 21:23

Ni le hade tei vaknak vang kulma hi. Itahim titale Pathian sunloihnak cu mah khuapi ah vakin, a mei inn haw cu Tuuno hi.

HEBRU 12:23

Vancungah a min haw ngatsa in, a ummi Pathian i catawntil tei lungdam thatui in, a umnak haw heng zo uh ci. Mi hempoh tei thu a khentu Pathian le midik tei hawvang lakah heng zo uh ci.

KOLOSE 2:2

Hitih bangin ka dehnak cu kua hei hihen ngalphatnak tuah dimin le itnak tuah pa khat le pa khat komdunin, na co ngah uhmi muannak cu cangkim zetin, a co theihnak haw tukin ka deihmi hi. Mahti bangin Pathian i thu-ipmi Khrih amah cu thei ngah haw tuk hi.

EFESA 5:20

Ihempoh ca in, a Topa uh Jesuh Khrih minin Pa Pathian cu thangphat leleng un hi.

1 KORIN 8:6

ohtei ca in Pathian pa khat a Pa uh, ihempoh Bawltu umin Amata tukin a nungtute hung hi; mahten Topa pa khat, Jesuh Khrih bek um hi. Ama sung pen ihempoh piang hi. Ama sungah a nungtute hung hi.

ROM Khua Khristian Tei Lakah Paul i Laikuat (Paul’s Letter to the Romans) 15:27

Mahtibang a bawl haw mi cu amu ngaihsut thiamnak hang hi. Thu khatah mi a bop haw cu amu dehvo hi bok hi. Judah miten Hawvang lam thupha a co haw mi khi Gentail mite a hoih haw bang bokin Gentail mite vangin neihcalam thupha a co haw mite, Judah mite bopnakah a hoih bok haw tukmi hi.

THUPAUCAP 16:1

Mihing ten mai deihnak bangin khuakhannak tampi nei tuk naven a tawpnak thuneitu cu Pathian hi.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

JAMES 3:9

A lei uh cu Topa le Pa Pathian thangphatnakah mang hung a, ama mel suunin, a bawlmi a mihingte tamsiatnakah mang leleu hung hi.

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

KOLOSE 3:17

A Pa uh Pathian cu Khrih i hangin thang na phat uh tak, ihempoh na bawl uhten le na hilh uhten Topa Jesuh i minin bawl unna, hilh un hi.

KOLOSE 3:15

Khrih i piakmi khenkhuai theihnak cu thu na son uhten na soncatnak hempoh uhah a hotu in bawl un, itahim titale hi lemdaihnak sungah um tukin Pathian in taksa pumpi pa khat sungah a sam mite hi uh ci. Mah hangin lungdamin um un.

EFESA 5:4

Awn pha ngawl, awn kha le ngaihnop ngawl awn cu na ot tukin mawi lehma toh hi. Mah sangin Pathian nelah lungdamnak hilh saw un hi.

EFESA 4:6

Pathian pa khat umin mi hempoh i Pa hi. Amah cu ihempoh i humah Topa hi; ihempoh i sung pen nadekin ihempoh i sungah um hi.

1 KORIN 9:23

Hi thu hempoh hi Thuthangpha hangin ka bawlmi hi. A muicu vang midang tei co bok tukin ka deihmi hi.

ROM Khua Khristian Tei Lakah Paul i Laikuat (Paul’s Letter to the Romans) 11:17

A cin haw mi olif kung i a kangkak khenkhatte cu talhin, hampa lak a po mi olif kung kangkak tuah peh haw hi. Noh Gentail mi cu hampa lak a pomi olif kung tuah bangve in, Judah tei hawvang lam nunnak le a thazaang haw co bok uh ci.

ROM Khua Khristian Tei Lakah Paul i Laikuat (Paul’s Letter to the Romans) 9:23

a cangkimmi sunlawinak hei cu langtik nuamin, a cotu tukin teksa a hih uh hangin a hehpihnak a cotu ohtei humah a sunlawinak cu leihsuk hi.

JOHAN 20:17

Jesuh in Mary lakah, “Keimah zen hih pahsun! Itahim titale pa i lakah heng ma laih ing. Mahnaven ka unau tei lakah hilhta inna, a Pa haw ahi bokmi ka Pa, a Pathian haw ahi bokmi ka Pathian nelah hawh tung hi, tin hilhin,” ti hi.

JOHAN 4:23

Mahnaven Pathian i Hawvang ngilnak hangin Pathian a bia tatak ten Pa cu Hawvang le thutak tuah a biak haw hun heng tuk hi; mah hun cu atu-in hung zo hi. Mahti bangin biak tuk cu Pathian in, a deihmi hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

DANIEL 2:23

Ka pu le pa tei Pathian, nangmah cu thangphatin upat ing. Cihnak le ngilnak pia ci; ka thungetnak ngai in, kumpi lak a hilh tukmi vang hilh zo ci,” ti hi.

SAAM LABU 116:7

Maw ka nunnak, ngimtano in cawlin, itahim titale Topa in keima ca ngaisung leleng hi.

SAAM LABU 97:11

Midikcang tei humah vaknak hengin; Mipha tei humah lungdamnak heng hi.

SAAM LABU 79:13

Na mihing na tuuhon kohten, kumkhua in, na nelah lungdamnak thu son tuk ung hi. Akhang akhangin thangphat pahcawi leleng tuk ung hi.

SAAM LABU 36:9

Nang cu nunnak hempoh tei nunnak ciktui hi ci. Nangma vaknak hengin vaknak mu ung.

1 KHANGSIALNAK 29:20

David in mipi cu, “Topa na Pathian uh cu thangphat un,” ti in, mipi ten Topa, a pu le pa tei Pathian cu thangphat haw hi. A lu haw kunin, Topa Pathian le a kumpi haw lakah upatnak pia haw hi.

1 KUMPI 6:7

Biakinn saknak suangte cu suang laknak munah seksami a hih hangin Biakinn a sak haw ten sobul heipi le adang thik hiamnam tuah bawl le suk lih kulleh ngawl toh a hih tak thawmnging leilui imah umma hi.

MANGMUHNAK 22:14

A vansilh haw mi thianglim zetin, a sawpciangtute le nunnak thingkung le a ngah eih theihnak thu le khuapi kongka pi pen tum theihnak thu a neitute cu mi lungdam mi haw hi.

MANGMUHNAK 22:5

Mahlai ah zan umleh tukma toh hi, mei inn hei hihen ni i vaknak hei hihen kul haw tukma toh hi, itahim titale Topa Pathian cu amuh tei vaknak hi tuk a, amuh cu kumpi bawi bangin kumkhua in uktu hi haw tuk hi.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

2 KORIN 11:14

Mahmi cu lamdangsak tuk imah umma hi; satan hei in vaknak vancungmi bangin bawlduncop thei bok hi.

EFESA 2:18

Khrih i hangin Judah mi hihen, Gentail mi hihen, a venghawng uhin Pa Pathian mai ah Hawvang pa khat i hangin zuan thei hung hi.

EFESA 5:8

Ni dang laihin nohte cu khuathim sung a nungmi hi uh ci; mahnaven Topa i mihing na hih zo uh hangin atu-in vaknak sungah um uh ci; mah hangin khuavak mihingte bangin nung un hi.

EFESA 5:11

Mihing tei khalh mekmi muantak ngawl na le khuathim sung a thilte cu a tawng hei tawngkha pahsuh un hi. Mahti bang thilte cu a vaknakah henpih saw un hi.