JOSHUA 9:27 - Ngawm Bible

²⁷ Mahnaven Topa i biaklandawh tukin le mipi tei ca in, tui cawitu le thingcomtu umlawhin bawl hi. Topa in amah biaknak tukin a tenmi mun hempoh ah nadektu cu tusun tiangin amuhte haw hi.

JOSHUA 9:27 Iomraidhean Croise

2 KHANGSIALNAK 2:16

Lebanon mualah na kulzahin, sidar thing cu phuk inna, pa khat le pa khat ken kawmin, Joppa tiang tuipi hum pen kuat tuk ung hi. Mahlai pen Jerusalem ah nangin thiakto lehin hi,” tin ngan hi.

MIPUM SIALNAK 31:28

Ngalkap tei co tukmi sung pen ngalmatmi za nga ah pa khat cu Topa i ca in siahin la un hi. Khui, laak, tuu le keel vang mah bang lengin la unna,

MIPUM SIALNAK 31:30

Mipi tei co tukmi sung pen ngalmatmi sawm nga ah pa khat la in, khui, laak, tuu, le keel vang mah bang lengin la inna, Topa i Puanbuk cingkhawitu Levi mitei lakah pia in,” ti hi.

MIPUM SIALNAK 31:47

Hi sung pen, Topa i thupiakmi bangin mihing hihen ngan hihen, sawm nga ah pa khat cu Moses in la in, Topa i Puanbuk cingtu Levi mitei lakah pia hi.

DAAN PIAKLEHNAK 12:11

Topa in ama umnak tukin le na biaknak tuk uhin mun pa khat teng tuk a, mahlai munah ama piaktikmi hempoh, na biakpiaknak uhte, halkang biakpiaknak, le biakpiaknak dadang, na sumpi uh le na piak uh mite, na thutep uhmi laksawng cu Topa i lakah pia un hi.

DAAN PIAKLEHNAK 12:14

Topa in nangmu hinnam tei ngam sungah mun pa khat teng tuk a, mahlai munah biakpiaknak bawl un. Mahlai bekah biakpiaknak bawl unna, ka thupiakmi bangin bawl khawng un hi.

DAAN PIAKLEHNAK 12:5

Topa in, na hinnam venghawng uhin ngamsung pen ama umnak tukin mun pa khat teng tuk a, mahlaiah hawhin bia un hi.

JOSHUA 9:21

Mah hangin umbok poh haw hen; mahnaven, eimuta tukin thingcomin tuicawi sak haw hen,” ti hi. A hotu tei hilh bangin mipi ten zui haw hi.

JOSHUA 9:26

Mah hangin Israel tei thah tuk ngawlin Gibeon mite cu Joshua in hup hi.