JOSHUA 9:18 - Ngawm Bible

¹⁸ Mahnaven Israel miten Gideon mite cu that tukin hi thei ma toh hi, itahim titale a hotu haw ten amuhte tuah Israel Pathian Topa i minin thutiam bawl zo haw toh hi. Mah thu hangin Israel mipi cu hotu lakah phuciak haw hi.

JOSHUA 9:18 Iomraidhean Croise

2 Samuel 21:7

Mahnaven Topa i min salin, David le Jonathan in thutepdunnak a bawl zo haw hangin, Saul i tupa Jonathan i capa Mefibosheth cu David in luattik hi.

SAAM LABU 15:4

Misualte imah simsial ngawlin, Topa a kihcatute a pahcawitu; itih zahin, a ca in, a na vangin, a thutepsa bangin a zui suak lelengtu.

THUHILHTU 5:2

Ngaisung masa ngawlin awn pahsun; Pathian mai ah nawhkhah zetin thutiamnak bawl thawthong tuk hei ngaisung pahsun. Pathian cu Vancungah um; nang cu leihumah um ci; mah hangin na ot tuk supin hi.

THUHILHTU 5:6

Na awnkamin, sualnakah pui pahsuh hen! A pui tale Pathian i thiampi mai ah, “Khial kha ing!” tileh pahsun. Mah ahimata na otmi humah Pathian a thinuk uk tuk a, na bawlmi hempoh thawnthong khawng haw tuk hi.

THUHILHTU 9:2

Mi hempoh humah bangtenin heng hi. Midik hihen, misual hei hihen, mipha hihen, mipha ngawl hihen, mi thiangtho hihen, mithiang ngawl hei hihen, biakpiaknak a piatu hei hihen, a pia ngawltu hei hihen, a tawh haw mi bangten khawng hi. Mipha cu misual sangin, met saw cuang ma hi. Thutiamtu cu a tiam ngawltu sang hei in, met saw cuang ma hi.

MIPUM SIALNAK 30:3

Khanglai pa khatin, a pa i inn a umlaihin, Topa i lakah pa kha khat pia tukin thutiam, ahimata pa kha khat bawl tuk ngawlin thutepnak a bawl ten,

DAAN PIAKLEHNAK 23:22

Topa i lak a, thutiam bawl ngawl cu sual hi kha ma hi,

DAAN PIAKLEHNAK 23:23

hi naven nangma thinthawhin thutepnak na bawl ahi tale, kimtik hihimin hi.

DAAN PIAKLEHNAK 23:24

“Na unaupih Israel mi i sabit huan sung lampi ah na hawh ten sabit ngah cu na duhzahin ei in hi; mahnaven na bawm sungah pua pahsun.

JOSHUA 9:17

Mah hangin Gibeon mitei umnak Gibeon khua, Khefirah khua, Beeroth khua le Kiriath Jearim khua ah heng haw hi.

JOSHUA 9:19

Mahnaven, hotu ten “Topa Israel Pathian min salin thutepnak bawl zo ung hi. Itih bang hei in amuhte tileh thei ma toh ung.