JOSHUA 9:13 - Ngawm Bible

¹³ Sabittui thunnak savun thawl vang zo un. A thak hi naven atu-in bal khawng zo hi. Ka puansilh uh le ka kedam uhte hi zo un. Lam khawlazet pen ka hun uh tak sia khawng zo hi,” tin ti haw hi.

JOSHUA 9:13 Iomraidhean Croise

MATTHAI 9:17

Mahti bang lelengin kuamah in savun thawl lun sungah sabittui thak thun awng haw ma hi; a thun haw tale savun thawl cu kehin sia thong tuk hi. Mah hangin sabittui thak cu savun thawl thak sungah a thun haw tale siatnak imah um ngawlin a pa nih haw in pha kawm tuk,” ti hi.

MARKA 2:22

Savun thawl lun sungah kuamah in sabittui thak thun awng haw ma hi. A thun haw tale sabittui in savun cu pokkehtik tuk a, sabit tui thak cu savun thawl thak sungah thun dan hi,” tin hilh hi.

LUKA 5:37

Sabittui thak khi savun thawl lun sungah kuamah in than awng haw ma hi. Itahim titale sabittui thakin thawl lun pokkehtik tuk a, sabittui cu bua thong tuk a, thawl vang cu siat lawh thong tuk hi.

DAAN PIAKLEHNAK 29:5

Topa in kum sawm li sung pikpek phillawn sungah pui in, na puansilh uh le na kedam uhte pa khat hei sia ma hi.

JOSHUA 9:12

Ka ken uhmi cangho zo un, nangmuh tawk tukin ka inn pen ka tul uhten lum laih hi. Mahnaven tu cu ko in baalbu khawng zo hi.

JOSHUA 9:14

Israel miten Topa i deihnak zei masa ngawlin a lam-an ken haw mi cu sangin ei haw,

JOSHUA 9:4

Joshua cu zol tum haw hi. Khaudip balmi tuah an thunin, dah copmi savun thawl tuah sabit than mi cu laak puatik haw hi.

JOSHUA 9:5

Dah copmi kedam bunin le puansia silhin a sunsiah ket haw mi cu a ko sa mi le a baalbu mi cangho nguak cang hi.