JOSHUA 8:31 - Ngawm Bible

³¹ Mah biaklandawh cu Topa i nadektu Moses in Israel tei lakah a piakmi Moses Daan laibu sungah a ngat bangin thik hiamnam tuah at ngawlmi suang tuah bawlmi hi. Mah humah meihal biakpiaknak Topa i lakah pia in, pawlkom biakpiaknak vang pia bok haw hi.

JOSHUA 8:31 Iomraidhean Croise

2 KUMPI 14:6

Mahnaven a ca haw cu that ma hi; Moses Thukham sung a, Topa i thupiakmi, “Ca tei sual hangin a nu le a pate thah hi ma hen; nu le pa tei sualnak hangin a cate cu thah hi ma hen, ama sualnak bek hangin mihing cu thah hihen tihmi zui saw hi.”

2 KUMPI 22:8

Kumpi i thupiakmi cu Shafan in Hilkiah hilh hi. Hilkiah in Biakinn sung a, Daan Laibu a khulnak thu hilh hi. Hilkiah in mah laibu cu Shafan in sial hi.

2 KHANGSIALNAK 25:4

A cate haw cu that ma hi. “A cano tei sualnak hangin a nu le pa cu that pahsuh un; mahten a nu le pa tei sualnak hangin a canote that pahsuh un. Mi pa khat cu ama bawlmi sualnak bebek hangin thah hi tuk hi,” tin Moses Daan sung a, Topa i thupiakmi zui hi.

2 KHANGSIALNAK 35:12

Moses Daan sung bangin halkang biakpiaknak a bawl theih hawnak tukin ngancik cu innkua tekin, mipite sem haw hi.

EZRA 6:18

Moses laibu sung a, bawl tuk daan ummi bangin Jerusalem Biakinn sung a, nadektu tukin thiampite le Levi mite cu ahon ahonin khenkhuai haw hi.

NEHEMIAH 13:1

Mah hunin, Moses Daan cu nging zetin, mipi tei lakah sialin, a sial haw mi sung pen, Ammon mi le Moab mite cu ituk hei ten Pathian i mihing tei lakah tel thei haw tukma hi, tihmi haw hi.

SUAHTULNAK 18:12

Jethro in Pathian nelah biakpiaknak le halkang biakpiaknak bawlin, Aaron le Israel puitute cu Moses i pu Jethro tuah Topa mai ah an kuangkil langkhat haw hi.

SUAHTULNAK 24:5

halkang biakpiaknak bawlin Topa i lakah biakpiaknak khuicang a ngo tu Israel tangval cu pawlkom biakpiaknak bawl tukin Moses in hawhtik hi.

MATTHAI 12:26

Mahti bang lengin Satan in, Satan cu a hawlvawk tale amah le mah dodun a hih hangin itin kaw a ngam cu a kho theih tuk?

DAAN PIAKLEHNAK 27:2

Jordan Ngun kantanin, Topa na Pathian uh i piakmi ngam na hen ni uhin, suangpeek ngengpi phut unna, a kok thei ngawlmi si na noih ceng uhten

DAAN PIAKLEHNAK 27:8

Si na noih uhmi suang humah, Topa i piakmi daan hempoh cu komno le kimno in ngan un hi,” tin ti haw hi.

JOSHUA 1:8

Thukham laibu cu phawkngil hihim pahsun. A sung a, ngatmi bangin na nun theihnak tukin a sun a zanin sial lelengin hi. Mahti bangin na bawl tale khangto tuk ci a, na bawlmi hempoh lawhting tuk ci.