JOSHUA 8:14 - Ngawm Bible

¹⁴ Ai khua kumpipa in Joshua le a ngalkapte cu a el hawah um tih a theih ten, a ngalkap tuah thakhat tho in, a masa a dodunnak munah Israel mite do tukin Arabah munlawn lamah hawh haw hi. Nunglam pen nam haw tuk tih thei haw ma hi.

JOSHUA 8:14 Iomraidhean Croise

THUHILHTU 9:12

Mihingin, a hun can thei awng ma hi. Ngasa cu suuk tuah a mat haw bangin le vano cu thang tuah a awh haw bangin, mihing hei cu ngaihsut khak ngawlin siatsuahnak cu a hum hawah heng tuk hi.

ISAIAH 19:11

Zoan khua hotute cu misil ngeh haw hi! Izipt micipbel ten sil thu zilh haw hi. Ni dang laih kumpi le micip tei ai-awhtute ung, tin itin kaw kumpipa a hilh ngam haw?

ISAIAH 19:13

Zoan le Memfis hotute cu misil ngeh haw hi! A miphunte haw lamhuaitu hi haw tuk naven lamhuai sual zo haw hi.

DANIEL 4:31

A ot khawng laih ngawlin van pen aw ngingin, “Kumpi Nebuchadnezzar, ka hilhmi hi ngai in! Na kumpi huham cu na lak pen laksak hi zo hi.

MATTHAI 24:39

Hitih bangin tuihautungin, a tai khawng laklawh tian a piang tukmi kuamah in thei ham haw tukma hi. Mihing Capa i hun lehnak tuk vang mahtih bangbok leng tuk hi.

MATTHAI 24:50

Mahten a bawipa cu a ngallin ngawl le a theihkhak ngawl laih hun, a ngaihsut khak ngawlin hengkikleh tuk hi.

DAAN PIAKLEHNAK 1:1

Hithu hi Jordan ngun pen nisuahnak lam ngamkhingah a um haw laihin, Moses in Israel tei lakah a hilhmi thu hi. Israel mite cu Jordan munlawn Suf khua elah um haw; Paran khua cu mahlai pen a langkhat lamah umin, Tofel, Laban, Hazeroth le Dizahab khua cu ngalkhat lamah um haw hi.

JOSHUA 8:13

Mahti bangin a ngelh haw laihtakin, ngalkap honpi saw cu Ai khua sak lamah um haw hi. Ngaldo tuk a mansa in um haw hi. Joshua cu luam sungah ngiak hi.

JOSHUA 8:15

Joshua le a ngalkap cu nungkik hem haw a, phillawn lamah tai pepel haw hi.

JOSHUA 8:16

Ai khua sung a, um pano hempoh cu Israel ngalkap hil tukin samdun khawng haw in, Joshua le a ngalkapte cu a khua haw pen khawlapi tiang hil pepel haw hi.

JOSHUA 8:5

Kei le ka lakah a ummi ngalkap hempoh ten hi lam pen zuan tuk ung hi. Ai khua ngalkap ten a do haw tale, a masa bang lengin, khuasung pen tul haw tuk hi. Kohte cu nunglamah khintuk ung.

2 PETER 2:3

A hampumnak haw hangin hi zilhtu man ngawl ten tangthu bawlcawm hilhin, nangmuhte cu sum zeinakah mang haw tuk hi. Mahnaven amuh Thukhentu cu a ngallinnak ngeipi zo a, amuh siatsuahtu tuk vang hihbu ngawlin um hi.

THUKHENTUTE 20:37

Hi a ngelhmi a ngalkap cu thakhatin Gibeah khua sungah khenkhekin, a tum nung haw ten khuasungmi hempoh cu that khawng haw hi.