JOSHUA 7:21 - Ngawm Bible

²¹ A lon uhmi na lak pen Babilon puan mawino pa khat, cuai nih bang a ngitmi ngun khal khat le tikal sawm nga ngit sui lom mu ing a, ka deih leita hangin la ing. Ka buk sungah cawi tumin phum ing hi, mu tuk uh ci, a nuaibelah ngun khal koih ing,” ti hi.

JOSHUA 7:21 Iomraidhean Croise

PIANPATNAK 10:10

Nimrod i ukmi ngam masabelte cu Babilonia ngamsung a ummi Babilon, Erek le Akkad ngam thum hi.

PIANPATNAK 3:6

Numei nu in, huan laizang a, thingkung i mawidan le a ngah a uk oldan cu mu in, cihnak cu iti zahin pha tuk him tin ngaisung hi. Mah hangin thingngah cu thawi in, ei hi. A pasal lakah pia in, a pasal vangin, na ei lualuam bok hi.

PIANPATNAK 34:27

Jakob i capa dang ten a celnu min a siattik haw khua ngai in, maliam mite vang that vanglak haw in, khuasung a, na hempoh tian laksak khawng haw hi.

PIANPATNAK 6:2

pathian i capa ten mah khanglai a muh haw ten mawi a sakzet haw taktoh cu a deih haw mi tengin huai haw hi.

2 Samuel 11:2

Ni khat cu, taklam deuhin David cu sun a colhnak pen tho in, a inn humah kai hi. Inn humah a vah laih takin numei pa khat tuibual li in mu hi. Mah nu cu diang ngangai hi.

2 KUMPI 7:8

Miphaak pa lite cu ngiahbuk a hen haw ten puanbuk pa khat sungah tum haw in, puanbuk sung a, ummi ante cu ei in, a eih celh haw ten a tawh haw mi sui, ngun le puansilhte cu manlangzet cuhin, amu ca tuk sel haw hi. Kik haw a, puanbuk dang pa khat sungah tumin, mahti bang lelengin bawl haw hi.

JOB Laibu (The Book of Job) 31:1

Sual nuamnak tuah khanglai zo tuk ngawlin thukam zo ing.

SAAM LABU 119:37

Imah ngawlmi a zei litu ka hih tuk uh ngawlnakin, cingkhawi zalin hi. Na thutepsa bangin ka humah pha zalin hi.

SUAHTULNAK 20:17

“Mi thil hawza pahsuh un. Mi inn hihen, mi zi le pasal hihen, a khui, a cipuh le midang tei neihmi hempoh hawza pahsuh un hi,” tin ti hi.

THUPAUCAP 1:19

Naunehnak tuah mi thil a lonsaktute cu amuh le muh thihnak zei cop haw hi. Mi sesuakte cu mahtibang haw hi.

THUPAUCAP 23:31

Khuat sungah san kilkelno in le de linglengin, intum ten dang sungah nal mahtak luttum zuazuahin, a ukzet bangmi zu cu zo pahsun.

THUPAUCAP 28:22

Hampumnak a neimi ten manlangin hausa tuk a nuamnak haw hangin, Zawnnak a lakah heng awndiak toh tih thei kha haw ma hi.

THUPAUCAP 4:23

Ngalling zetin thu ngaisungin, itahim titale na ngaihsut mi thu in, na nunnak puahto tuk hi.

ISAIAH 28:15

Nohten, “Thihnak tuah thutepnak nei zo toh ung a, mithi khua Sheol tuah lungkimnak casuk bawl zo ung,” tin tuangkhawngta lalaih uh ci. Thilpha ngawl a hen ten luat tuk ung tin ngaisungin, thudik ngawl sonnak le mizolnak na muan uh hangin him tuk hung tin ngaisung uh ci.

ISAIAH 29:15

Topa i lak pen tumtahnak a seltute cu ngei kho haw tukma. A tumtah kuh haw cu bawlin, “Kuamah in mu haw ma, kuamah in thei haw ma,” tin ti haw hi.

HABAKKUK 2:9

A bo toh ci! Midang siatsuahnak tuah na innkua cu hautik ci; na umnak inn cu siatnak le launak pen luat hen tin ngaisung li ci.

LUKA 12:15

Mahten mipi lakah, “Hampumnak namkim lak pen ngalling unna, cingcai zetin um un hi. Itahim titale mi pa khat i nunnak tatak cu izahta in mihau hei hihen, a nunnak cu a thil neihmi humah umma,” ti hi.

LUKA 12:2

Ilam banglam hei hihen khuhmi pawpoh cu hon khawngin um tuk a, thu-ip hempoh phuankehin um tuk hi.

EFESA 5:3

Pathian i mihingte na hih uh hangin nupa sualnak, zoh mawi ngawlin nunnak le hampumnakte cu noh lakah a son hei son kha toh pahsuh un hi.

EFESA 5:5

Na theih cangcian tukin a kulmi cu nupa sualnak a bawltu zoh mawi ngawlin a nungtu le hampumte cu (hampum leita cu milim bia tuah bangten hi) Khrih le Pathian uknak sungah covo nei haw tukma hi.

DAAN PIAKLEHNAK 7:25

A milim haal khawng un hi, mah milim humah sui le ngunte vang hawza pahsuh unna, a la hei la kha pahsuh un. Na la uh tale nangmuh awk kha tuk hi. Itahim titale milim bia cu Topa i huatbelmi hi.

KOLOSE 3:5

Nangmu sung a nadektu leihum pumpi deihnak, nupa sualnak le zohmawi ngawlmi ngamtatnak, tisa nopnak le hampumnakte cu nungtik toh pahsuh un hi. Hampumnak cu milim biaknak pa khat hi.

HEBRU 13:5

Sum le pai deih leita pahsuh un; na neih zahno uhin lungkim un. Itahim titale, Pathian in, “Taisan tuk mang, zamthong tuk mang,” ti hi.

JAMES 1:15

Tisa deihnakin nau bang pai in, a hintulmi cu sualnak hi: mahten sualnak cu khangin, ngah a ngah ten thihnakah heng hi.

JOSHUA 7:20

Akhan in “Kei hi, Israel Pathian Topa i mai ah sual zo ing. Ka bawlmi cu hihi, hi.

JOSHUA 7:22

Mah hangin Joshua in mi khenkhat hahin, Akhan i bukah man langzet tai in, a buk sungah phummi nate cu mu haw hi, ngun khal cu a nuaitabelah mu ngangai haw hi.

2 PETER 2:15

Lampi man cu pialsanin, lampai haw hi. Beor i capa profet Balaam i zuimi lampi khi zui haw. Balaam cu thilpha ngawl a bawlmanin, sum a co nuamtu hi.