JOSHUA 7:11 - Ngawm Bible

¹¹ Israel mite sual zo haw hi. Zui tukin ka tepsa mi zui haw ma hi. Lak tuk ngawlin kham mi na la haw hi. Ngu in, na dang lakah selin, im haw hi.

JOSHUA 7:11 Iomraidhean Croise

2 KUMPI 18:12

Israel miten Topa a Pathian haw i thupiakmi a ngaih haw ngawl hangin Samaria cu Assiria miten la haw hi. Topa i sila Moses lak pen Israel mite tuah Topa i thutepnak a bawlmi cu siatsuah khawngin zui nuam haw ma hi. A thu ngai ngawlin a thutep vang zui haw ma hi.

2 KUMPI 5:24

Elisha umnak mual a hen haw ten, Gehazi in dip pa nih cu la in, inn sungah koih hi. Naaman i umlawhpa nihte cu kiktik hi.

ISAIAH 24:5

Mihingin Pathian dan pahbalin, kumkhua ca bawlmi a thukham cu siatsuahin leipi cu nawngkaitik haw hi.

JEREMIAH 31:32

A pu le pate Izipt ngam pen a khut haw pen ka puitul laihin, amuh tuah thutiamnak ka bawlmi, thutepnak a lun bang kha tukma hi. A pa haw bang naveng amuh ten mah ka thutepnak cu zui haw ma.

HOSEA 6:7

Mah naven hi mihing ten thutiam ngamah a tum bek haw ten amuh tuah thutiamnak ka bawlmi cu Adam mun pen susia khawng haw hi.

THIAMPI NADEHNAK 5:15

Akua hei hihen sual tukin tuptahnak nei ma naven Topa i nelah piak tukmi na thiangthote a pia ma tale, a mawhnak biakpiaknak tukin sonbang ngawl tuucang pa khat Topa i nelah pia tuk hi. A man cu upa tei ciangtan mi bangin hituk hi.

HABAKKUK 2:6

Nehmi ten nehtute cu nimnawl haw tukin a nautatnak langtik haw tuk hi. “Nangmuta hi ngawlmi na lak uh hangin boleh bok tuk uh ci. Leibatute leibat piak tuk cawh vikvekin, hau dedeuh uh ci. Ituk tiang kaw mahti bangin na um tuk laih uh?” tin ti haw tuk hi.

ZEKHARIAH 5:4

Cungnungbel Topa in, mahmi tamsiatnak cu keimah in hahtul tung a, nguca tei innkua le tamsiat tuah zolthu sontu tei innkua venghawng ah heng tuk hi. Mah tamsiatnak cu a innkua hawah cam tuk a, siatsuah khawng tuk tin,” ti hi.

MATTHAI 22:21

Amuh ten, “Kumpi bawipa mel le a min hi!” tin don haw hi. Jesuh in, “Mah ahi tale kumpi bawi ta cu kumpi bawi pia unna, Pathian ta cu Pathian pia un hi,” tin don hi.

NUNGZUITU 5:9

Peter in, “Itakaw na pasal tuah na pa nih uhin, Topa i Hawvang zol tukin na lungkim ngel uh? Na pasal a phumtu tangvalte kongka bulah um haw laih hi; nangmah vang cu zawng tul bok haw tuk ven,” ti hi.

DAAN PIAKLEHNAK 17:2

“Tehkipnakin, na khuasung uhah numei hihen, pano hihen, Topa i thupiakmi zui ngawlin,

HEBRU 4:13

Pathian lak pen sel theihmi imah umma hi, Pathian i semsuahmi na hempoh cu ama mai pen hon khawngmi le phalhlet zingzengmi bangin lang haw hi. Ni kha khat ten a venghawng uhin ama mai ah phuangleh khawng pilpial tuk laih hung hi.

JOSHUA 23:16

Topa na Pathian uhin zui tuk hi, tin a thupiakmi cu zui ngawlin pathian dang zui in, na bia saw uh ahi tale na hum uhah thinukzet tuk a, a piaksa hih ngamphaah pa khat hei tang ngawlin bo khawng tuk uh ci,” ti hi.

JOSHUA 7:1

Topa i thupiakmi cu Israel miten zui ngawlin, lak tuk ngawl a, kham mi hempoh tokkha viang pahsuh un tihmi cu Akhan in, na la hi. Akhan cu Karmi i capa hi, Karmi cu Zabdi i capa hi. Zabdi cu Zerah i casuan hi. Zerah cu Judah miphun hi. Akhan in, na a lak hangin Israel tei humah Topa a thinukzet hi.

JOSHUA 7:10

Topa in Joshua lakah, “Tho in; ita bok leng cim?

THUKHENTUTE 2:20

Topa cu Israel tei humah thinuk zetin, “A zui hihim haw tukin a pu le pa tei lak a, ka tepmi thutepnak cu hi miphun ten siatsuah khawng zo haw hi. Mahti bangin ka thu a zui haw ngawl hangin

1 SAMUEL 14:38

Saul in Israel puitu tei lakah, “Hung hem un, tuni in i sualnak bawl uh cim, zei hem un.