JOSHUA 7:1 - Ngawm Bible

¹ Topa i thupiakmi cu Israel miten zui ngawlin, lak tuk ngawl a, kham mi hempoh tokkha viang pahsuh un tihmi cu Akhan in, na la hi. Akhan cu Karmi i capa hi, Karmi cu Zabdi i capa hi. Zabdi cu Zerah i casuan hi. Zerah cu Judah miphun hi. Akhan in, na a lak hangin Israel tei humah Topa a thinukzet hi.

JOSHUA 7:1 Iomraidhean Croise

PIANPATNAK 34:27

Jakob i capa dang ten a celnu min a siattik haw khua ngai in, maliam mite vang that vanglak haw in, khuasung a, na hempoh tian laksak khawng haw hi.

2 Samuel 24:1

Israel tei humah Topa cu a thinuk lehleu in, a lak hawah haksatnak hengtik tukin David cu, “Hawh inna, Israel le Judah mite mipumsialin hi,” tin so hi.

2 KUMPI 5:24

Elisha umnak mual a hen haw ten, Gehazi in dip pa nih cu la in, inn sungah koih hi. Naaman i umlawhpa nihte cu kiktik hi.

1 KHANGSIALNAK 21:7

Mahti bangin a bawlmi humah Topa cu a lungdam ngawlin Israel cu dantat hi.

2 KHANGSIALNAK 24:18

Mah hangin mipi ten Topa i Biakinn ah a pu le pa tei Pathian bia ngawltohin milim le Asherah milimte bia haw hi. Mahtibang a sual haw hangin Topa i thinuknak cu Judah le Jerusalem humah heng hi.

EZRA 9:6

“Maw Pathian aw, zakca zetin, na mai hei zo ngam mang. Ka sualnak uh hi ka lu uh sangin sang saw in van khong hi.

JOB Laibu (The Book of Job) 35:8

Na sualnak hangin a thuaktu cu nangma ngualcam hi. Na phatnak tuah na bopmi cu amah leleng hi.

THUHILHTU 9:18

Cihnak cu ngal hiamnam sangin pha saw in, misual pa khatin thilpha tampi siatsuah thei hi.

DANIEL 9:7

Topa aw, nangin, a dikmi bawl leleng navecin, kohten ka hum uhah zahcaknak bebek hengtik ung. Judea, Jerusalem khua a khawla le a nainak mun hempoh ah khenkhekmi Israel mi hempoh ka venghawng uhin mualpho khawng zo ung hi.

THIAMPI NADEHNAK 10:6

Moses in Aaron le Aaron capa Eleazar le Ithamar tei nelah, “Mithi ngai in, na puan uh na botkek uh tale thi tuk uh ci. Topa cu Israel hinnam venghawng humah a thinuk tuk hi. Mahnaven Topa i hentikmi mei i kanghupmi mithi hi, na nampih uh Israel midang ten ngai thei haw tuk hi.

JONAH 1:7

A dawlbelin timbaw mawngtu ten, “Hung hih teh un. Hiti bang lawlawm bawngsiatnak a tawh uh hi akua hang kaw tih aisan tuk hung,” tin ti haw hi. Aisannak a bawl haw ten Jonah humah cuu hi.

JOSHUA 22:16

“Ita hiti bang thilpha ngawl Israel Pathian maiah bawl uh cim? Nangmu ca tukin biaklandawh na bawl uh hangin Topa langpang uh ci. Amah zui ma toh uh ci.

JOSHUA 22:18

Tuni in Topa cu nung na hek uh tale, a zingten Israel mi hempoh humah a thinuk tuk hi.

JOSHUA 22:20

Zerah capa Akhan in siatsuah khawng tuk tihmi a zui nuam hangin Israel venghawngin bawlsiatnak a thuak uh khi thei ma toh uh cim? Akhan sualnak hangin amah bek thi ma hi,” tin ti haw hi.