JOSHUA 6:24 - Ngawm Bible

²⁴ Mah nungten Jerikho khuapi cu a sung a, ummi hempoh tuah mei ah haal haw hi. Mei a, haal ngawlmi sui le ngun, daal le thik tuah bawlmi nate hempoh cu la haw in, Topa i tangka koihnak innah koih haw hi.

JOSHUA 6:24 Iomraidhean Croise

2 Samuel 10:5

David in mah thu a zak ten a palaite tawk tukin mi hah hi. Itahim titale a zahcak leita haw hangin a lakah hung ngam haw ma hi. Jerikho khua ah um tukin le a khamul haw a poleh sawng ten pin tukin thucah hi.

2 KUMPI 25:9

Topa i Biakinn, kumpi inn le Jerusalem a bawi le upa dedeuh tei innte haal khawng hi.

1 KHANGSIALNAK 18:11

Mah nate cu David in Edom mi, Moab mi, Ammon mi, Filistin mi le Amalek mitei lak pen a lonmi sui le ngunte tuah Topa i biaknakah man tukin pia hi.

MIPUM SIALNAK 31:10

A khuapi haw le a ngiahbuk vang haal khawng haw hi.

DAAN PIAKLEHNAK 13:16

Khua sungmi tei neihmi na hempoh cu khuasung khopnak munah khawm khawng un hi. Topa na Pathian uh lakah na bawl uhmi biakpiaknak tukin mah khua le a sung a, ummi hempoh cu haal khawng un hi. Mah khua cu kumkhua sialalta in tundinleh hi tukma toh hi.

DAAN PIAKLEHNAK 13:17

Siatsuah khawng tuk tihmi sung pen nangmuta tukin imah la pahsuh un, mahnung ten Topa i thinuknak cu lawmcangin, nohte cu hehpih tuk hi. Tuni ka thutiammi na zui uh tale,

DAAN PIAKLEHNAK 20:16

“Mahnaven Topa na Pathian uhin, a piak tukmi ngamsung khuapi na lak uhten khua sungmi venghawngin, that khawng un. Haihawh a nei pa khat mah khawih kha pahsuh un.

JOSHUA 11:11

Pa khat hei tang ngawlin that khawngin, a khua haw vang mei tuah haal khawng haw hi.

JOSHUA 6:19

Mahnaven sui le ngun, daal le thik tuah bawlmi na hempoh cu Topa ca tukin pia khawng un. Topa i tangka koihnak innah koih khawng tuk,” ti hi.

JOSHUA 6:25

Mahnaven numei pha ngawl Rahab le a innkua cu Jerikho khua vilvengtu mi pa nih a sel hangin Joshua in that ngawlin khawih hi. Tuni tiangin Rahab i casuante cu Israel ngam sungah um haw laih hi.

JOSHUA 8:28

Joshua in Ai khua cu ituk mah ten umnak phaleh tuk ngawlin a haltik hangin, tuni tian khualopin suakta hi.

MANGMUHNAK 17:16

Ki sawm khat na muhmi le sahang ten numei pha ngawl cu hua haw tuk hi. A neihmi thil hempoh lonsak haw tuk a, thacangin zam haw tuk hi. A cik ei haw tuk a, mei tuah halkang haw tuk hi.

MANGMUHNAK 18:8

Hitih bang a hih hangin, ni khat sungin a humah pulhnat tung tuk a, natnak, khaw-ngaihnak le paamnak le mei tuah halnak tawk tuk hi. Itahim titale a thu a khentu Topa Pathian cu Cungnungbel hi,” ti hi.