JOSHUA 6:23 - Ngawm Bible

²³ Mah hangin hawh haw in, Rahab cu a pa le nu, a ningpate le a innkua dangte tuah hawhpih haw hi. A innkua hawng le a salte vang pui haw a, Israel tei ngiahbuk pualeu ah koih haw hi.

JOSHUA 6:23 Iomraidhean Croise

PIANPATNAK 12:2

Canau tampi pia tung a, hinnam ngengpi in suak haw tuk hi. Muicu pia tung a, na min thangtik tung; mahten mi muicu hi tuk ci.

PIANPATNAK 18:24

Sodom khua sungah mipha sawm nga a um haw bang ahin, a khuapi venghawngin maw na siatsuah leleng tuk? Mipha sawm nga himdam tukin hi khua hi khawih tukma cim?

PIANPATNAK 19:29

Mahnaven Pathian in, phillawn a khuapi cu a siatsuah ten, Abraham cu phawkngil ngawlin Lot cu himdamno in luattik hi.

MIPUM SIALNAK 31:19

Atu-in nangmu lakah mi a thattu le mi luang a zentu hempoh cu ni salih sung ngiahnak pua leu ah um tuk uh ci. Ni thumnak ni le ni salih ni ten nangmuh tek thianthohnak bawldun unna, na mat uhmi numei vang thiangthotik un hi.

NUNGZUITU 10:28

Peter in amuh tei lakah, “Eimu biaknak daan bangin titale Judah miten Gentail mite danglen tuk le ngualcam tuk cu kham khawngmi hi tih cu na theih khawng uhmi hi. Mahnaven kuamah mithiang ngawl le nawngkai in ngaihsut tukmi kha ma hi tih khi Pathian in lak zo hi.

NUNGZUITU 27:24

‘Paul, lau pahsun hi, Rom kumpipa i mai ah na din kul hi! Pathian na humah a phat hangin nangmah tuah a hawhtute cu pa khatno hei thi ngawlin a nunnak haw khawih khawng tuk hi,’ tin ti hi.

1 KORIN 5:12

Thungai ti ahin, a pualam mihingte thukhen tuk cu ka nadeh hi ma hi. A pualam mite cu Pathian in, a thu haw khen tuk hi.

EFESA 2:12

Mahlai in Khrih tuah pehdunnak nei ma uh ci. Miphun dang hi uh ci a, Pathian in, a tenmi a miphun tei lakah nohte tel kha ma uh ci. Pathian in, a thutepnak bulpi a mitei lakah um kha ma uh ci. Hi leihumah muansan tuk le Pathian nei ngawlin a um thongte hi uh ci.

HEBRU 11:31

Numei pha ngawl Rahab cu Pathian thu a ngai ngawltu Jerikho khua mitei lak pen thi ngawlin a hupsuak theitu cu upnak hi. Mahmi cu Israel mi, ngal vilvengtute a pat hangin hi.

HEBRU 11:7

Noah in, a muh theih ngawlmi mailam a, a heng tukmi Pathian i ngallin piakmi a theitiktu cu a upnak hi. Pathian thu ngai in, timbaw bawl a, mah sungah amah le a innkua cu himdamno in suakca haw hi. Mah hangin leihum cu thukhennak tawkin Noah cu a upnak hangin Pathian lak pen dikcangnak co hi.

JOSHUA 2:13

Ka nu le pa, ka unau le a innkua pih hei hihen, that ngawlin hup zazalta un,” ti hi.

JOSHUA 2:16

“Hampalak ah tai un: mahma tale ngalkap ten mu kha haw tuk hi. Nangmuh a zei tute a kihleh laklawh haw tian ni thum sung ngelh un hi. Mahnung ten na hawh nuamnak mun uhah hawhleh un,” tin tiam hi.

JOSHUA 2:18

Zo lengin! Na khua ka sim uhten, keimuh na khiaksuknak tukvelhah khausan na khai lehin hi. Na pa le nu, na ningpa le na pa i innkua a venghawngin, na innah khawmdun khawng un,

THUKHENTUTE 1:25

A dot haw pa in hilhin, a hilh ceng ten Josef hinnam ten Bethel khua sungmi hempoh that khawng haw hi. Mahnaven, mah a hilhmipa le a innkua cu khawih haw hi.