JOSHUA 6:21 - Ngawm Bible

²¹ A ngalnam haw tuah khuasung a, ummi hempoh numei hihen, pano hihen naupang upa ti ngawlin that khawng haw hi. Khui le tuu le laakte hei thatcih khawng haw hi.

JOSHUA 6:21 Iomraidhean Croise

1 KUMPI 20:42

Profet pa in, kumpipa i lakah, “Topa i awnkam cu hi bangin hi: ‘Thah tuk ka tihmi na hah hangin na nunnakin kuan tuk ci, a ngalkapte na luattik hangin na ngalkapte bo haw tuk hi,’ tin hih hi.”

JEREMIAH 48:18

Noh Dibon khua mite, na sunloihnak mun uh pen tolh unna, leivul lakah khung un. Moab siatsuahtu hung zo hi. A kulhtiante buaksehnakin suak zo hi.

DAAN PIAKLEHNAK 13:16

Khua sungmi tei neihmi na hempoh cu khuasung khopnak munah khawm khawng un hi. Topa na Pathian uh lakah na bawl uhmi biakpiaknak tukin mah khua le a sung a, ummi hempoh cu haal khawng un hi. Mah khua cu kumkhua sialalta in tundinleh hi tukma toh hi.

DAAN PIAKLEHNAK 2:34

Mah hun lelengin, a khuapi haw hempoh cu la in, siatsuah khawng hung, numei, naupang le a venghawngin that khawng hung, a suakca pa khat hei um haw ma hi.

DAAN PIAKLEHNAK 7:16

Topa na Pathian uhin, na khut sung uhah a koihmi hinnam hempoh cu siatsuah khawng unna, hehpih pahsuh un. A pathian bia pahsuh un, na bia uh tale bolal tuk uh ci.

JOSHUA 10:28

Mah ni-in Joshua in Makkedah khua cu do in, a neh ten a kumpipa vang man hi. A khua sungmi venghawngin pa khat hei tang ngawlin that khawng hi. Jerikho kumpi hum a bawl bang lengin Makkedah kumpi hum hei ah bawl hi.

JOSHUA 10:39

A kumpi haw cu manin, mah khua le a elkim a um khua la haw hi. A mihing haw venghawng that khawng haw hi. Hebron le Libnah khua mite le a kumpi haw a thah khawng haw bangbokin, Debir khua mite le a kumpipa vang khawih ngawlin that khawng haw hi.

JOSHUA 11:11

Pa khat hei tang ngawlin that khawngin, a khua haw vang mei tuah haal khawng haw hi.

JOSHUA 11:14

Hi khuapi pen a lon haw mi na manpha le ngan hempoh cu Israel miten amuta tukin la haw hi. Mahnaven mihing cu a venghawngin that khawng haw hi, pa khat hei suakca haw ma.

JOSHUA 8:2

Jerikho khua le a kumpipa i humah na bawl bangin, Ai khua le a kumpipa i humah bawl tuk ci, mahnaven tutum cu a na le a nganhing cu nangmuhin co un hi. Ai khua cu do tukin tuangtim ham unna, nunglam pen nam un,” ti hi.

JOSHUA 8:22

Khuapi sung a, umsa Israel ngalkap cu tul haw in, a ngal cu nunglam le mailam pen do haw hi. Israel ngalkap ten kim khawng haw in, a kumpipa sialngawl, mihing pa khat hei suakca ngawlin that khawng haw hi.

JOSHUA 9:3

Mahnaven Joshua in Jerikho le Ai khua tei humah a bawl mite cu Hiv miphun Gideon khua miten a zak haw ten

MANGMUHNAK 18:21

Mahten a tha ngilzet vancungmi pa khatin cang ngawinak suangpeek tia suang pa khat la in, tuipi sungah vawk thahin hi bangin ti hi, “Hiti bangin Babilon khuapi cu vawksuk hi tuk a, kuamah in muleh haw tukma toh hi.

1 SAMUEL 15:3

Hawh inna, Amalek cu na do un hi. A neihmi hempoh haw siatsuah khawng un. Imah khawih pahsuh un; pano, numei, naupang le a hingsem nauno tianin that khawng un hi. Khui, tuu, kalauk le laak hei that khawng un,” ti hi.

1 SAMUEL 15:8

Amalek kumpi Agag cu a nungin, manin, midang cu that khawng hi.