JOSHUA 6:18 - Ngawm Bible

¹⁸ Mahnaven siatsuah tukmi hempoh cu la hihim pahsuh un. Lak tuk ngawl tihmi thil pa kha khat na la kha uh tale Israel tei lakah haksatnak le siatsuahnak hengtik tatak tuk uh ci.

JOSHUA 6:18 Iomraidhean Croise

2 Samuel 21:1

David uk sungin kum khat nung kum khat a pehin kum thum pikpek paampi tung hi. Mah hangin Topa Pathian nelah David in dongin Topa in, “Saul in Gibeon mite a thah hangin Saul le a innkuate cu laithat haw,” ti hi.

THUHILHTU 9:18

Cihnak cu ngal hiamnam sangin pha saw in, misual pa khatin thilpha tampi siatsuah thei hi.

JONAH 1:12

Jonah in, “Tui sungah keimah vawk unna, huihsia dai tuk hi. Hiti bangin huihsia nasezet a theu cu keimah i hangin hi, tih thei ing,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 12:9

Itdunnak a tih uhten lungmu tak tuah ihdun tukmi hi. A pha ngawlmi cu hua unna, a phami lenkhim un hi.

2 KORIN 6:17

Topa in, “Amuh zamsan unna, amuh tei lak pen tulsanin khen un hi. A thiang ngawlmi cu tok kha hihim pahsuh un, mahten nangmuhte cu keimah in cosang tung hi.

EFESA 5:11

Mihing tei khalh mekmi muantak ngawl na le khuathim sung a thilte cu a tawng hei tawngkha pahsuh un hi. Mahti bang thilte cu a vaknakah henpih saw un hi.

DAAN PIAKLEHNAK 13:17

Siatsuah khawng tuk tihmi sung pen nangmuta tukin imah la pahsuh un, mahnung ten Topa i thinuknak cu lawmcangin, nohte cu hehpih tuk hi. Tuni ka thutiammi na zui uh tale,

DAAN PIAKLEHNAK 23:10

Mi pa khat cu zanmang a matmi hangin a tui tulin, mithiang ngawlin, a can ten ngiahbuk pualeu lamah tul tuk a, mahlaiah um tuk hi.

DAAN PIAKLEHNAK 7:26

Hi milimte cu na innsung uhah hen pahsuh un, na hengtik uh tale tamsiatmi a hih haw bangin na hum uhah tamsiatnak heng tuk hi. Hi milimte cu na huat tuk uhmi le na ningdelh tuk uhmi hi; itahim titale Topa i tamsiatmi hi.”

JAMES 1:27

Pathian mai pen a thiangthomi biaknak cu, nu le pa nei ngawl ca-ngah le meivong haksate cawm le vaktu, a cingkhawitu le hi leihumpi i siatsuah ngawlte khi hi.

JOSHUA 7:1

Topa i thupiakmi cu Israel miten zui ngawlin, lak tuk ngawl a, kham mi hempoh tokkha viang pahsuh un tihmi cu Akhan in, na la hi. Akhan cu Karmi i capa hi, Karmi cu Zabdi i capa hi. Zabdi cu Zerah i casuan hi. Zerah cu Judah miphun hi. Akhan in, na a lak hangin Israel tei humah Topa a thinukzet hi.

JOSHUA 7:13

Tho in hi, na mihingte a sualnak haw thiangtik inna, keimah tawk tukin ngalling haw hen. Zingten keimah tawk haw hen, phano in hilhin; itahim titale keimah Israel Pathian in, a lak hawah ka ot nuammi cu hi tin hi, ‘Maw Israel tei lak tuk ngawl ka tihmi nate la uh ci. Mah nate na vawk khawng laklawh uh cu na ngal uhte neh tukma uh ci.

JOSHUA 7:15

Lak tuk ngawl tin kham mi nate a latu cu a innkua le a neihmi hempoh tuah mei ah haal hi tuk hi. Ka thutep a zui ngawl hangin Israel miphun tei humah zahcakhuai na pha ngawl ngengpi hengtik hi,’ tin ti in,” ti hi.

JOSHUA 7:25

Joshua in, “Ita a hum uhah zahcak haksatnak hengtik cim? Topa in, na humah haksatnak hengtik bok tuk hi,” tin a tih ceng ten Akhan cu suang tuah sep hum haw hi. A innkuate le a neihmi hempoh vang sep hum haw a, mei tuah haal khawng haw hi.

1 JOHAN 5:21

Ka cate aw, milimte bia kha tuk ngawlin cingcaizet un hi.

1 SAMUEL 15:9

Saul le a ngalkap ten Agag i nunnak cu khawih haw in, a phabel tuu le khui, a phabel tuuno le khuinote le a pha a tih haw pawpoh cu that haw ma hi. Nemcuamnak nei ngawlmi le man nei ngawlmi hempoh cu that belh haw hi.