JOSHUA 5:1 - Ngawm Bible

¹ Jordan ngun pen nitumnak lam a, um Amor kumpi le Mediterranean tuipi mawk a, um Kanaan kumpi ten Israel tei Jordan ngun a kaltan haw ten Topain kangtik hi tih thu a zak khawng haw ten thinsuzet haw hi. Israel mite lau in can tawtok haw hi.

JOSHUA 5:1 Iomraidhean Croise

PIANPATNAK 12:6

Kanaan ngam a hen haw ten Abram cu hawhngutin, Shekhem khua mun thiangtho Moreh mun a, Sasua kungah heng hi. Mah hunin, Kanaan mite cu mah ngamah um haw laih hi.

PIANPATNAK 48:22

Amor mitei lak pen ka thalcang le nam tuah ka lakmi ngam hempoh lak pen ngam phabel, Shekhem cu na u le naute cotik ngawlin nangma lakah pia ing,” ti hi.

2 Samuel 21:2

Gibeon mite cu Israel mi hi haw ma. Israel miten hup tukin a tep haw mi Amor miphun tei lakah miphun neuno pa khat hi haw hi. Mahnaven Saul in Israel mi le Judah mite a ham leita hangin Gibeon mite cu a cimittik khawng tuk tum hi.

1 KUMPI 10:5

Cabuai hum a, an a eihmi, a khutnuai bawi tei umdan, a nadektu tei silhmi puan mawi dan, a umlawh tei phetdan le Biakinn a bawlmi biakpiaknakte amuh ten Sheba kumpinu cu a lunglutzet hi. A muhmi hempohin kumpinu cu lamdang satik zetin, a lung-am khawng hi.

EZRA 9:1

Hih nate a bawl ceng haw ten, Israel hotu upa khenkhatte ka lakah hung haw in, “Mipi hihen, thiampi le Levi mite hihen cangpakin um haw ma hi. Ka elkim ngam uh a, um Kanaan mi Ammon mi, Moab mi le Izipt mite tuah um langkhatin, Hit mi, Periz mi, Jebus mi le Amor mite tuah cokheldun khawng haw hi. Hi miphun tei a bawl haw mi ningdelhhuai thilte vang bawlbok haw hi.

SAAM LABU 135:11

Amor kumpi Sihon, Bashan kumpi Og le Kanaan ngamsung kumpi hempoh that khawng hi.

SUAHTULNAK 23:28

Na mai uhah a lauhuai khuai-ngal hah tung a, Hiv mi, Kanaan mi le Hit mite cu na hen uh laih ngawlin hawlvawk khawng haw tuk hi.

ISAIAH 41:5

Lam khawlapi ngam ten, ka thil bawlmi cu mu zo haw hi; Lau mahtakin thinsu in can haw hi. Mah hangin munkhatah tawkdun khawm haw hi.

EZEKIEL 16:3

Ihempoh tithei Topa in, a lakah ka hilhmi cu hilh ciangin hi. Maw Jerusalem, Kanaan ngam pen a suakmi hi ci. Na pa cu Amor mi hi a, na nu cu Hit mi hi.

EZEKIEL 21:7

Ita tauli cim tin, a dong haw tale thusia a heng tukmi hangin tau ing hi, ti in hi. Mah thusia a hen ngangai ten a lungmu haw cu launak tuah dimin, a khut haw khazet tuk a, ngalhannak a neihmi hempoh vang bo khawngin, a khuk haw hing tetek tuk hi. Mah hun cu heng zo,” ti hi. Cungnungbel Topa in hilh zo hi.

DANIEL 5:6

Mahbek ten a mitmai sia khawng a, lau zetin, a khuk hing tawtok hi.

AMOS 2:9

“Mahnaven, “Ka miphunte aw, nangmuh ca tukin sidar thing bang a sangmi le sasua thing bang a cangmi Amor mite cu siatsuah khawng ing.

MIPUM SIALNAK 13:29

Amalek mite cu hanglam ngamah um haw hi. Hit mi, Jebus mi le Amor mite cu mualhum ngamah um haw in, Kanaan mite cu Mediterranean Tuipi elah le Jordan Ngun mawk tuanah um haw hi,” tin, ti haw hi.

JOSHUA 17:12

Mahnaven Manasseh miten mah khua a um Kanaan mite cu a hawlvawk thei haw ngawl hangin tusun tianin um haw hi.

JOSHUA 17:18

Mualhum ngam cu nata uh hi tuk hi. Tukhaangpi ngeh naven vat seuh unna, mawk khat pen mawk khat tian co un hi. Kanaan mite cu thik cipuhleng nei in, a ngilzet haw hei in hawlvawk leleng tuk uh ci,” ti hi.

JOSHUA 24:15

Topa i na nadeh nuam uh ma tale, tuni in teng un; Mesopotamia ngam na pu le pa tei biakmi pathian maw na biak tuk uh; mahma tale atu na umnak ngam a neitu Amor mitei pathian kaw na biak tuk uh, teng un. Kei le ka innkua hawng uhin Topa i na bek dek tuk ung,” ti hi.

JOSHUA 3:16

Jordan ngunpi cu khencat hi; a luan cawlin, Zarethan khua el a, ummi Adam khua tiang tingto hi. Tuipi Thi sung a, luangmi tui cu kang tawng loli hi. Israel miten Jerikho khua el pen kaltan haw hi.

JOSHUA 3:17

Leiko hum pen Israel mite cu hawhin, a venghawng haw in, a kaltan ceng haw tian Topa i Thutiam Kuang a zawngtu thiampite cu Jordan ngun laizang leiko ah ding leleng haw hi.

MANGMUHNAK 18:10

Mahti bangin a thuaknak amuh haw ten thuak kha bok sual kawn ung tih lau in, khawla thimah dingin, “Itihzah lauhuai him! Itizah mulling hah him! Khua ngeng le khuapi Babilon! Nazi pa khat sungin dantat piaknak tawkta ci,” tin ti haw tuk hi.

THUKHENTUTE 1:1

Joshua a thih nungten Israel miten, Topa “Kei mu lak pen a koi hinnam kaw hawh masabelin Kanaan mite a do tuk?” tin dong haw hi.

THUKHENTUTE 11:23

Mah hangin ama miphun Israel mi ca in, Amor mite a hawlvawktu cu Topa, Israel i Pathian hi.

THUKHENTUTE 3:3

Kanaan ngam sungah a tangmite cu Filistin khuapi pa nga, a venghawngin, Kanaan mi, Sidon mi le Baal Hermon Mual pen Hamath mualkawn tian, Lebanon Mual a um Hiv mite hi.

THUKHENTUTE 4:2

Mah hangin Topa in Hazar khuapi a ummi Kanaan kumpipa Jabin cu Israel mite nehtik hi. Kumpi Jabin i ngalkap hotubel cu Gentail tei khuapi Harosheth a um Sisera hi.

1 SAMUEL 25:37

A cihleh nungten thu cu komno in sonpih hi. Mah thu a zak bek ten Nabal cu a thinsu lok a, a lungsilin, zengnat thuakin umta hi.