JOSHUA 3:5 - Ngawm Bible

⁵ Joshua in Israel tei lakah, “Ciangduntik cawm un. Itahim titale zingten noh tei lakah Topain nalamdang bawl tuk hi,” tin hilh hi.

JOSHUA 3:5 Iomraidhean Croise

JOB Laibu (The Book of Job) 1:5

A puai haw a bo ceng a zing zingtungno in, Job a thawh toh ten a cano tei thianthohnak tukin biakpiaknak bawl mek hi. Tuptah himnak um ngawlin Pathian zawnsakin, sual kha haw tuk tih a lau hangin mahtih bangin bawl leleng hi.

SAAM LABU 77:15

Na huhamin, Jakob le Josef i casuante na mihingte pan ci.

SAAM LABU 86:10

Itahim titale Pathian nangmah bek ngilzet ci. Nangmah bek nalamdang bawltu hi ci.

JOEL 2:16

Mipi sam khawm unna, khuapi sunglawizet bawl un. Upateleh naupangte sam khawm un. A ang sungah a cawi haw laihmi naunote vang sam khawm un. Mohuaitu tangvalpa vang a inn pen tulin, mothak vang a inndat sung pen tul hen.

THIAMPI NADEHNAK 10:3

Moses in Aaron nelah, Topa in, “Ka nadektu hempohin ka thianthohnak upat haw hen; ka hinnam tei nelah ka huham langtik tung hi; a tih ten a son nuammi cu hihi,” ti hi. Mahnaven Aaron cu imah awn ma hi.

THIAMPI NADEHNAK 20:7

Thiangtho duncop un; itahim titale keimah cu Topa na Pathian uh ing.

MIPUM SIALNAK 11:8

Mah manna cu Israel mipi ten cawmkhawm haw a, ngialvamin, sumah deng vam cengin a huan nung haw ten cangho phengin bawl haw hi.

JOHAN 17:19

Amuhte vang thutakin, a thiangtik theihnak tukin keimah vang thiangtik cop zo ing.

JOSHUA 3:13

Leihum buppi uktu Topa i Thutiam Kuang a zawngtu thiampi ten tui sungah a ke a khiak bek haw ten a luang li laihmi Jordan ngunpi cu a luan cawl tuk hi; sak lam pen a luangmi tui cu munkhatah tingin, cawl tuk,” ti hi.

JOSHUA 3:15

Tuimawk hengin, a ke haw tuisungah a khiak bek haw ten,

JOSHUA 3:4

Hi lam na hen awng uh ngawl hangin hawhnak thei ngawlin um sual tuk uh ci. Thutiam Kuang cu nek leita pahsuh un; peng lang bang danin zui un,” tin mipi tei lakah hilh hi.

JOSHUA 3:6

Thiampite cu Joshua in, “Thutiam Kuang la unna, mipi mailamah hawh un,” tin a hilh ten a hilh bangin hawh haw hi.

JOSHUA 7:13

Tho in hi, na mihingte a sualnak haw thiangtik inna, keimah tawk tukin ngalling haw hen. Zingten keimah tawk haw hen, phano in hilhin; itahim titale keimah Israel Pathian in, a lak hawah ka ot nuammi cu hi tin hi, ‘Maw Israel tei lak tuk ngawl ka tihmi nate la uh ci. Mah nate na vawk khawng laklawh uh cu na ngal uhte neh tukma uh ci.

1 SAMUEL 16:5

“Hi zuh hi, Topa i lakah biakpiaknak pia tukin hung ing hi, tin Samuel in ti hi. Thiangthodun unna, ka lakah hung un,” ti hi. Jesse le a capate vang thianthohdun tukin hilhin, biakpiaknakah zawm hi.