JOSHUA 3:16 - Ngawm Bible

¹⁶ Jordan ngunpi cu khencat hi; a luan cawlin, Zarethan khua el a, ummi Adam khua tiang tingto hi. Tuipi Thi sung a, luangmi tui cu kang tawng loli hi. Israel miten Jerikho khua el pen kaltan haw hi.

JOSHUA 3:16 Iomraidhean Croise

PIANPATNAK 14:3

Tu a, Tuipi Thi tihmi Siddim Phillawnah mah kumpi pa nga cu khawmdunin, tang ngel haw hi.

1 KUMPI 4:12

Taanak le Megiddo khuapite le Jezreel khua i hanglam, Bethshan le Zarethan khua el a um ngam hempoh Abel Meholah le Jokmeam khua tianin, a uktu cu Ahilud i capa Baana hi.

1 KUMPI 7:46

Jordan munlawn, Sukkoth le Zarethan laklawh a daal suknak sobul a bawlmi ngeh hi.

SAAM LABU 114:3

Tuipi sanin, amuhte taivawkta hi; Jordan ngunpi cu luang ngawlin cawl hi.

SAAM LABU 114:5

Maw Tuipi, ikaw nang a taitik tu? Maw Jordan, itakaw luang ngawlin, na colh?

SAAM LABU 29:10

Topa in tuithukte ukin; kumpi cu a kumkhua in uk hi.

SAAM LABU 33:7

Tuipi luituite cu munkhatah hulawmin; tuipi thuanthum a thukbel munte cu, a thil koihnak khanin mang hi.

SAAM LABU 66:6

Tuipi leiko in, a suahtik bangin, a pu le pa uhten tuipi sung pen leiko tawnin tan haw hi. Mahti bangin a bawl hangin a humah a lung uh dam hi.

SAAM LABU 74:15

Nangmah in ciktui le luitui luangtikin, Nguntuite cu kangtik ci.

SAAM LABU 77:19

Nang cu tuipi tanvawkin hawh ci; A thuk zetmi tuipi thuanthum vang kaltan vawk ci. Mahnaven na ke ngiah cu muh theih ma hi.

SAAM LABU 78:13

Pathian in tuipi cu khenin, tuite cu pang bangin dingtik hi. Mahlai pen lamhuai hi.

SUAHTULNAK 14:21

Moses in tuipi humah a baan a zak ten, “Topa in nisuahnak lam huih cu nase zetin theutikin, zankhua a theu nungten tuipi tawphah a, leiko lang hi. Tui cu khendunin,

SUAHTULNAK 14:22

Israel mite cu tuipi sung a, leiko humah hawh haw in, a pang lang le langah tui cu pang bangin tiang hi.

SUAHTULNAK 14:29

Mahnaven Israel mite cu a lang le langah tui cu pangtian bangin tiangin tuipi sung a, leiko hum pen hawh vawk haw hi.

SUAHTULNAK 15:8

Na naal sung pen na muh tul ten, tui tiangdun haw hi. A luang li laihmi tui cu, pangtian bangin ding haw. A thuk zetmi tuipi cu, tuikhal bangin khal khawng hi.

ISAIAH 50:2

“Itakaw ka mihingte pan tukin ka hawh ten kua mah i otpih tawk mang? Itakaw ka sam ten kuamah in, na don uh ngawl? Amuh hup tukin nemcuam viang ma ing maw ikaw? Ka thu piaknak hangin tuipi thuanthum kang khawng. Luite cu phillawnin cang khawng haw hi. Tui a um ngawl hangin tui sung ngasate thi khawng haw hi.

EZEKIEL 47:8

Mahpa in, ka lakah, “Hi lui cu ngamsung pen nisuahnak lamah luangin, Jordan tui luannak luam pen Tuipi Thi ah heng hi. Tuipi Thi sungah a luan ten a almi tui hempoh cu tuithiangin thek khawng tuk hi.

NAHUM 1:4

Tuipi cu thupia in kangtik hi, luitui hempoh vang ko khawng hi. Bashan ngam le Karmel mualte ko khawng haw hi. Lebanon mualhum a, paakte vang thim khawng haw hi.

HABAKKUK 3:8

Topa, luitui in, na thinuktik maw? Tuipi thuanthumin, na thinuktik maw? Nang cu meingo humah khung ci. Na mihing tei nelah nehnak na piak ten, Huihpi cu na cipuhleng hi.

MIPUM SIALNAK 34:3

Hang lam pen na ngamngi uh cu Zin ngamkhing pepan tuk a, Edom ngamngi tuanah hawh tuk hi. Tuipi thi hanglam mawk, nisuahnak lam heng tuk hi.

DAAN PIAKLEHNAK 1:1

Hithu hi Jordan ngun pen nisuahnak lam ngamkhingah a um haw laihin, Moses in Israel tei lakah a hilhmi thu hi. Israel mite cu Jordan munlawn Suf khua elah um haw; Paran khua cu mahlai pen a langkhat lamah umin, Tofel, Laban, Hazeroth le Dizahab khua cu ngalkhat lamah um haw hi.

DAAN PIAKLEHNAK 3:17

Nitumnak lamah a ngam haw cu Jordan ngun tian hi. Saklam Galilee tuiting pen hanglamah Tuipi Thi tian, nisuahnak lamah Pisgah mual bul tian a ngamngi haw hi.

JOSHUA 12:3

Jordan ngun kuam le Tuipi Thi pen nisuahnak lamah Galilee tuiting pen Beth Jeshimoth lamah hanglam ngam a ummi Pisgah Mual tian hi.

JOSHUA 15:2

Hanglam a ngamngi haw cu Tuipi Thi i hanglam mawk pen

JOSHUA 16:7

Janoah pen Ataroth le Naarah ah hawhin, Jerikho khua pen Jordan ngunah tawp hi.

JOSHUA 3:13

Leihum buppi uktu Topa i Thutiam Kuang a zawngtu thiampi ten tui sungah a ke a khiak bek haw ten a luang li laihmi Jordan ngunpi cu a luan cawl tuk hi; sak lam pen a luangmi tui cu munkhatah tingin, cawl tuk,” ti hi.

JOSHUA 4:22

Israel mi in Jordan ngun a kaltan haw ten leiko humah hawh haw hi, tin hilh un.

JOSHUA 5:1

Jordan ngun pen nitumnak lam a, um Amor kumpi le Mediterranean tuipi mawk a, um Kanaan kumpi ten Israel tei Jordan ngun a kaltan haw ten Topain kangtik hi tih thu a zak khawng haw ten thinsuzet haw hi. Israel mite lau in can tawtok haw hi.

THUKHENTUTE 7:22

Mah bangin mihing za thum pengkul a tum lih laihtak haw in, Midian ngalkap cu Topa in amuh le muh thatduntik hi. Tai haw in, Zererah lamah Beth Shittah tian, mahten Tabbath el a, Abel Meholah khua tian tai haw hi.