JOSHUA 24:31 - Ngawm Bible

³¹ Joshua i nun sung hempoh Israel miten Topa bia haw in, a thih nung hei ten Israel tei ca in Topa i na bawlmi a thei khawngtu Israel hotu ten a nun sung haw in, Topa leleng bia haw hi.

JOSHUA 24:31 Iomraidhean Croise

PIANPATNAK 14:10

Siddim phillawn cu zinan suahnak khuk dimin, Sodom le Gomorrah kumpi cu ngaldonak haw pen a tai haw ten mah khuk sungah cak haw hi. Adang pa thum cu mualhumah tai vawk haw hi.

2 KHANGSIALNAK 24:2

Thiampi Jehoiada a dam sungin, Joash in Topa i mai ah thilpha bawlin, Topa i lungdamtik hi.

2 KHANGSIALNAK 34:33

Kumpi Josiah in Israel ngamsung a, ummi ningdelhhuai milimte cu siatsuah khawng hi. A nunsungin mipi ten a pu le pa tei Topa Pathian a zui haw cu zamsan haw ma toh hi.

NUNGZUITU 20:29

Keima hawh nungten a lauhuai cingne hang hengin tuuhonte hi zo thong haw tukma hi, tih thei ing.

DAAN PIAKLEHNAK 11:2

iti bang Pathian him tih cu na nunnak uhin, na teh zo uhmi cu komno in cing leleng un. Mahtibang a teptu cu na ca uhte hi haw ma hi, nangmuh hi uh ci. Topa i thawmngennak, a baantha ngilnak le a huham cu mu zo uh ci;

DAAN PIAKLEHNAK 11:7

Hi zuh hi, Topa i bawlmi nalamdang a mutu cu nangmuh uh ci.

DAAN PIAKLEHNAK 31:13

Topa na Pathian uh i Daan a thei awng ngawlmi na canau uhte vangin thei haw tuk hi. Jordan ngun ngal ngam luahtumin, a um sung hempoh haw in Topa kihcak thiam haw tuk hi,” tin thupia hi.

DAAN PIAKLEHNAK 31:29

Nohte hi ka thih nungten mipha ngawl zetin suak tuk uh ci, ka zilhmi hempoh siatsuah khawng tuk uh ci, tih cu mu leng ing. Topa i kham mite bawlin a thinuktik na hih uh hangin mailam ten haksatnak na hum uhah heng tuk hi,” ti hi.

FILIPI 2:12

Mah hangin, ka ihmi ngualcamte aw, nangmu lak ka umlaih a, ka thu na man leleng uh bangin le mah sangin a thupi saw laihmi cu nangmu lak ka um ngawl vangin ka thu na zui tuk uh khi hi. Nunpatnak cangkim na ngahnak tukin upat le lauthawng thahno in dek li poh un hi.

THUKHENTUTE 2:10

mah khan a Israel mite vang thi haw in, mah nung a suakmi khangthak ten Topa hihen, Topa in Israel tei ca in, a bawlmi hempoh vang thei haw hi.

THUKHENTUTE 2:6

Joshua in Israel mite cu pintikin, amu co mi ngam tekah pin haw hi.

THUKHENTUTE 2:7

Joshua a nun sung hempoh Israel miten Topa cu bia in, a thih nung hei ten Israel tei ca in Topa i na bawlmi hempoh a theitu upa tei nun sung vangin Topa cu bia leleng haw hi.