JOSHUA 24:25 - Ngawm Bible

²⁵ Mah hangin Joshua in mah ni a, thutepnak cu Israel tei ca in bawlin Shekhem ah daan le a zui haw tukte pia hi.

JOSHUA 24:25 Iomraidhean Croise

PIANPATNAK 35:4

Mah hangin ngamdang pathian zuk a neih haw mi le a bengkhaih haw cu la in, Jakob lakah pia haw hi. Jakob in Shekhem khua el a, um Sasua kung nuaiah phum hi.

2 KUMPI 11:17

Jehoiada in, Topa i miphun a hihnak tukin kumpi le mipi cu, Topa tuah thutepnak bawltik hi, kumpi le mipi tei laklawhah thutepnak bawltik hi.

2 KHANGSIALNAK 15:12

A pu le pa tei Pathian cu a lungmu haw le a zaangtha venghawng tuah bia tukin a venghawng haw lungkimin thutepnak bawl haw hi.

2 KHANGSIALNAK 15:15

A lungmu tatak haw tuah hi thutepnak a bawl haw hangin Judah mi hempoh cu lungdamzet haw hi. Pathian a biaknak haw hempoh ah lungnopnak nei in, Pathian i sanmi biaknak suakin, khua hempoh ah lemdaihnak thupha pia hi.

2 KHANGSIALNAK 23:16

Jehoiada i vaihawmnak hangin kumpi Joash in mipite tuah Topa i mihing hi tukin Topa i lakah thutepnak bawl haw hi.

2 KHANGSIALNAK 29:10

“Hiti bang a hih ten Topa, Israel i Pathian cu a hum uhah a thinuk tuk ngawltohin, amah tuah thutepnak bawl tukin ngaisung zo ing.

NEHEMIAH 9:38

Ka hum uhah a piang mite hangin Israel miten atu-in, lai nganin, lungkimnak laikhet bawl ung a, ka hotu uhte, ka Levi mi uhte le ka thiampi uhten a humah a min haw khen haw hi.

SUAHTULNAK 15:25

Moses cu nase zetin Topa i lakah thu a nget ten, Topa in Moses lakah thing tawng pa khat lak hi. Mah thing tawng cu Moses in tui sungah a khiaksuk ten, tui cu kha ma toh hi. Topa in khingkhai in, a zui leleng haw tuk daan pia hi.

SUAHTULNAK 24:3

Moses cu mipi tei lakah hawhin Topa i thupiakmi le daan piakmi hempoh hilh hi. Mipi ten, “Topa i hilhmi hempoh bawl khawng tuk ung hi,” tin ti haw hi.

DAAN PIAKLEHNAK 29:1

Moab ngam a um haw laihin Topa in Moses lakah a nuailam a thutiam cu Israel tei lakah hilh tukin pia hi. Hi thutiam cu Topa in Sinai Mualhum pen Moses nelah a piak zo hum pen a piak betmi hi.

JOSHUA 24:1

Joshua in Israel mite cu a venghawng haw in Shekhem ah sam khawng hi. Upa, hotu le bawi a venghawng haw in samin Pathian maiah suak ten haw hi.

JOSHUA 24:26

Mah daan cu Joshua in Pathian i piakmi Daan laibu sungah ngan hi. Joshua in suang ngengpi la in, Pathian i mun thiangtho sasua kung nuai ah phut hi.