JOSHUA 24:19 - Ngawm Bible

¹⁹ Joshua in, a lak hawah, “Topa i na cu dek thei sap tukma uh ci; itahim titale amah cu a thiangthomi Pathian le micing thei Pathian hi. Na khelhnak uh le na sualnak uhte ngaidam tukma hi.

JOSHUA 24:19 Iomraidhean Croise

2 KHANGSIALNAK 36:16

Pathian i hahmi palai le profet cu zawnsakin, nuihsan thongin, imah simsial haw ma. A tawpnak ten a hum hawah Topa i thinuknak cu nase leita in, a luat theihnak haw tuk lampi umleh ma toh hi.

SAAM LABU 99:3

Mi hempoh ten a thawmngeng le a sunglawi mi a min cu pahcawi haw tuk hi. Amah cu thiangtho hi.

SAAM LABU 99:5

Topa a Pathian uh cu thangphat pahcawi un! A kumpi khunnak mai ah kuunin bia un! Amah cu thiangtho hi.

SAAM LABU 99:9

Topa a Pathian uh cu thangphat pahcawi un, A mual thiangtho ah amah bia un! Topa a Pathian uh cu thiangtho hi.

SUAHTULNAK 20:5

Milim bia pahsuh un; a maiah na lu uh hei kun pahsuh un, itahim titale keimah cu Topa na Pathian uh ing hi a, micing thei Pathian ing. Keimah a haw tu tei humah a sualnak haw hangin dantat tung a, a casuan tei khan, khang thum khang li tian dantatnak hengtik tung hi.

SUAHTULNAK 23:21

A hilhmi thu cu ngai unna, upat un hi. Amah cu deihma ung tin, langpang pahsuh un, itahim titale ka minin nadek tukin ka hahmi hi a, na langpang kha uh ahi tale ngaithiam hihim tukma hi.

SUAHTULNAK 34:14

“Pathian dang bia pahsuh un,” itahim titale “Keimah cu micing thei Pathian ing,” ti hi.

SUAHTULNAK 34:7

A khomi ka ihnak cu khang thawng tampi tian kimtik ing, a mawhnak haw, a siatnak haw le a sualnak haw ngaidam ing. Mahnaven a pa tei sualnak hangin a canau haw le a casuan haw cu khang thum khang li tian thukleh tung,” ti hi.

ISAIAH 2:9

A venghawngin, zotsak le naunehmi hi haw tuk a, zakca le mitmai sia in, um haw tuk hi. Maw Topa kuamah ngaidam pahsun.

ISAIAH 27:11

Thingkangte ko in, ek khawng hangin numei ten tuahthingin com haw hi. Itahim titale mihing ten imah a theihtup haw ngawl hangin amuhte semsuahtu Pathian in, a hum hawah lainatnak le hehpihnak neileh tukma toh hi.

ISAIAH 30:11

Kian hih hem un, ka lampi uh khak pahsuh un! Na Israel uh i Pathian thiangtho, thu cu a zak tuk hei nuam ma toh ung,” tin ti haw hi.

ISAIAH 30:15

Topa Israel i Pathian thiangtho in mipi tei lakah, “Kikleh unna, mengdenin keimah muang un. Dapdenno in um hi na ngilnak uh le na himdam tuk uh ci,” ti hi. Mahnaven mahtih bangin um cu nuam ma uh ci.

ISAIAH 5:16

Mahnaven Cungnungbel Topa in, a ngilnak huham langtikin, a dikmi bawl tuk hi, a thianthohnak cu a mihingte thu a khennak hum pen langtik tuk hi.

THIAMPI NADEHNAK 10:3

Moses in Aaron nelah, Topa in, “Ka nadektu hempohin ka thianthohnak upat haw hen; ka hinnam tei nelah ka huham langtik tung hi; a tih ten a son nuammi cu hihi,” ti hi. Mahnaven Aaron cu imah awn ma hi.

THIAMPI NADEHNAK 11:44

Keimah cu Topa na Pathian uh ing hi, keimah ka thianthoh hangin, nohte vang thiangtho bok un hi.

THIAMPI NADEHNAK 11:45

Keimah cu na Pathian uh hi tukin, Izipt ngam pen a suahtultu Topa ing. Keimah cu a thiangthomi ka hih hangin nohte vang thiangtho bok un.

THIAMPI NADEHNAK 19:2

Topa in Moses nelah hi bangin hilh hi, “Keimah ka thiangtho bangbokin thiangtho un hi. Topa na Pathian uh ing.

THIAMPI NADEHNAK 20:26

Mi thiangtho hi tuk uh ci a, keimah bekta hi un hi; itahim titale, keimah cu Topa, a thiangthomi ing. Keimah sung bekah na um theihnak tukin miphun dangte tuah cokhel ngawlin a dangno in ka koih mite uh ci.

THIAMPI NADEHNAK 20:7

Thiangtho duncop un; itahim titale keimah cu Topa na Pathian uh ing.

NAHUM 1:2

Topa in amah dodaltute zo thong ma hi. Amah langpangtute cu dantatin, a thinuknak tuah lulleh hi.

HABAKKUK 1:13

Mahnaven itakaw hitih bang mipha ngawl le mi huaisante a zawi theih? Thilpha ngawl zohnakin, na mit cu thiangthozet naven sualnak a bawltute mu kha ma lehcet ci. Itakaw amuhte sangin midik sawte a bawlsiat lih haw ten daidenno in umsan thong nge cim?

MATTHAI 6:24

Mi pa khat cu bawi pa nih i sila hi thei tukma hi. Pa khat deih tuk a, pa khat cu hua tuk hi. Pa khat lakah muantak zetin um tuk a, pa khatlam cu zawnsak tuk hi. Pathian na le sumpai na dek kawm thei tukma uh ci.

JOSHUA 24:18

Mailam a hawh pepelnak uhah vangin Topa amah lelengin, hi ngamsung a um miphun le Amor mite cu hawlvawk khawng hi. Mah hangin ohte vang Topa bia bok tuk ung hi. Amah cu a Pathian uh hi,” tin ti haw hi.

JOSHUA 24:23

Joshua in, “Mah ahi tale na lak uh a ummi ngamdang pathian cu vawk khawng toh unna, Israel i Pathian Topa i lakah na lungmu uh pia khawng un,” ti hi.

RUTH 1:15

Mah hangin Naomi in, a lakah, “Ruth na pasal unau i zi cu a miphun pih tei lakah le a pathian lakah kikleh zo hi. Amah tuah innah pinkik bokin hi.”

1 SAMUEL 3:14

Mah hangin iti bang biakpiaknak le piaknak a nei vangin sualnak hitihzah a bawl haw hangin ngaidam hihim tuk mang hi, tin Eli i innkua pih tei lakah ciang zetin phuang ing hi,” tin Samuel lakah ti hi.

1 SAMUEL 6:20

Mah hangin Beth Shemesh khua miten, “Hi Topa, a thiangtho Pathian mai ah kua kaw a ding thei tuk? A lak uhah um tuk ngawlin ilai ah kuat tuk kam hung?” tin ti haw hi.