JOSHUA 23:12 - Ngawm Bible

¹² Thu ngai ngawlin na lak uh a, a tangmi miphunte pawlkomin amuh tuah na huai uh tale,

JOSHUA 23:12 Iomraidhean Croise

PIANPATNAK 2:24

Mah hangin pano in, a nu le pa zamsanin, a zi tuah khawmdun haw a, amuh cu pumkhatah suak haw hi.

PIANPATNAK 34:3

Dinah i lak bekah a lungmu koihin, a deihzet sih bok hangin lem hi.

1 KUMPI 11:2

Israel miten pathian dangte bia sual haw tuk tih a lau hangin, ngamdang mite huai tuk ngawlin Israel mite cu Pathian in thupia naven, Solomon in mah miphun numeite cu huai leleng hi.

1 KUMPI 11:4

putek a hih nungten ngamdang pathian biaknak lamah pui ngah hawta hi. A pa David bang hi ngawlin Solomon cu a lungmu pathian dadang tei lak zuanin Topa a Pathian mai ah muantak ma hi.

SAAM LABU 125:5

Misualte dan natat ten, a lampi pha ngawl a zuitute cu dantat bokin hi. Israel ngamah lemdaihnak um tahen!

SAAM LABU 36:3

A kam pen a tulmi cu sualnak le zolthu bebek hi. Phatnak le cihnak imah bawl ma hi.

ISAIAH 1:4

Maw Israel, noh misual phun, thilpha ngawl bebek bawlin, nawhthuh ei mihingte, bothal uh cei. Na sualnakin nangmuh dok vawk hi. Topa Israel Pathian thiangtho cu nunghek uh ci.

EZEKIEL 18:24

“Midik pa khatin, na pha bawl colhsanin, thil sual le ningdelhhuai na a bawlleh tale nung leleng a ni maw? Nung tukma hi! Na pha a bawlsami hei phawkngil khawng tuk hi. Muantak ngawl a hihnak le a sualnak hangin thi tuk hi.

ZEFANIAH 1:6

Keimah zamsanin, a zuileh ngawltu le ka nelah a hung ngawltu, keimah thu a sonpih ngawltu cu siatsuah khawng tung,” ti hi.

MATTHAI 12:45

Mahten tulleh hihin, amah sangin a sesuak saw mi hawvang salihte cu zawmin, mah innah tumpih hi, mahten mahpa cu a masa sangin sehuai saw hi. Mahti bangin tulaih khang mipha ngawl tei humah heng tuk ti hi.”

JOHAN 6:66

Hi thu hangin amah zuitu mi tampi cu nunghekin amah zui ngamleh haw ma toh hi.

ROM Khua Khristian Tei Lakah Paul i Laikuat (Paul’s Letter to the Romans) 12:9

Itdunnak a tih uhten lungmu tak tuah ihdun tukmi hi. A pha ngawlmi cu hua unna, a phami lenkhim un hi.

DAAN PIAKLEHNAK 6:15

Na bia uh tale Topa i thinuknak na hum uhah meipi bangin heng tuk a, cimittik khawng tuk hi, itahim titale Topa na Pathian uh cu nangmuh tuah umin, micing thei Pathian hi.

DAAN PIAKLEHNAK 7:3

Huai hei huaidun pahsuh unna, na ca uhte vang huaiduntik pahsuh un,

DAAN PIAKLEHNAK 7:4

itahim titale na ca uhte cu Topa bia tuk ngawlin pui haw tuk a, pathian dadang biatik haw tuk hi. Mahti bangin na um uhten, Topa cu na hum uhah a thinuk tuk a, thakhatin nohte cu siatsuah tuk hi.

JOSHUA 23:11

Topa na Pathian uh bek it tukin cingcai zetin nung un.

1 JOHAN 2:9

A kuakua hei hihen vaknak sungah um ing, a ti vangin a u le nau a huatu cu khuathim sungah umlaih hi.

THUKHENTUTE 14:3

Mahnaven a nu le pa ten, “Ita vunceptan ngawl Filistin mitei numei cu zi tukin deih ngelcel cim? Eimu unau pih le miphun lakah, na deihmi khanglai pa khat hei um haw ma maw?” tin ti haw hi. Mahnaven Samson in, “Huaisak tukin ka deihmi cu amah pa khat bek hi. Amah bek ka deihmi hi,” tin, a pai lakah ti hi.

THUKHENTUTE 3:6

Huaidun, ladunin, a pathian vang bia bok haw hi.