JOSHUA 23:10 - Ngawm Bible

¹⁰ A tepsa bangin nangmuh panin Topa na Pathian uhin, a do hangin mi pa khatin, na ngal uhte thawng khat hawlvawk thei uh ci.

JOSHUA 23:10 Iomraidhean Croise

2 Samuel 23:8

David i ngalkap minthangte cu hite hi haw hi. Pa khatnak cu Takhemon mi Josheb Basshebeth hi a, “Mi Pa thum,” tihmi lak pen a hotu hi. A ceipi pa khat tuah mihing za liat do in, tum khat thu in, a venghawngin that khawng hi.

1 KHANGSIALNAK 5:20

Pathian muang haw in, a lak pen bopnak a nget haw hangin Pathian in, a ngetnak haw cu theihsakin, Hagri hinnam le a pantu tei humah nehnak pia hi.

1 KHANGSIALNAK 5:22

Pathian in, a bop hangin, a ngalte tampi that hi. Mahlai munah sal a tan hun haw tian um leleng haw hi.

SAAM LABU 35:1

Topa aw, keimah a langpangtute cu langpang bok inna, a dotute cu doleh bokin hi.

SAAM LABU 46:7

Cungnungbel Topa cu ohtei lakah um hi. Jakob i Pathian cu buknak kulhtian hi.

SUAHTULNAK 14:14

Topa in nangmu do ai-in dosak tuk hi. Noh tei bawl tuk imah kulma hi. Lungmuang zetin um poh un,” ti hi.

ISAIAH 30:17

Na ngal uh pa khat na muh uhten nohte cu thawng khat tai tuk uh ci, na ngalte uh pa nga na mu uh tale noh cu na venghawng uhin tai khawng tuk uh ci. Na ngalkap hon sung uh pen pa khatno hei tang tukma uh ci; a tangmi cu mualkul humah amah bek lungleng zetin, a dingmi na alan khuam pa khat bek hi tuk hi!

THIAMPI NADEHNAK 26:7

Na ngal tei humah nehtu hi tuk uh ci; ngalnam tuah na mai uhah thi haw tuk hi.

THIAMPI NADEHNAK 26:8

Nohte mihing pa nga in, na ngal uh za khat neh tuk uh ci, noh za khatin, na ngal uh thawng sawm neh tuk uh ci.

ZEKHARIAH 12:8

Mah hun ten Jerusalem a ummi cu Topa in panin, amu sung pen mi ngil ngawlbel cu David bangin ngil tuk hi. David casuan ten Topa i vancungmi bangin le amah Pathian bangin lampui haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 8:31

Hite hempoh a theih nung uhten ikaw a hilh hih tuk uh? Pathian eimu lamah a tang tale ohte akua in langpang thei tuk him?

DAAN PIAKLEHNAK 20:3

‘Israel mite aw, ngai un! Tuni in, na ngal uhte do tuk uh ci. Na ngal uhte atam haw hei in, lau pahsuh un, lau hemhumin um pahsuh un.

DAAN PIAKLEHNAK 20:4

Topa na Pathian uh cu na lak uhah um tuk a, nehnak pia tuk hi’ tin au tuk hi.

DAAN PIAKLEHNAK 28:7

“Nangmah a dotu na ngalte cu Topa in nehsak tuk hi. Munkhat pen a not haw hei in mun salih pen tai haw tuk hi.”

DAAN PIAKLEHNAK 3:22

Kuamah lau pahsun hi, Topa na Pathian uhin, nangmu ai-in dosak tuk hi,’ ti hi.

DAAN PIAKLEHNAK 32:20

“Amuhte bawmleh tukma toh ing, i suak haw tuk hum tih zo hih tung.” Hi mizol thei casuan le mi muantak ngawlte!

DAAN PIAKLEHNAK 32:30

Ita mi pa khatin thawng khat nehin, Mi pa nih bekin thawng sawm a neh theih haw? Topa a Pathian haw in zamsanin, A Pathian ngilzet haw in, a nunghek hangin hi.

JOSHUA 10:42

Israel i Pathian Topa in Israel mite a panpih hangin, hi ngam hempoh le a kumpi haw cu tum khat do in, Joshua in neh khawng hi.

JOSHUA 23:11

Topa na Pathian uh bek it tukin cingcai zetin nung un.

JOSHUA 23:3

Topa na Pathian uhin nangmu hangin hi ngam a ummi miphun tei humah a bawlmi cu mu khawng zo uh ci. Ngal na do uhten Topa na Pathian uh cu nangmu lamah tang hi.

THUKHENTUTE 15:15

laak kha nguh pa khat Samson in mu in, a lak ceng ten mahmi tuah Filistin mi thawng khat vat hum hi.

THUKHENTUTE 3:31

Ehud ceng ten a hotu haw Anath capa Shamgar hi. Shamgar in Filistin mi za luk cu khuivahnak ngolhkang hiam tuah vat hum khawng hi. Amah vang Israel mi pansuaktu hi.

1 SAMUEL 14:6

Jonathan in tangval pa i lakah, “Pathian bia ngawl Filistin ngalkap tei ngiahbukah hawh tuk hung, Pathian in bawm kha tuk hi. A bawm ngangai tale iti zahin mi dawmno ahi uh vangin neh leleng tuk hung. Kuamah in kham thei haw tukma,” ti hi.