JOSHUA 22:5 - Ngawm Bible

⁵ Topa i nadektu Moses in, “Topa na Pathian uh it un, a deihmi bawl unna, a thukhamte zui un, Topa i muantakin um unna, na lungmu uh le na nunnak venghawng tuah a nadek un tin, thu a piakmi cu komno in zui suak tum un,” ti hi.

JOSHUA 22:5 Iomraidhean Croise

SAAM LABU 106:3

A thupiakmi a zuitu le thudik a bawl lelengtu cu mi muicute haw hi.

SAAM LABU 78:7

Hitih bangin amuhte vangin Pathian muang haw tuk a, nalamdang a bawl mite phawkngil ngawlin a thukhamte zui leleng haw tuk hi.

SUAHTULNAK 15:26

Topa in, “Keimah na Topa uh le na Pathian uh thu cu komno ngai in, dik hi ka tihmi bawlin, ka thukham zui in, ka daan hempoh na cang uh tale, Izipt mitei lak a, ka hentikmi natnakte pa khatno hei thuak tukma uh ci. Keimah cu a damtiktu Topa ing,” ti hi.

SUAHTULNAK 20:6

Mahnaven keimah a deihtu le ka thukham a zuitu i humah ka ihnak cu khang thawng tampi tianin lak tung.

SUAHTULNAK 23:13

“Na lak uhah ka hilhmi hempoh ngai unna pathian dang tei min a sal hei sal kha pahsuh un; a lak hawah thu hei ngen pahsuh un hi.

SUAHTULNAK 23:25

Noh ten Topa na Pathian uh keimah na bia uh tale an le tui muicu pia tung a, na lak uh pen natnak hempoh laksak khawng tung hi.

THUPAUCAP 4:23

Ngalling zetin thu ngaisungin, itahim titale na ngaihsut mi thu in, na nunnak puahto tuk hi.

ISAIAH 55:2

Itakaw an a hi ngawlmi ca in sum na manli uh? Itakaw vonvahtik thei ngawl ca in nilawh na piak lih uh?

JEREMIAH 12:16

Baal khawhuai minin, ka mihingte siatcamnak hilh haw naven atu-in, ka minin siatcamnak cung haw a, ‘Topa a nun bangin,’ ti haw in, a lungmu ngai haw in ka mihing tei biaknak a pom haw tale ka miphunin cang bok haw tuk a, khangto bok haw tuk hi.

MATTHAI 22:37

Jesuh in, “Topa na Pathian cu na lungmu hempoh, na nunnak hempoh le na ngaihsutnak hempoh tuah it in hi,’

MATTHAI 4:10

Jesuh in, “Satan tai in, itahim titale Lai Thiangtho in; Topa na Pathian bia inna, ama na bek dekin hi tin ti hi,” tin don hi.

MATTHAI 6:24

Mi pa khat cu bawi pa nih i sila hi thei tukma hi. Pa khat deih tuk a, pa khat cu hua tuk hi. Pa khat lakah muantak zetin um tuk a, pa khatlam cu zawnsak tuk hi. Pathian na le sumpai na dek kawm thei tukma uh ci.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 14:15

Jesuh in, “Keimah na it uh tale ka thupiakte zui tuk uh ci.

NUNGZUITU 11:23

Barnabas cu Antiok khua a hen ten Pathian i mipi tei lakah thupha a piakdante amuh ten a lungdam zetin, a lungmu hempoh haw tuah Topa umin, muantakmi thu umtu a hih theih hawnak tukin thazaang pia hi.

NUNGZUITU 27:23

Itahim titale zantakin keimah neitu le ka biakmi Pathian i vancungmi ka lakah hungin,

ROM Khua Khristian Tei Lakah Paul i Laikuat (Paul’s Letter to the Romans) 1:9

Ama Capa i Thuthangpha cu ka lungmu hempoh tuah hilhin, a na ka deh mite cu man hi tin Pathian in theihpih hi. Thu ka nget sial ten nangmuhte phawkngil awng mang tih cu Pathian in thei hi.

ROM Khua Khristian Tei Lakah Paul i Laikuat (Paul’s Letter to the Romans) 12:9

Itdunnak a tih uhten lungmu tak tuah ihdun tukmi hi. A pha ngawlmi cu hua unna, a phami lenkhim un hi.

ROM Khua Khristian Tei Lakah Paul i Laikuat (Paul’s Letter to the Romans) 8:28

Ihempoh ah Pathian in amah a ittu le ama tuptahnak bangin a sammi tei ca in, a phatnak haw tukin nadek hi tih cu thei hung hi

DAAN PIAKLEHNAK 10:20

Mah hangin Topa na Pathian uh i thu cu zui unna, amah bek bia un. Ama ca tukin muantakzet unna, ama min tuah bekin thutiam un.

DAAN PIAKLEHNAK 11:1

“Topa na Pathian uh cu it unna, a thukham, a daan le a thupiakmi hempoh cu zui un.

DAAN PIAKLEHNAK 11:13

Mah a hih hangin tuni ka piakmi thukham hempoh hi zui un, Topa na Pathian cu na lungmu uh venghawng tuah it unna, a nadek un hi.

DAAN PIAKLEHNAK 11:22

Ka thupiakmi hempoh hi komno in zui un; Topa na Pathian uh cu it un, a thupiakmi bangin bawl unna, ama muantak tukin um un.

DAAN PIAKLEHNAK 13:4

Topa cu zui unna, kihca un. Ama thu cu ngai unna, a thupiakmite zui un. Amah cu bia unna, a muantakmi hi un. A nadek unna, amah cu kho zetin pom un.

DAAN PIAKLEHNAK 4:29

Mahlaiah Topa a Pathian uh cu zei in, na lungmu ngai uh tuah na zei uh tale tawk tuk uh ci.

DAAN PIAKLEHNAK 4:4

Mahnaven Topa na Pathian uh a muangtu nohte cu tuni tian nunglaih uh ci.

DAAN PIAKLEHNAK 4:6

Komno in zui unna, minam dadang tei maiah micip le theitu na hihnak uh lang tuk hi. Hih daante a theih haw ten, ‘Hi hinnam cu minampi, cihnak le theihnak a nei ngangai mite haw hi,’ ti haw tuk hi.

DAAN PIAKLEHNAK 4:9

Mah hangin ngalling un! Na nunsung hempoh uhah na mit tatak uh tuah na muh zo uh mite cu phawk ngil hihim pahsuh unna; cing leleng un. Na canau uhte le na casuan uhte zilh khawng un hi.

DAAN PIAKLEHNAK 5:10

Mahnaven keimah a ittu le ka thu a zuitu tei humah san thawng khat tian, a kho mi ka itnak cu langtik ing.

DAAN PIAKLEHNAK 6:17

A piakmi thukham hempoh cu phano in zui un.

HEBRU 12:15

Pathian i hehpihnak khi kuamah in nungheksan tuk ngawlin ngalling un hi. A sia le a kha mi thingkung khangto in, a ngu pha ngawlin mi tampi cimnak a piak bang hi kha pahsuh un hi.

JAMES 1:12

Thiathazohnak a tawh hun ten khim zetin a ding theitu cu mi lungdammi hi. Itahim titale mahtibang haksatnak a neh theih hangin Pathian in amah a ittu tei ca in, a tepsami nunnak cu laksawngin co tuk hi.

JAMES 2:5

Ka ihmi u le naute aw, ngai hih un, Pathian in, mi ca-ngah hi upnak lamah mi hausa hi tukin le amah a ittu tei lakah a tepsami a uknak cotu tukin teng hi.

JOSHUA 23:8

Tuni tian Topa i muantakin, na um uh bangin um leleng un.

MANGMUHNAK 15:3

Pathian i nadektu Moses le Tuuno i la hi tin sa haw hi. “Topa, Cungnungbel Pathian, na thil bawlmi hi izahta in thasiah huai kaw! Minam hempoh tei kumpi bawi, na lampi cu izahin, a dik le a manmi hi haw him?

1 SAMUEL 12:20

Samuel in, “Na lau pahsuh un. Thilpha ngawl bawl zo toh nave uhcin, Topa i lak pen pial toh pahsuh un. Na lungmu uh venghawngin ama nadek saw un.

1 SAMUEL 12:24

Topa cu kihca unna, muantak zetin, na lungmu venghawng uh tuah ama nadek un. Nohtei ca in thasiahhuai na a bawl mite ituk mah ten phawkngil pahsuh un.

1 SAMUEL 7:3

Samuel in, “Na lungmu tatak tuah uhin, Topa na zuan nuam uh tale ngamdang pathian le Astrate zukte cu vawk khawng un hi. Na nunnak uh a venghawngin Topa i lakah pia khawng unna, amah bek bia un. Filistin tei khut sung pen Topa in luattik tuk,” ti hi.